മലയാള സിനിമ ആസ്വാദകർക്ക് വലിയ മുഖവുരയുടെ ആവശ്യമില്ലാത്ത നടിയാണ് കനകലത. വ്യത്യസ്തമായ കഥാപാത്രങ്ങളിലൂടെ പ്രേക്ഷകരുടെ പ്രിയങ്കരിയാവാൻ താരത്തിന് സാധിച്ചു. ഒരു കാലഘട്ടത്തിൽ സിനിമയിൽ സജീവമായ കനകലത അഭിനയ ജീവിതത്തിൽ നിന്നും പതിയെ പിന്മാറുകയായിരുന്നു. വിവാഹബന്ധം വേർപ്പെടുത്തിയ കനകലത ഇപ്പോൾ സഹോദരിയ്ക്ക് ഒപ്പമാണ് താമസിക്കുന്നത്. ദാരിദ്ര്യം നിറഞ്ഞ ജീവിതത്തിൽ നിന്നും, അഭിനേത്രിയായി മാറിയ കനകലത വിവാഹം കഴിഞ്ഞതിന് പിന്നാലെ തൻ്റെ സമ്പാദ്യമെല്ലാം നഷ്ടമായി ഒന്നുമില്ലാത്ത അവസ്ഥയിലേയ്ക്ക് എത്തുകയായിരുന്നു. കവിയൂർ പൊന്നമ്മയുടെ കുടുംബം വഴിയാണ് കനക ലതയ്ക്ക് സിനിമയിലേക്കുള്ള അവസരം ലഭിക്കുന്നത്. കൊല്ലം ജില്ലക്കാരിയായ കനകലതയുടെ അയൽവാസിയായി കവിയൂർ പൊന്നമ്മയുടെ കുടുംബം താമസിക്കാൻ എത്തുകയും, കവിയൂർ പൊന്നമ്മയുടെ സഹോദരി കവിയൂർ രേണുക വഴി കനകലതയ്ക്ക് അഭിനയ ജീവിതത്തിലേയ്ക്കുള്ള വാതിൽ തുറക്കുകയുമായിരുന്നു.
സിനിമയിലേയ്ക്ക് വരുന്നതിന് മുൻപേ നാടകത്തിൽ അഭിനയിച്ച് കഴിവ് തെളിയിക്കാൻ കനകലതയ്ക്ക് സാധിച്ചിരുന്നു. സ്കൂളിൽ പഠിക്കുന്ന കാലഘട്ടം മുതലേ കനക നാടകങ്ങളിൽ സജീവമായിരുന്നു. പിന്നീട് സിനിമയിലേയ്ക്ക് പ്രവേശിച്ചപ്പോൾ വലിപ്പ, ചെറുപ്പ വ്യത്യസങ്ങളില്ലാതെ തനിയ്ക്ക് ലഭിക്കുന്ന കഥാപാത്രങ്ങളെ മികച്ചതാക്കി മാറ്റുവാൻ അവർ ശ്രമിച്ചു. അഭിനയ ജീവിതം ആരംഭിച്ച കാലഘട്ടത്തിൽ വരുമാനമായി ലഭിച്ചിരുന്നത് 50 രൂപയായിരുന്നു. നാലാമത്തെ വയസിൽ അച്ഛൻ മരിച്ചതോടെ കുടുബത്തി ൻ്റെ മുഴുവൻ ചുമതലയും കനകലതയുടെ ഉത്തരവാദിത്വമായി മാറി. ജീവിക്കുവാനുള്ള നെട്ടോട്ടത്തിൽ
500- ലധികം സീരിയലുകളിലും, സിനിമകലുമായി നിരവധി വേഷങ്ങളിൽ കനകലത അഭിനയിച്ചു. ഷോർട്ട് ഫിലിമുകളിലും, ഷക്കീല ചിത്രങ്ങളുടെ ഉൾപ്പടെ ഭാഗമായി കനകലത മാറുകയായിരുന്നു.
