മകൾ ഇപ്പോൾ ഞങ്ങളുടെ കൂടെയല്ല, അമ്മമ്മയുടെ കൂടെയാണ്, മകളുടെ ആ അവസ്ഥയ്ക്ക് കാരണക്കാരൻ ഞാനാണ് ; സുജിത്ത് മനസ്സ് തുറക്കുന്നു

മലയാള സിനിമ- സീരിയൽ പ്രേക്ഷകർക്ക് ഏറെ പരിചിതയായ നടിയാണ് ‘മഞ്ജുപിള്ള’. അനവധി സിനിമകളിലും, സീരിയലുകളിലും ശ്രദ്ധേയമായ കഥാപാത്രങ്ങളെ അവതരിപ്പിക്കുവാൻ മഞ്ജുവിന് സാധിച്ചു. ഹാസ്യ കഥാപാത്രങ്ങളിലൂടെ ശ്രദ്ധിക്കപ്പെട്ട മഞ്ജു, മഴവിൽ മനോരമയിൽ സംപ്രേക്ഷണം ചെയുന്ന ‘തട്ടീം മുട്ടീം’ പരമ്പരയിൽ അവതരിപ്പിക്കുന്ന ‘മോഹനവല്ലി’ – യെന്ന കഥാപാത്രവവും പ്രേക്ഷകർക്ക് ഏറെ പ്രിയപ്പെട്ട ഒന്നാണ്. സമൂഹമാധ്യമങ്ങളിൽ സജീവമായ താരം തൻ്റെ ചെറുതും, വലുതുമായ സന്തോഷങ്ങളും, വിശേഷങ്ങളും ആരാധകരുമായി പങ്കുവെച്ച് രംഗത്തെത്താറുണ്ട്. മകൾക്കും, ഭർത്താവ് സുജിത്തിനുമൊപ്പമുള്ള നിമിഷങ്ങളാണ് താൻ ഏറ്റവും കൂടുതൽ ആസ്വദിക്കുന്നതെന്ന് മഞ്ജു മുൻപൊരിക്കൽ പറഞ്ഞിരുന്നു.

കഴിഞ്ഞ കുറച്ച് ദിവസങ്ങൾക്ക് മുൻപ് അമൃത ടിവിയിലെ ‘അനീസ് കിച്ചൺ’ എന്ന പരിപാടിയിൽ മഞ്ജുപിള്ളയും, ഭർത്താവ് സുജിത്തും അതിഥികളായി എത്തിയിരുന്നു. ഇരുവരും അഭിനയ വിശേഷങ്ങളും, കുടുംബ വിശേഷങ്ങളെല്ലാം പങ്കുവെക്കുന്നതിനിടയിൽ അവതാരക ആനിയുമായി മകളെക്കുറിച്ചുള്ള വിശേഷങ്ങളും സംസാരിക്കുവാനിടയായി. ഇരുവർക്കും ഒരു മകളാണുള്ളത്. മകൾ തങ്ങൾക്കൊപ്പമല്ല താമസിക്കുന്നതെന്നും, തങ്ങളെ വിട്ടാണ് അവൾ ഇപ്പോഴുള്ളതെന്നും മഞ്ജു സൂചിപ്പിക്കുകയുണ്ടായി. തിരുവനന്തപുരത്ത് അമ്മയ്‌ക്കൊപ്പമാണ് മകളുള്ളതെന്നാണ് മഞ്ജു പറഞ്ഞത്. ആരോഗ്യപരമായി അമ്മയ്ക്ക് കുറച്ച് അധികം ബുദ്ധിമുട്ടുകൾ ഉള്ളതുകൊണ്ടാണ് അവർക്കൊപ്പം മകൾ താമസിക്കുന്നതെന്നും മഞ്ജു കൂട്ടിച്ചേർത്തു.

