സങ്കടങ്ങൾക്ക് എന്നന്നേക്കുമായി വിട, ഇനി ആഘോഷങ്ങളുടേയും സന്തോഷത്തിന്റെയും ദിനങ്ങൾ ; മീനാക്ഷിയുടെ പുതിയ വിശേഷം അറിഞ്ഞോ?

വിവാഹം കഴിഞ്ഞതിന് പിന്നാലെ അഭിനയ ജീവിതത്തോട് പൂർണമായി വിടപറയുകയായിരുന്നു കാവ്യമാധവൻ. കുടുംബജീവിതവുമായി ബന്ധപ്പെട്ട തിരക്കുകളിലാണെന്നും, ഇനി സിനിമയിലേയ്ക്ക് ഇല്ലെന്നായിരുന്നു അന്ന് കാവ്യ പറഞ്ഞത്. മലയാളസിനിമയിലെ ഒരു കാലത്തെ ശാലീന സൗന്ദര്യം എന്നായിരുന്നു കാവ്യയെ വിശേഷിപ്പിച്ചിരുന്നത്. ഇപ്പോൾ മകൾ മഹാലക്ഷ്മിയുടെ വിശേഷങ്ങളുമായി ഇടയ്ക്ക് കാവ്യ സമൂഹമാധ്യമങ്ങളിലെത്താറുണ്ട്. സോഷ്യൽമീഡിയയിൽ താരം അത്ര കണ്ട് സജീവമല്ലാത്തതിനാൽ വല്ലപ്പോഴും മാത്രമാണ് മകളോടോപ്പമുള്ള നിമിഷങ്ങൾ പങ്കുവെക്കാറുള്ളത്. വിശേഷദിവസങ്ങളിലും, പൊതുപരിപാടികളിലും മറ്റുമായി ദിലീപിനൊപ്പം കാവ്യയുമെത്താറുണ്ട്. കുടുംബസമേതമുള്ള ഇവരുടെ ചിത്രങ്ങൾ ഇടയ്ക്ക് ശ്രദ്ധനേടിയിരുന്നു.

ഇപ്പോഴിതാ ദിലീപും, കാവ്യയും ഒരുമിച്ചുള്ള ചിത്രങ്ങളാണ് സോഷ്യൽമീഡിയയിൽ വൈറലായി മാറിയത്. കട്ട താടിയോട് കൂടിയാണ് ദിലീപിനെ ചിത്രത്തിൽ കാണുന്നത്. ‘വോയ്‌സ് ഓഫ് സത്യനാഥൻ’ എന്ന പുതിയ ചിത്രത്തിന് വേണ്ടിയാണോ ഇത്തരത്തിലൊരു രൂപമാറ്റം എന്നാണ് ആരാധകർ ചോദിക്കുന്നത്. ചുവന്ന കളർ ഷർട്ടാണ് ദിലീപ് ധരിച്ചിരിക്കുന്നത്. ജിമിക്കി കമ്മലുകളിഞ്ഞ് പീച്ച് കളർ ചുരിദാർ ധരിച്ച് ചിരിച്ചുകൊണ്ടാണ് ചിത്രത്തിൽ കാവ്യയെ കാണുന്നത്. ചിരിച്ചുകൊണ്ടാണ് ഇരുവരും ചിത്രത്തിൽ പോസ് ചെയ്തിരിക്കുന്നത്. കുറെ നാളുകൾക്ക് ശേഷം ആദ്യമായിട്ടാണ് കാവ്യയെ ഇത്ര സന്തോഷവതിയായി കാണുന്നതെന്നായിരുന്നു ആരാധകർ അഭിപ്രായപ്പെട്ടത്.