ഷക്കീല ചിത്രങ്ങളുടെ ഭാഗമായിനെക്കുറിച്ച് ഒരു അഭിമുഖത്തിൽ ചോദിച്ചപ്പോൾ കനകലത നൽകിയ മറുപടി ഇങ്ങനെയായിരുന്നു : നിങ്ങൾ പട്ടിണി കിടന്നിട്ടുണ്ടോ ? ഭക്ഷണം പോലുമില്ലാതെ ദിവസങ്ങൾ താൻ തള്ളി നീക്കിയിട്ടുണ്ടെന്നും, സിനിമയിൽ വന്നതിന് ശേഷവും തനിയ്ക്ക് പട്ടിണി കിടക്കേണ്ടി വന്നിട്ടുണ്ടെന്നും, കൈയിൽ പത്ത് പൈസ ഇല്ലാതെ ജീവിച്ചിട്ടുണ്ടെന്നും, ഈ പറയുന്നവരോന്നും തനിയ്ക്ക് ഭക്ഷണം കൊണ്ടുവന്ന് തന്നിട്ടില്ലെന്നും, താൻ ജോലി ചെയ്താൽ മാത്രമേ തൻ്റെ വീട്ടിൽ അടുപ്പ് പുകഞ്ഞിരുന്നുള്ളുവെന്നും കനകലത പറഞ്ഞു. സിനിമയിലും, സീരിയലുകളിലുമായി തിളങ്ങി നിൽക്കുന്ന സമയത്താണ് ഇരുപത്തിരണ്ടാമത്തെ വയസിൽ കനകാലത വിവാഹിതയാകുന്നത്. പ്രണയ വിവാഹമായിരുന്നു കനകയുടേത്. വിവാഹം കഴിഞ്ഞതിന് ശേഷം സർക്കാർ ഉദ്യോഗസ്ഥനായ ഭർത്താവ് സിനിമ നിർമ്മിക്കുവാനുള്ള തീരുമാനത്തിലായിരുന്നു.
സിനിമ നിർമ്മിക്കുക എന്ന വ്യാജേനേ കനകലത ജോലി ചെയ്ത് സമ്പാദിച്ച പണമെല്ലാം ഭർത്താവ് ധൂർത്തടിച്ച് തീർക്കുകയായിരുന്നു. ഒടുവിൽ 16 വർഷത്തെ ദാമ്പത്യത്തിനു ശേഷം കനകലത ഭർത്താവിനെ ഡിവോഴ്സ് ചെയ്യുകയായിരുന്നു. ഇരുവർക്കും കുഞ്ഞുങ്ങളുണ്ടായിരുന്നില്ല. ഇനി തനിയ്ക്ക് ഒരു വിവാഹമില്ലെന്നും, ദാമ്പത്യ ജീവിതം മടുത്തതായും മുൻപൊരു അഭിമുഖത്തിൽ താരം തുറന്നു പറഞ്ഞിരുന്നു. ഭർത്താവ് തന്നെ ചൂഷണം ചെയ്യുകയായിരുന്നുവെന്നും, തൻ്റെ ദാമ്പത്യജീവിതം പൂർണ പരാജയമായിരുന്നെന്നും കനകലത തുറന്നു പറയുകയായിരുന്നു.
മലയാളി പ്രേഷകരുടെ ഇഷ്ട നടനാണ് പ്രിത്വിരാജ് , തന്റെ വ്യക്തിത്വം കൊണ്ടും മികച്ച അഭിനയം കൊണ്ടും മലയാള സിനി,ലോകത്ത് തന്റേതായ…
'മഞ്ഞുമ്മൽ ബോയ്സി’ലെ വേഷത്തെക്കുറിച്ച് വികാരാധീനനായി തമിഴ് നടൻ വിജയ് മുത്തു. മൂന്നു പതിറ്റാണ്ടിലേറെയായി തമിഴ് സിനിമളിൽ അഭിനയിച്ചിട്ടും ലഭിക്കാത്ത വേഷവും…
ജീവിതത്തിലെ സന്തോഷ വാർത്ത പങ്കുവച്ച് ബോളിവുഡ് താരദമ്പതികളായ ദീപിക പദുകോണും രൺവീർ സിങും. ഇൻസ്റ്റഗ്രാമിലൂടെയാണ് കുഞ്ഞിനെ കാത്തിരിക്കുന്നതായി ഇരുവരും പ്രേക്ഷകരോട്…
പ്രേക്ഷകരുടെ പ്രിയപ്പെട്ട താരമാണ് നവ്യ നായർ. ദിലീപിന്റെ നായികയായ ഇഷ്ടം എന്ന ചിത്രത്തിലൂടെയാണ് താരം അഭിനയ രംഗത്ത് എത്തുന്നത്. തുടർന്ന്…
പ്രേക്ഷകരുടെ പ്രിയപ്പെട്ട താരമാണ് നവ്യ നായർ. ദിലീപിന്റെ നായികയായ ഇഷ്ടം എന്ന ചിത്രത്തിലൂടെയാണ് താരം അഭിനയ രംഗത്ത് എത്തുന്നത്. തുടർന്ന്…
നടി ലെനയുടെ താന് വിവാഹിതയാണെന്ന വെളിപ്പെടുത്തലാണ് ഇപ്പോള് സോഷ്യല് മീഡിയയിലെ ചര്ച്ചാ വിഷയം. പ്രധാനമന്ത്രി പ്രഖ്യാപിച്ച ഗഗന്യാന് ബഹിരാകാശയാത്രിക സംഘത്തിലെ…