Keralafox

മലയാളത്തിലെ അറിയപ്പെടുന്ന നടന്റെ ഭാര്യ ആയിരുന്നിട്ടും പൊതുവേദികളില്‍ രമ പ്രത്യക്ഷപ്പെടാറില്ലായിരുന്നു. രമ ഒതുങ്ങി ജീവിക്കാന്‍ ആഗ്രഹിക്കുന്ന വ്യക്തിയാണെന്നും പൊതുവേദികളില്‍ വരാന്‍ താല്പ്പര്യപ്പെടാറില്ലെന്നും രജഗദീഷ് തന്നെ മുമ്പൊരിക്കല്‍ പറഞ്ഞിരുന്നു.”തനിക്ക് എത്രത്തോളെ പൊതു ഇടങ്ങളില്‍ പ്രത്യക്ഷപ്പെടാനും പ്രശസ്തി നേടാനും ആഗ്രഹമുണ്ടോ , അത്രത്തോളം അവയില്‍ നിന്നെല്ലാം ഒഴിഞ്ഞു മാറാനാണ് രമ ആഗ്രഹിക്കുന്നത്. ഞങ്ങള്‍ രണ്ട് പേരും രണ്ട് ധ്രുവങ്ങളില്‍ സഞ്ചരിക്കുന്നവരാണ്. അഭിപ്രായ വിത്യാസങ്ങള്‍ക്കിടയിലെ യോജിപ്പാണ് ഞങ്ങളുടെ വിജയം. എന്റെ രണ്ട് പെണ്‍കുട്ടികളും ഇന്ന് പഠിച്ച് ഡോക്ടേര്‍സ് ആയിട്ടുണ്ട് എങ്കില്‍ അതിന്റെ ഫുള്‍ ക്രെഡിറ്റും അവള്‍ക്ക് ഉള്ളതാണ്. അവള്‍ സ്വകാര്യ ജീവിതം പരസ്യപ്പെടുത്താന്‍ ആഗ്രഹിക്കാത്തവളാണ്. എന്തെങ്കിലും സ്‌പെഷ്യല്‍ എഡിഷന്റെ ഭാഗമായി ഏതെങ്കിലും മാഗസിന്‍ സമീപിച്ചാലും അവള്‍ തയ്യാറാകാറില്ല. ഞങ്ങളൊരുമിച്ചുള്ള ഫോട്ടോകള്‍ പുറത്ത് വരാത്തതും ഇത് കൊണ്ടാണ്. സോഷ്യല്‍ മീഡിയയില്‍ രമയുടെ ചിത്രം പങ്കുവെയ്ക്കുന്നത് അവള്‍ക്ക് ഇഷ്ടമില്ല”-രമയെക്കുറിച്ച് ജഗദീഷ് മുമ്പ് അഭിമുഖത്തില്‍ പറഞ്ഞത് ഇങ്ങനെയാണ്.