Keralafox

മലയാള സിനിമയിലെ യുവനടന്മാരില്‍ ശ്രദ്ധേയനാണ് ധ്രുവന്‍.ജൂനിയര്‍ ആര്‍ട്ടിസ്റ്റ് ആയാണ് താരം അഭിനയ രംഗത്തെത്തിയത്. ചെറിയ ചെറിയ വേഷങ്ങളില്‍ അഭിനയിച്ച ധ്രുവന്‍ പെട്ടന്ന് തന്നെ ശ്രദ്ധേയമായ കഥാപാത്രങ്ങള്‍ ചെയ്യാന്‍ തുടങ്ങുകയായിരുന്നു. ലിസമ്മയുടെ വീട് എന്ന സിനിമയിൽ ജൂനിയർ ആർട്ടിസ്റ്റായാണ് ധ്രുവന്‍ അരങ്ങേറ്റം കുറിച്ചത്. ക്വീന്‍ എന്ന മലയാള ചിത്രത്തിലെ ബാലു എനേന കഥാപാത്രത്തിലൂടെയാണ് താരം ശ്രദ്ധേയനായത്. പിന്നീട് ചില്‍ഡ്രന്‍സ് പാര്‍ക്ക്, ഫൈനല്‍സ്, മോഹന്‍ലാല്‍ നായകനായെത്തി തരംഗം തീര്‍ത്ത ആറാട്ട്, അജിത് നായകനായ വലിമൈ എന്നീ സിനിമകളിലും ശ്രദ്ധേയമായ കഥാപാത്രങ്ങള്‍ ചെയ്തു പ്രേക്ഷക പ്രശംസ ഏറ്റുവാങ്ങി.

ഇപ്പോള്‍ താരത്തിന്റെ വിവാഹ ചിത്രങ്ങളും വിവാഹ വീഡിയോകളുമാണ് സോഷ്യല്‍ മീഡിയയില്‍ നിറഞ്ഞ് നില്‍ക്കുന്നത്.ഞായറാഴ്ച ആയിരുന്നു വിവാഹം. അഞ്ജലിയാണ് വധു. ഇരുവീട്ടുകാരുടേയും അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില്‍ പങ്കെടുത്തത്. പരമ്പരാഗത ആചാരങ്ങള്‍ പിന്തുടര്‍ന്നുള്ള വിവാഹ ചടങ്ങുകളാണ് നടന്നത്.

കേരളീയ വേഷത്തില്‍ വരനായി എത്തിയ ധ്രുവനെ കാണാന്‍ നല്ല ഭംഗിയുണ്ട് എന്നാണ് ആരാധകര്‍ പറയുന്നത്. കൂടാതെ, താരത്തിന് ചേര്‍ന്ന നല്ല പാതിയെ തന്നെയാണ് കിട്ടിയത് എന്നും കമന്റുകളുണ്ട്. തനതായ കേരളീയ വസ്ത്രത്തിലാണ് വധുവും പ്രത്യക്ഷപ്പെട്ടത്.വിവാഹ ചിത്രങ്ങളും വീഡിയയോും നിരവധി പേരാണ് ഇതിനോടകം ഷെയര്‍ ചെയ്തിരിക്കുന്നത്. വരനും വധുവിനും ആശംസകള്‍ നേര്‍ന്നും ഒട്ടെറെപ്പേര്‍ എത്തിയിട്ടുണ്ട്.

പാലക്കാട് ജില്ലയിലെ ഒറ്റപ്പാലമാണ് ധ്രുവന്റെ സ്വദേശം.’ജനഗണമന’ , നാന്‍സി റാണി എന്നീ ചിത്രങ്ങളാണ് ഇനി ധ്രുവന്റേതായി ഇനി റിലീസ് ചെയ്യാനിരിക്കുന്ന ചിത്രം. ധ്രുവനെ കാണുമ്പോള്‍ നടന്‍ റഹ്മാനെ ഓര്‍മ്മ വരുന്നു എന്നാണ് പലരും പറയാറ്.സിനിമയ്ക്ക് പിന്നാലെ 10 വര്‍ഷമായിരുന്നു നടന്നതെന്ന് മുമ്പൊരിക്കൽ ധ്രുവ് പറഞ്ഞത് ഏറെ ശ്രദ്ധനേടിയിരുന്നു. സിനിമ ആഗ്രഹം ഉപേക്ഷിച്ച് വിദേശത്ത് പോകന്‍ തയ്യാറെടുക്കുമ്പോഴായിരുന്നു ധ്രുവനെ തേടി ക്വീന്‍ എത്തുന്നത്. തുടക്കത്തില്‍ നിരാശ മാത്രമായിരുന്നു ഫലം. അവസാനത്തേത് എന്ന നിലയിലായിരുന്നു ക്വീന്റെ ഓഡീഷന് പോയത്. ഒടുവിൽ ചിത്രത്തിലെ ബാലു എന്ന കഥാപാത്രത്തിലൂടെ പ്രേക്ഷകരുടെ പ്രിയങ്കരനായി താരം മാറി.