Keralafox

1993 പുറത്തിറങ്ങിയ ചിത്രമാണ് എന്ന് സ്വന്തം ജാനകികുട്ടി. എം ടി വാസുദേവൻ നായരുടെ തിരക്കഥയിൽ ലോഹിതദാസ് സംവിധാനം ചെയ്ത ചിത്രത്തിന് മികച്ച പ്രതികരണം തന്നെയാണ് സിനിമാപ്രേമികൾക്കിടയിൽ നിന്ന് ലഭിച്ചിട്ടുള്ളത്. ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ച വെള്ളിത്തിരക്ക് മുന്നിൽ സജീവമായി നിന്ന് താരങ്ങൾ ജോമോളും ചഞ്ചലും ആയിരുന്നു. ഒരുകാലത്ത് തിളങ്ങി നിന്നിരുന്ന ഇരുതാരങ്ങളും പിന്നീട് സിനിമ മേഖലയിൽ നിന്ന് വിട്ടുനിൽക്കുകയായിരുന്നു. ഇരുവരും കുടുംബജീവിതവുമായി മുന്നോട്ടു പോകുമ്പോൾ ജോമോളുടെ വിശേഷങ്ങൾ ഒക്കെ സോഷ്യൽ മീഡിയയിലൂടെ ആരാധകർ അറിയാറുണ്ടായിരുന്നു. അപ്പോഴും കുഞ്ഞാത്തോൽ ആയി എത്തിയ ചഞ്ചൽ എവിടെ എന്ന്ചോദ്യമായിരുന്നു പ്രേക്ഷകർ അധികവും ഉന്നയിച്ചുകൊണ്ടിരുന്നത്.

ഇപ്പോൾ അത്തരത്തിൽ ചോദ്യം ചോദിച്ച് ആരാധകർക്കുള്ള മറുപടിയുമായി താരം തന്നെ രംഗത്തെത്തിയിരിക്കുകയാണ്. വിവാഹശേഷം ഭർത്താവിനൊപ്പം അമേരിക്കയിലേക്ക് ചേക്കേറിയ താരം ഇപ്പോൾ അവിടെ സെറ്റിൽഡാണ്. സിനിമാ മേഖലയിൽ നിന്ന് പൂർണ്ണമായി വിട്ടുനിന്നുകൊണ്ടാണ് താരം കുടുംബജീവിതവുമായി മുന്നോട്ടുപോയത്. ഇപ്പോൾ നീഹാർ, നിള എന്നീ രണ്ട് മക്കളാണ് താരത്തിനുള്ളത്. മകന് അഭിനയത്തിൽ താല്പര്യമുണ്ടെന്നും മകൾ നന്നായി പാടും എന്നുമാണ് ചഞ്ചൽ ആരാധകരോട് പറഞ്ഞിരിക്കുന്നത്. സോഷ്യൽ മീഡിയയിൽ അത്ര സജീവം ഒന്നുമല്ലെങ്കിലും താരത്തിന്റെ വിശേഷങ്ങൾ വളരെ ചുരുങ്ങിയ സമയം കൊണ്ട് പ്രത്യക്ഷപ്പെടുമ്പോൾ അതൊക്കെ ആരാധകർ ഏറ്റെടുക്കാറുണ്ട്.

നൃത്തത്തിന്റെ ലോകത്താണ് ഇപ്പോൾ ചഞ്ചൽ കൂടുതൽ ശ്രദ്ധ കേന്ദ്രീകരിച്ചിരിക്കുന്നത്. അമേരിക്കയിൽ ഭരതനാട്യ വിദ്യാലയം നടത്തിക്കൊണ്ടിരിക്കുന്ന താരം ഇപ്പോൾ അധ്യാപികയായി പ്രവർത്തിച്ചു വരികയാണ്. തൻറെ വിദ്യാർത്ഥികൾക്കൊപ്പം ഉള്ള ചിത്രം ഒക്കെ ചഞ്ചൽ ഇതിനോടകം പങ്കുവെച്ചിട്ടുണ്ട്. തനിക്ക് അവിടെ ഒരു വിദ്യാലയം ആരംഭിക്കുവാൻ നടി ദിവ്യ ഉണ്ണി ഒരുപാട് സഹായിച്ചിരുന്നു എന്ന് മുൻപ് താരം
തന്നെ വ്യക്തമാക്കുകയുണ്ടായി. തനിക്ക് സിനിമ മേഖലയിൽ അധികം സുഹൃത്തുക്കൾ ഒന്നുമില്ലെന്ന് പറഞ്ഞിരിക്കുന്ന താരം എന്ന് സ്വന്തം ജാനകി കുട്ടിയിൽ കൂടെ അഭിനയിച്ച ജോമോളുമായി നല്ലൊരു സൗഹൃദം തന്നെയാണ് കാത്തുസൂക്ഷിക്കുന്നത്. ഒരുപാട് കോമ്പിനേഷൻ സീനുകൾ ഒക്കെ ഉണ്ടായിരുന്നതുകൊണ്ട് തന്നെ പലപ്പോഴും ജോമോളുമായി ഒന്നിച്ചായിരുന്നു. അത് തങ്ങൾക്കിടയിൽ നല്ലൊരു സൗഹൃദം ഉണ്ടാക്കിയിട്ടുണ്ട് ചഞ്ചൽ പറയുന്നു. ഇപ്പോൾ 25 വർഷങ്ങൾക്ക് ശേഷം ഇരു താരങ്ങളും ഒന്നിചെത്തിയ ചിത്രമാണ് സോഷ്യൽ മീഡിയയിൽ ആരാധകർ ഏറ്റെടുത്തിരിക്കുന്നത്.