Keralafox

കഴിഞ്ഞ ദിവസമായിരുന്നു ദേശീയ അവാർഡുകൾ പ്രഖ്യാപിക്കപ്പെട്ടത്. ദേശീയ അവാർഡുകൾ പ്രഖ്യാപിച്ചപ്പോൾ മികച്ച ഗായികയ്ക്കുള്ള അവാർഡ് ലഭിച്ചത് നഞ്ചിയമ്മയ്ക്കു ആയിരുന്നു. സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിലൂടെയായിരുന്നു മികച്ച പിന്നണി ഗായികയുടെ അവാർഡ് നഞ്ചിയമ്മ സ്വന്തമാക്കിയത്. നിരവധി ആളുകൾ ആയിരുന്നു നഞ്ചിയമ്മയ്ക്ക് ആശംസകൾ അറിയിച്ചിരുന്നത്. അതിനിടയിലും ചില കല്ലുകടികൾ നിലനിന്നിരുന്നു. ഇന്ത്യയിലെ ഏറ്റവും മികച്ച പാട്ട് നഞ്ചയമ്മ പാടിയ പാട്ട് തന്നെയാണോ എന്ന് ചോദിച്ചുകൊണ്ട് സംഗീതജ്ഞനായി ലിനുലാൽ രംഗത്ത് വന്നത്.

നഞ്ചിയമ്മയെ പിന്തുണച്ചുകൊണ്ട് നിരവധി ആളുകൾ എത്തി. പിച്ചിട്ട് കൊടുത്താൽ പാട്ടുപാടാൻ നഞ്ചിയമ്മയ്ക്ക് അറിയില്ല എന്നും അതുകൊണ്ടു തന്നെ സംഗീതത്തെ ഉപാസിക്കുന്നവർക്ക് ഇതൊരു വേദനയും അപമാനവുമായി തോന്നുകയില്ലേ എന്നുമായിരുന്നു ലിനുലാലിന്റെ വാദം. ദേശീയ അവാർഡ് നേടിയ അപർണ മുരളി അടക്കമുള്ള പലരും പിന്തുണ അറിയിച്ചത് നഞ്ചിയമ്മയ്ക്കു ആയിരുന്നു. ഗായികയായ സിതാര സുജാത തുടങ്ങിയവരൊക്കെ നഞ്ചിയമ്മയ്ക്ക് പിന്തുണയുമായി എത്തുകയും ചെയ്തിരുന്നു. ഇപ്പോൾ നെഞ്ചയമ്മയും ഇതിനെക്കുറിച്ച് സംസാരിക്കുന്നു.

നഞ്ചിയമ്മ സച്ചിയെക്കുറിച്ചാണ് വാചാലയാകുന്നത്. എന്റെ അച്ഛനുമമ്മയും മരിച്ചിട്ട് പോലും താൻ സച്ചി മരിച്ച ദിവസം കരഞ്ഞതുപോലെ കരഞ്ഞിട്ടില്ല. ആദ്യമായി തന്നെ ഉയർത്തിക്കൊണ്ടുവന്നത് സച്ചിയാണ്. ഞാൻ ചെയ്യുന്നത് തെറ്റാണോ എന്ന് തോന്നിയ സമയങ്ങളിലൊക്കെ ഒരു തെറ്റുമില്ല നാഞ്ചമ്മ ചേച്ചി. അടിച്ചുപൊളിച്ചു കയറിക്കോ എന്ന് പറഞ്ഞത് സച്ചി സർ ആയിരുന്നു. സച്ചി മരിച്ചത് അറിഞ്ഞത് അറിഞ്ഞു അന്ന് തന്നെ വണ്ടി വിളിച്ച് കൊച്ചിയിലേക്ക് വരികയായിരുന്നു. അത്രത്തോളം വേദനയായിരുന്നു ആ വാർത്ത നൽകിയത്. ഈ അവാർഡിൽ ഏറ്റവും കൂടുതൽ സന്തോഷിക്കുന്നതും സച്ചി ആയിരിക്കും എന്ന് പറയുന്നുണ്ടായിരുന്നു നഞ്ചിയമ്മ.

സച്ചിയെ കുറിച്ച് പറയുമ്പോൾ തന്നെ നഞ്ചിയമ്മയുടെ വാക്കുകൾ ഇടറുന്നുണ്ട്. ഇനിയും നിങ്ങൾ ആടിനെയും മാടിനെയും ഒന്നും നോക്കണ്ട. ഇവിടെ ഇരുന്നാൽ മതി. നിങ്ങൾക്ക് ഒരു കഴിവ് കിട്ടിയിട്ടുണ്ട് എന്നൊക്കെ തന്നോട് പറഞ്ഞത് സച്ചി സർ ആയിരുന്നു. സാർ ഇല്ലായിരുന്നെങ്കിൽ ഞാൻ ഇന്നും അട്ടപ്പാടിയിൽ ഇങ്ങനെ തന്നെ തന്നെ നിൽക്കും. ആരും എന്നെ അറിയില്ലായിരുന്നു. സച്ചിൻ സാറാണ് എന്നെ ഉയർത്തിക്കൊണ്ടുവന്നത്.

സിനിമ കാണാൻ പോയതിനെ കുറിച്ച് ഒക്കെ വാചാലയാകുന്നുണ്ട്. ഒന്നും രണ്ടും രൂപയൊക്കെ കൂട്ടി വെച്ചാണ് സിനിമ കാണാൻ വേണ്ടി പോയിട്ടുള്ളത്. സിനിമ കാണുമ്പോൾ ഒരു സന്തോഷം ലഭിക്കുന്നുണ്ട് ഞാനും എന്റെ കെട്ടിയവനും ഒക്കെ ഒരുമിച്ച് പോയിട്ടുണ്ട് പണ്ട് കാലത്ത് എന്നും പറയുന്നുണ്ട് നഞ്ചിയമ്മ. ഇത്തരത്തിൽ വലിയ വിവാദങ്ങൾ നിൽക്കുമ്പോഴും വളരെ നിഷ്കളങ്കമായി നിറകണ്ണുകളോടെയാണ് നഞ്ചിയമ്മയെ അവാർഡിനെ പറ്റി സംസാരിക്കുന്നത്. പലരും പറയുന്നതും നിലവിൽ നടക്കുന്നതുമായ പല കാര്യങ്ങളെക്കുറിച്ചും നഞ്ചിയമ്മ അറിയുന്നില്ല. അവരുടെ മനസ്സിൽ ഇപ്പോഴും സച്ചിയോടുള്ള സ്നേഹം മാത്രമാണ്.