Keralafox

മലയാളി പ്രേക്ഷകരെ സംബന്ധിച്ചിടത്തോളം വളരെ പ്രിയപ്പെട്ട നടനാണ് ബാല. ബാലയുടെ സ്വകാര്യജീവിതം മലയാളികൾക്ക് വളരെ പരിചിതമായ ഒന്നുതന്നെയായിരുന്നു എന്നതാണ് സത്യം. ഐഡിയ സ്റ്റാർ സിംഗർ എന്ന പരിപാടിയിൽ അതിഥിയായി എത്തിയ സമയത്താണ് ബാല തന്റെ മുൻ ഭാര്യയായ അമൃത സുരേഷിനെ ആദ്യമായി കാണുന്നത്. അവിടെ നിന്ന് തുടങ്ങിയ സൗഹൃദം പ്രണയമാവുകയും വിവാഹത്തിൽ കലാശിക്കുകയും ചെയ്തു. എന്നാൽ തുടർന്ന് ഇരുവരും വിവാഹമോചിതരാവുകയായിരുന്നു ചെയ്തത്. ഇവർക്ക് പാപ്പു എന്ന് വിളിപ്പേരുള്ള അവന്തിക എന്നൊരു മകൾ കൂടിയുണ്ട്. മകൾ ഇപ്പോൾ അമൃതയ്ക്കൊപ്പമാണ് താമസം. മകളുടെ പേരിലും സാമൂഹികമാധ്യമങ്ങളിലൂടെ ഇരുവരും തമ്മിലുള്ള യുദ്ധങ്ങൾ പ്രേക്ഷകർ കണ്ടിട്ടുണ്ട്. അടുത്ത സമയത്താണ് ബാല കരൾ സംബന്ധമായ അസുഖത്തെ തുടർന്ന് ആശുപത്രിയിലാണ് എന്ന തരത്തിലുള്ള വാർത്തകൾ പുറത്തു വന്നിരുന്നത്. ബാലയ്ക്ക് 30% മാത്രമേ കരൾ പ്രവർത്തിക്കുന്നുള്ളൂവെന്നും ഇനിയും കരൾ മാറ്റൽ ശസ്ത്രക്രിയ മാത്രമാണ് മുൻപിലുള്ള പോംവഴി എന്നുമായിരുന്നു പുറത്തുവന്ന റിപ്പോർട്ടുകളിൽ നിന്നും മനസ്സിലാക്കാൻ സാധിച്ചിരുന്നത്.

ഇപ്പോൾ ബാലയെ കുറിച്ചുള്ള പുതിയ വാർത്തകൾ ഒക്കെയാണ് പുറത്തു വന്നുകൊണ്ടിരിക്കുന്നത്. മകളെ കാണണമെന്ന് ആഗ്രഹമുണ്ടായപ്പോൾ തന്നെ അമൃത സുരേഷ് കുടുംബസമേതം എത്തി ബാലയെ മകളെ കാണിച്ചു കൊടുത്തിരുന്നു. ഇപ്പോൾ സിനിമ നിരൂപകനായ പല്ലിശ്ശേരി ബാലയെയും അമൃതയെയും കുറിച്ച് പറയുന്ന കാര്യങ്ങളാണ് ശ്രദ്ധ നേടിക്കൊണ്ടിരിക്കുന്നത്. ബാലയ്ക്കു കരൾ നൽകാൻ അമൃത സുരേഷ് തയ്യാറാവുമെന്ന വിചിത്രവാദവുമായാണ് പല്ലിശ്ശേരി എത്തിയിരിക്കുന്നത്. ബാലയ്ക്ക് കരൾ നൽകുന്നത് അമൃത സുരേഷ് ആകുമെന്ന് അടുത്ത വൃത്തങ്ങൾ അറിയിക്കുന്നുണ്ട് എന്നും പറയുന്നുണ്ട്. ബാലയുടെ അടുത്ത സുഹൃത്തുക്കൾക്കോ ബന്ധുക്കൾക്കോ മാത്രമാണ് കരൾ നൽകാൻ സാധിക്കുക. മറ്റൊരു ഡോണറെ ബാലയ്ക്ക് ലഭിച്ചില്ലെങ്കിൽ താൻ കരൾ നൽകാൻ തയ്യാറാണെന്ന് അമൃത അറിയിച്ചിട്ടുണ്ട് എന്നാണ് അടുത്ത വൃത്തങ്ങളിൽ നിന്നും മനസ്സിലാക്കാൻ കഴിയുന്നത് എന്നും പല്ലിശേരി പറയുന്നുണ്ട്. സിനിമ ലോകത്തെ പലകാര്യങ്ങളും പ്രേക്ഷകരെ അറിയിക്കുന്ന വ്യക്തിയാണ് പല്ലിശേരി. അദ്ദേഹം പറയുന്ന പല കാര്യങ്ങളും സത്യവുമാണ്.

അതുകൊണ്ടു തന്നെ ഇത് വിശ്വസിക്കാതെ തരം ഇല്ലാത്ത അവസ്ഥയിലാണ് പ്രേക്ഷകർ. എന്നാൽ പുറത്ത് വരുന്ന വാർത്ത സത്യമാണെങ്കിൽ അമൃത അഭിനന്ദനം അർഹിക്കുന്ന ഒരു കാര്യമാണ് എന്നാണ് ആളുകൾ പറഞ്ഞു കൊണ്ടിരിക്കുന്നത്. അങ്ങനെയാണെങ്കിൽ അമൃതയുടെ നല്ല മനസ്സിന് നന്ദി പറയുന്നു പ്രേക്ഷകർ. അതേസമയം കരൾ മാറ്റിവെക്കൽ ശസ്ത്രക്രിയ നടത്താതെ തന്നെ ബാല ജീവിതത്തിലേക്ക് തിരികെ വരട്ടെ എന്ന് പല്ലിശേരിയും പറയുന്നുണ്ട്. എന്നാൽ പുറത്തു വരുന്ന വാർത്തയുടെ സത്യാവസ്ഥ എന്ത് എന്നത് അമൃത സുരേഷോ ബാലയുടെ കുടുംബാംഗങ്ങളോ പ്രതികരിച്ചിട്ടുള്ള കാര്യമല്ല. എന്നാൽ ഈ വാർത്ത സത്യമായിരിക്കണമേ എന്നാണ് പ്രേക്ഷകർ ആഗ്രഹിക്കുന്നത്. അങ്ങനെയാണെങ്കിൽ ബാലയുടെയും അമൃതയുടെയും ജീവിതത്തിൽ വന്നിട്ടുള്ള എല്ലാ തെറ്റിദ്ധാരണകളും മറന്ന് ഇരുവർക്കും ഒരുമിച്ചു മുൻപോട്ടു പോകാമല്ലോ എന്നും ചിലർ കമന്റുകളിലൂടെ ചോദിക്കുന്നു.