മകൾ മഹാലക്ഷ്മിയ്ക്കൊപ്പമുള്ള കാവ്യയുടെ ചിത്രങ്ങൾ ഇടക്കാലത്ത് ശ്രദ്ധ നേടിയിരുന്നു. മുടി മുന്നിലേയ്ക്ക് നീട്ടി വളർത്തിയ രീതിയിലായതുകൊണ്ട് മഹാലക്ഷ്മിയെ എല്ലാവരും ‘മാമാട്ടിക്കുട്ടി’ എന്നാണ് വിളിക്കാറുള്ളതെന്നും മീനാക്ഷി സൂചിപ്പിച്ചിരുന്നു. അനിയത്തി നല്ല കുസൃതിക്കാരിയാണെന്നും, എടാ അച്ഛായെന്നൊക്കെയാണ് ദിലീപിനെ വിളിക്കാറുള്ളതെന്നും, എവിടെയും അടങ്ങിയിരിക്കുന്ന സ്വഭാവം അവൾക്കില്ലെന്നും താനും, അനിയത്തിലും നല്ല കൂട്ടുകാരാണെന്നും മീനാക്ഷി ഒരു അഭിമുഖത്തിനിടെ പറഞ്ഞിരുന്നു. പിറന്നാൾ ദിനത്തിലും, ഓണം, വിഷു പോലുള്ള വിശേഷ ദിവസങ്ങളിലും സഹോദരിയ്‌ക്കൊപ്പമുള്ള ചിത്രങ്ങൾ മീനാക്ഷി തൻ്റെ സോഷ്യൽമീഡിയ അക്കൗണ്ടുകളിൽ പങ്കുവെക്കാറുണ്ട്.

അതേസമയം ദിലീപുമായുള്ള വിവാഹം കഴിഞ്ഞതിന് പിന്നാലെ കാവ്യയെച്ചൊല്ലി നിരവധി വിവാദങ്ങളുണ്ടായിരുന്നു. എന്നാൽ വിവാദങ്ങളോടൊന്നും പ്രതികരിക്കാതെ മുഖം തിരിഞ്ഞ് നിൽക്കുന്ന സമീപനമാണ് കാവ്യ സ്വീകരിച്ചത്. ചെയ്യാത്ത തെറ്റിൻ്റെ പേരിലാണ് താൻ ഇത്രയും നാൾ ക്രൂശിക്കപ്പെടുന്നതെന്നും സത്യം ഒരു നാൾ മറ നീക്കി പുറത്തു വരുമെന്നും ദിലീപ് പ്രതികരിച്ചിരുന്നു. നടിയെ അക്രമിച്ച കേസുമായി ബന്ധപ്പെട്ട് ആരോപണ വിധേയനായി തുടരുന്ന സാഹചര്യത്തിലാണ് അങ്ങനെയൊരു പ്രതികരണം ദിലീപ് നടത്തിയത്.

ഒരുകാലത്തെ സിനിമയിലെ പ്രണയ ജോഡികളായ കാവ്യയെയും, ദിലീപിനെയുമാണ് ഇരുവരെയും ഒരുമിച്ച് വീണ്ടും കാണുമ്പോൾ തങ്ങൾക്ക് ഓർമ വരുന്നത്തെന്നായിരുന്നു പ്രേക്ഷകർ പറഞ്ഞത്. അഭിനയത്തോട് പൂർണമായി വിട പറഞ്ഞെങ്കിലും കാവ്യ അവതരിപ്പിച്ച പകരം വെക്കാനില്ലാത്ത ഒരു പിടി നല്ല കഥാപാത്രങ്ങൾ ഇന്നും പ്രേക്ഷകരുടെ മനസിലുണ്ട്. സിനിമയെ വെല്ലുന്ന തരത്തിലുള്ള ചില സംഭവവികാസങ്ങൾ ദിലീപിൻ്റെ അഭിനയജീവിതത്തെ സാരമായി ബാധിച്ചിരുന്നു. ഇടക്കാലത്ത് ദിലീപിൻ്റെ ചില ചിത്രങ്ങൾ റിലീസായെങ്കിലും അത്തരം കാരണങ്ങളാൽ അവയ്ക്ക് വേണ്ട രീതിയിൽ വിജയിക്കാൻ സാധിച്ചില്ല.

KERALA FOX
x
error: Content is protected !!