പെണ്ണിന് വേണ്ടിയുള്ള എല്ലാ സാധനങ്ങളും അവൻ സ്വന്തം അധ്വാനത്തിലൂടെ വാങ്ങി, അവനെ കുറിച്ചോർത്ത് തനിക്ക് അഭിമാനം ആണ്; ബിബി കുടുംബത്തിൽ പുതിയ വിശേഷം

ബിഗ് ബോസ് സീസൺ 1 താരം ബഷീർ ബഷിയും കുടുംബവും സോഷ്യൽ മീഡിയയിൽ ഏറെ സജീവമാണ്. അവരുടെ എല്ലാ വീഡിയോസും ഫോട്ടോസും ആരാധകർ ഇപ്പോഴും ഏറ്റെടുക്കാറുണ്ട്. ബിഗ് ബോസിൽ മത്സരാർത്ഥിയായി എത്തിയതോടെയാണ് പ്രേക്ഷകർ ഇവരെ ശ്രദ്ധിക്കാൻ തുടങ്ങിയത്. കാരണം എന്തെന്നാൽ തനിക്ക് രണ്ട് ഭാര്യമാരുണ്ടെന്ന കാര്യം ബിഗ് ബോസ് ഷോയിലാണ് ബഷീർ ആദ്യമായി വെളിപ്പെടുത്തിയത്. കുടുംബത്തിലെ മിക്ക വിശേഷങ്ങളും കുടുംബം പങ്കിടാറുണ്ട്. ഇപ്പോഴിതാ പുത്തൻ വിശേഷം ആണ് താരം പങ്കിടുന്നത്.

മഷൂറയുടെ സഹോദരൻ്റെ കല്യാണ വിശേഷമാണത്. മഷൂഖ് പറഞ്ഞിരുന്നു അവന്റെ പെണ്ണിനെ കാണിക്കണം എന്ന്. അതുകൊണ്ട് കാണിക്കും എന്ന് ബഷീർ പറയുമ്പോൾ അവൻ എന്റെ സഹോദരൻ ആണ് അവനു അറിയാം എന്ന മറുപടിയാണ് മഷൂറ നൽകുന്നത്. അവനെ കുറിച്ചോർത്ത് തനിക്ക് അഭിമാനം ആണ്. സ്വന്തം കാലിൽ നിന്ന ശേഷം ആണ് തന്റെ അളിയൻ വിവാഹത്തെ കുറിച്ചോർത്തത് എന്നും ബഷീർ വീഡിയോയിൽ പറയുന്നുണ്ട്.

സ്വന്തമായി ജോബും, സ്വന്തമായി അധ്വാനിച്ചുണ്ടാക്കിയ സമ്പത്തും. അതായത് സ്വന്തം അധ്വാനം കൊണ്ട് ഇന്ന് ഈ നിലയിൽ മഷൂഖ് എത്തിയത്. ഒരു രൂപ പോലും ബാപ്പയുടെ കൈയ്യിൽ നിന്നു പോലും വാങ്ങിക്കാതെ ആണ് പെണ്ണിന് വേണ്ട സാധനങ്ങൾ വരെ അവൻ വാങ്ങിയത്. പെണ്ണിന് വേണ്ടിയുള്ള എല്ലാ സാധനങ്ങളും അവൻ സ്വന്തം അധ്വാനത്തിലൂടെയാണ് വാങ്ങിയത് എന്നത് ഓർക്കണം. എന്നും എനിക്ക് അളിയൻ എന്നോർക്കുമ്പോൾ അഭിമാനം മാത്രമാണ്. മഷുവിന്റെ അപ്പത്തമംഗലം നടക്കുന്ന സമയവും ഞാൻ ഇത് പറഞ്ഞിരുന്നു. കാരണം അവനു അവന്റേതായ ഉത്തരവാദിത്വങ്ങളും കാര്യങ്ങളും ഒക്കെയുണ്ട്. ഒരിക്കലും അവനെ ഇരുത്തി പറയുന്നതല്ല ഇത്. ഇരുത്തി പറഞ്ഞാലും അല്ലെങ്കിലും അവൻ അങ്ങനെ ആണ്.

മാഷാ അല്ലാഹ് എന്റെ കുഞ്ഞനിയൻ മഷൂഖ് ഒരു പുതിയ ജീവിതത്തിലേക്ക് ചുവടുവെക്കുന്നു.
നിന്റെ വിവാഹ നിശ്ചയത്തിന് അഭിനന്ദനങ്ങൾ പ്രിയ കുഞ്ഞേ നീ എന്ത് പെട്ടെന്നാണ് വളർന്നത്. എത്ര വളർന്നാലും നീ എന്നും എനിക്ക് കുഞ്ഞനുജൻ ആണ്. ഇവൻ എന്ത് വേഗം ആണ് വളർന്നത് . ഞാൻ നിന്നെ വളരെയധികം സ്നേഹിക്കുന്നു- എന്നും മഷൂറ സോഷ്യൽ മീഡിയയിൽ കുറിച്ചിരുന്നു.

പ്രണയവിവാഹം ആണോ, എന്നാണ് വിവാഹം എന്നുള്ള കമന്റ്സുകളും വൈറൽ വീഡിയോയിൽ ലഭിക്കുന്നുണ്ട്. നാത്തൂനേ കാണാൻ മഷുവിനെ പോലെയുണ്ട് എന്നും ചിലർ കമന്റ്സ് പങ്കിടുന്നുണ്ട്. അതേസമയം പതിവിൽ നിന്നും വ്യത്യസ്തമായി സുഹാനയുടെ ചാനലിലൂടെയാണ് മഷൂഖിന്റെ വിവാഹവിശേഷം കുടുബം പങ്കുവച്ചത്. അടുത്തുതന്നെ സുഹാന ഒരു മില്യൺ അടിക്കും എന്ന കാര്യത്തിൽ സംശയിക്കാൻ ഇല്ല. ഇടക്ക് എങ്കിലും ഇവരുടെ ചാനലിലേക്ക് ഒരു വീഡിയോ പങ്കിട്ടിരുന്നു എങ്കിൽ മഷുവിനെക്കാളും മുൻപേ സുഹാന ഒരു മില്യൺ അടിച്ചേനെ എന്ന് പറയുന്നവരും കുറവല്ല.