Keralafox

സക്കറിയയുടെ ഗർഭിണികൾ, ആമേൻ തുടങ്ങിയ ചിത്രങ്ങളിലൂടെ മലയാളികൾക്ക് സുപരിചിതയായി മാറിയ താരമാണ് സാന്ദ്ര തോമസ്. പ്രൊഡ്യൂസറും അഭിനയത്രിയുമായ താരം തന്റെ വിശേഷങ്ങൾ ഒക്കെ സോഷ്യൽ മീഡിയ വഴി ആരാധകരെ അറിയിക്കാറുണ്ട്. ഒരു പ്രൊഡ്യൂസർ ആയിരിക്കുന്നതാണ് തന്നെ സംബന്ധിച്ചിടത്തോളം ഏറ്റവും സന്തോഷകരമായ കാര്യമെന്ന് സാന്ദ്ര മുൻപ് വ്യക്തമാക്കിയിരുന്നു. ചില ചിത്രങ്ങളിൽ അഭിനയിച്ചത് സംവിധായകരുടെ നിർബന്ധപ്രകാരമാണെന്നും താരം മുൻപ് വ്യക്തമാക്കുകയുണ്ടായി. ഇപ്പോൾ ആമേൻ എന്ന ചിത്രത്തിലേക്ക് താൻ കടന്നുവന്നതിനെപ്പറ്റി തുറന്നുപറഞ്ഞ് രംഗത്തെത്തിയിരിക്കുകയാണ് സാന്ദ്ര. താരത്തിന്റെ വാക്കുകൾ ഇങ്ങനെ… ആമേനിൽ ഞാൻ എത്തിയത് നമിതയ്ക്ക് പകരമാണ്. ചിത്രത്തിൻറെ ഡയറക്ടർ ലിജോ ജോസ് പെല്ലിശ്ശേരിയാണ് എന്നെ നിർദ്ദേശിച്ചത്

എനിക്ക് എന്നെ ഒരു പ്രൊഡ്യൂസർ ആയി കാണാനാണ് ഇഷ്ടം. പല ആക്ടേഴ്സും പ്രൊഡക്ഷനിലേക്ക് വന്നു കഴിഞ്ഞാലും എനിക്ക് നല്ല റോൾ കിട്ടണം, നല്ല ഒരു ക്യാരക്ടർ ചെയ്യണം എന്നൊക്കെ ആയിരിക്കും അവരുടെ ആഗ്രഹം. എന്നാൽ എനിക്ക് അങ്ങനെ ഒരു ആഗ്രഹമില്ല. സക്കറിയയുടെ ഗർഭിണികൾ ഫീമെയിൽ ഓറിയന്റഡ് സിനിമയാണ്. അതിൽ അത്രയും ഫീമെയിൽ ആർട്ടിസ്റ്റുകൾ ഉണ്ട്. ഇനി വേറെ ഒരു ആർട്ടിസ്റ്റിനെ കൂടി കൊണ്ടുവന്നാൽ കോസ്റ്റ് കൂടുമല്ലോ എന്ന് കരുതി ഞാൻ അതിൽ അഭിനയിച്ചത്. അത് ഡയറക്ടറും വിജയ് ബാബു ഒക്കെ നിർബന്ധിച്ചത് കൊണ്ടാണ്. ആമേൻ ആണെങ്കിലും അത് ഞാൻ ലിജോ ജോസ് തല്ലിശ്ശേരി നിർബന്ധിച്ചത് കൊണ്ട് മാത്രം ചെയ്ത ചിത്രമാണ്. ആദ്യം പ്രൊഡ്യൂസ് ചെയ്യാതിരുന്ന ചിത്രമാണ് ആമേൻ. അതിൻറെ ബഡ്ജറ്റ് കൂടുതലായതുകൊണ്ട് എനിക്ക് ചെയ്യാൻ കഴിഞ്ഞില്.

അതിൽ ഒരു റോൾ ചെയ്യാനിരുന്നത് നമിത എന്ന് പറയുന്ന തമിഴ് താരമായിരുന്നു. അവർ അവസാന നിമിഷം പിന്മാറി. അപ്പോൾ ലിജോ എന്നെ വിളിച്ച് കഥാപാത്രം തരികയായിരുന്നു. എന്നെ ജഡ്ജി ചേട്ടാ എന്നാണ് വിളിക്കുന്നത്. ഒരു ജഡ്ജിയുമായി ഞാൻ വഴക്കുണ്ടാക്കിയിട്ടുണ്ടായിരുന്നു. എൻറെ അന്നത്തെ സ്വഭാവം വെച്ച് എനിക്ക് ജഡ്ജിയുടെ സ്ഥാനമോ പവറോ ഒന്നും എന്താണെന്ന് അറിയില്ലായിരുന്നു. ഒരു മൊബൈൽ കോർട്ട് ജഡ്ജിയുമായി അടിയുണ്ടാക്കി. അന്നുമുതൽ ലിജോ എന്നെ ജഡ്ജി ചേട്ടാ എന്നാണ് വിളിക്കുന്നത്. ആ ഒരു ഇൻസിഡന്റ് വെച്ചാണ് എന്നെ ആമേൻ ലേക്ക് കാസ്റ്റ് ചെയ്തത്. എനിക്ക് അഭിനയിക്കാൻ ഒന്നുമറിയില്ല എന്ന് പറഞ്ഞപ്പോൾ അഭിനയിക്കേണ്ട ബിഹേവ് ചെയ്താൽ മതി എന്നായിരുന്നു അദ്ദേഹം പറഞ്ഞത്.