സിനിമ നടി എന്നു പറഞ്ഞാൽ അന്ന് വലിയ വിലയായിരുന്നു, ഇന്ന് യൂത്തിന് വേണ്ടിയാണ് സിനിമ ചെയ്യുന്നത്, പഴയ പോലെ ഫാമിലിയും അവരുടെ ഇൻ്റിമസിയും പറയുന്ന സിനിമകൾ കുറവാണ്; നടി ജീജ സുരേന്ദ്രൻ
മലയാള സിനിമ സീരിയൽ പ്രേമികൾക്ക് ഏറെ സുപരിചിതയായ താരമാണ് ജീജ സുരേന്ദ്രൻ. നിരവധി ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിക്കുകയും ചെയ്തു. സോഷ്യൽ മീഡിയയിൽ ഏറെ സജീവമായ താരമായ തന്റെതായ നിലപാടുകൾ എല്ലാം തന്നെ ശ്രദ്ധ നേടാറുമുണ്ട്.
അതേസമയം, പലപ്പോഴും വിവാദങ്ങളിലൂടെ വാർത്തകളിൽ നിറഞ്ഞിട്ടുള്ള നടി കൂടിയാണ് ജീജ. സഹതാരങ്ങളെ കുറിച്ചുള്ള നടിയുടെ ചില പരാമർശങ്ങളൊക്കെയാണ് വിവാദമായി മാറിയിട്ടുള്ളത്. ഇടക്കാലത്ത് നിരവധി അഭിമുഖങ്ങൾ താരം നൽകിയിരുന്നു. സിനിമയിലും സീരിയലിലും വർഷങ്ങളായി നിൽക്കുന്നയാളെന്ന നിലയിൽ ജീജയ്ക്ക് ഉള്ള അനുഭവങ്ങൾ വലുതാണ്.
രാജസേനൻ സാറിന് ഇപ്പോൾ സിനിമകളില്ല. ജയറാം സാർ മറ്റു ഭാഷകളിലൊക്കെ സിനിമ ചെയ്യുന്നുണ്ട്. പക്ഷേ അവരെ മിസ് ചെയ്യുന്നുണ്ട്. കാരണം എന്താണെന്ന് വെച്ചാൽ ഇപ്പോഴിറങ്ങുന്ന സിനിമകളിൽ ഫാമിലി സബ്ജക്ടുകൾ കുറവാണ്. അച്ഛൻ, അമ്മ ആ നിലയ്ക്ക് പോകുന്ന കഥകളല്ല ഇപ്പോൾ വരുന്നത്. ഇപ്പോൾ ആരാണോ തിയേറ്ററുകളിലേക്ക് കേറുന്നത്. അവർക്ക് വേണ്ടി ഉണ്ടാകുന്ന സിനിമകളാണ്. യൂത്തിനെ ഉദ്ദേശിച്ചാണ് സിനിമകൾ ചെയ്യുന്നത്.
പഴയ പോലെ ഫാമിലിയും അവരുടെ ഇന്റിമസിയും പറയുന്ന സിനിമകൾ കുറവാണ്. അങ്ങനെ ഏതെങ്കിലും സിനിമകൾ ഉണ്ടോ. ഇനി അങ്ങനെയുള്ള സിനിമകൾ ഒന്നും ഉണ്ടാവില്ല, അങ്ങനെയുള്ള കഥകൾ വരില്ല. വന്നാൽ തന്നെ അങ്ങനത്തെ സിനിമകൾ ചെയ്യാൻ കഴിയുന്ന യൂത്തില്ല.
ഞാൻ മമ്മൂട്ടി, മോഹൻലാൽ, ജയറാം, ദിലീപ് എന്നിവർക്കൊപ്പമെല്ലാം അഭിനയിച്ചിട്ടുണ്ട്. അന്നൊക്കെ സിനിമയിൽ അഭിനയിക്കുന്നു എന്ന് പറയുന്നത് ഒരു വിലയാണ്. അത് ഉണ്ടാക്കിയെടുത്ത വില തന്നെയാണ്. അമ്മയിലെ മെമ്പർ എന്ന് പറയുന്നതും ഒരു വിലയാണ്. നമ്മുടേത് ചെറിയ ചെറിയ വേഷങ്ങൾ ആയിരുന്നുവെങ്കിൽ പോലും അവരോടൊപ്പം അഭിനയിച്ചു എന്നുള്ളത് വലിയൊരു പേരാണ്.