മകളെ അങ്ങനെ നിർത്തേണ്ടി വന്നതിനുള്ള പ്രധാന കാരണം തനിയ്ക്കും, മഞ്ജുവിനും മിക്ക ദിവസങ്ങളിലും ഷൂട്ടിങ്ങ് ആവശ്യത്തിനായി പുറത്ത് പോവേണ്ടതായി വരുമ്പോൾ മകൾ വീട്ടിലെ സെർവെൻറ്സിനൊപ്പം തനിച്ചാണെന്നും,അത്തരത്തിലൊരു കൾച്ചറിൽ ജീവിക്കേണ്ട കുട്ടിയല്ല തങ്ങളുടെ മകളെന്നാണ് സുജിത്ത് പറയുന്നത്. മകളുടെ ഒറ്റപ്പെടലിനെ ഒഴിവാക്കുന്നതിന് വേണ്ടിയാണ്‌ അങ്ങനെയൊരു തീരുമാനം എടുത്തതെന്നാണ് അദ്ദേഹം പറയുന്നത്. ഒരു കുടുംബ പശ്ചാത്തലം അവൾക്ക് കിട്ടണമെന്നും ഒരിക്കലും അവൾ ഒറ്റപ്പെടാൻ പാടില്ലെന്നുള്ളത് തങ്ങളുടെ നിർബന്ധമായിരുന്നു എന്നാണ് ഇരുവരും പറയുന്നത്.

തൻ്റെ ഒരാളുടെ മാത്രം സ്വാർത്ഥതകൊണ്ടാണ് മകൾക്ക് അത്തരത്തിലൊരു ഒറ്റപ്പെടൽ അനുഭവിക്കേണ്ടി വന്നതെന്നും സുജിത്ത് പറയുന്നു. മകൾ തങ്ങളൊട് ഒറ്റപ്പെടുന്നു എന്ന് ഒരിക്കലും തുറന്ന് പറഞ്ഞിട്ടില്ലെങ്കിലും അവളുടെ പ്രയാസം താനും, മഞ്ജുവും മനസിലാക്കുകയായിരുന്നുവെന്ന് സുജിത്ത് വ്യക്തമാക്കുന്നു. പാരമ്പര്യമായി സിനിമ കുടുംബമാണെകിലും സിനിമയിൽ അഭിനയിക്കാൻ തനിയ്ക്ക് താൽപര്യം ഇല്ലായിരുന്നെന്നും അച്ഛൻ്റെ ഇഷ്ടപ്രകരമാണ്‌ സിനിമയിൽ അഭിനയിക്കുന്നതെന്നും മഞ്ജു പറഞ്ഞു. പരമ്പരകളിലൂടെയാണ് താരം സിനിമയിലേയ്ക്ക് പ്രവേശിക്കുന്നത്. നാടകങ്ങളിലും, സിനിമകളിലും സജീവമായിരുന്ന തൻ്റെ അച്ഛൻ സിനിമയെ ഒരുപാട് സ്നേഹിച്ചിരുന്നതായും, കലയോടുള്ള അദ്ദേഹത്തി ൻ്റെ ഇഷ്ടമാണ് തന്നെ ഇന്ന് ഇവിടെവരെകൊണ്ടെത്തിച്ചതെന്നും മഞ്ജു സൂചിപ്പിച്ചു.

മകൾ ദയയുടെ പിറന്നാൾ ദിനത്തിൽ മകളുടെ നെറ്റിയിൽ അമ്മ ചുംബിക്കുന്ന ടാറ്റു ചെയ്ത വീഡിയോയും, ചിത്രവുമാണ് മഞ്ജുപിള്ള സോഷ്യൽ മീഡിയയിൽ പങ്കുവെച്ചിരുന്നത്. വെറുതെ അമ്മ മകൾക്ക് ചുംബനം നൽകുന്നൊരു ചിത്രമായിരുന്നില്ല അത്. ചിത്രത്തോടൊപ്പം ‘എൻ്റെ ആത്മാവ്’ എന്ന് നടി കുറിച്ചിരുന്നു. ‘ഇതാണ് എൻ്റെ ശരീരത്തിലെ ഏറ്റവും മികച്ച സമ്മാനം’ എന്നാണ്‌ താരം വീഡിയോക്ക് നല്‍കിയിരുന്ന അടിക്കുറിപ്പ്. ഏഴ് മണിക്കൂർ നീണ്ട വേദന സഹിച്ചാണ് മഞ്ജു ആ ചിത്രം ടാറ്റൂ ചെയ്തിരുന്നത്. സമൂഹ മാധ്യമങ്ങളിൽ ഏറെ ശ്രദ്ധ നേടിയ ചിത്രമായിരുന്നു അത്.