Keralafox

മലയാള സിനിമയുടെ മഹാവിസ്മയം എന്ന് വിശേഷിപ്പിക്കുന്ന മമ്മൂട്ടിയുടെ ജീവിതത്തിലും കരിയറിലും വലിയ ഒരു വിടവ് സംഭവിച്ച ദിവസമായിരുന്നു ഇന്ന്. താരത്തിന്റെ എല്ലാ വിജയങ്ങൾക്കും പൂർണ്ണപിന്തുണയായി പിന്നിൽ ഉണ്ടായിരുന്ന മമ്മൂട്ടിയുടെ ഉമ്മ ഫാത്തിമ ഇസ്മയിൽ ഇന്ന് രാവിലെയാണ് മരണപ്പെട്ടത്. ഉമ്മയുടെ മരണ വിവരമറിഞ്ഞ് നിരവധി പേർ ആത്മാവിന് നിത്യശാന്തി നേർന്ന് സോഷ്യൽ മീഡിയയിൽ കമന്റുകളുമായി എത്തിയിരുന്നു. മമ്മൂട്ടിയെ നേരിൽ വന്ന് കണ്ട് ആശ്വസിപ്പിക്കുവാൻ വീട്ടിലേക്ക് മലയാള സിനിമയിലെ താരങ്ങളുടെ കുത്തൊഴുക്ക് തന്നെയാണ്. ദിലീപ്, നാദിർഷ, ജോജു, അശോകൻ തുടങ്ങി നിരവധി പേരാണ് വിവരമറിഞ്ഞപ്പോൾ തന്നെ മമ്മൂട്ടിയുടെ വീട്ടിലേക്ക് എത്തിയത്.

താരത്തിന്റെ ജീവിതത്തിലെ ഏറ്റവും വലിയ നഷ്ടമാണ് ഉമ്മ ഫാത്തിമ ഇസ്മയിലിന്റെ വേർപാട്. 93 വയസ്സുള്ള ഉമ്മ വാർദ്ധക്യസഹജമായ അസുഖങ്ങളെ തുടർന്ന് ആശുപത്രിയിൽ ചികിത്സ തേടിയതിന് പിന്നാലെയാണ് മരണത്തിന് കീഴടങ്ങിയത്. വാപ്പ മരിച്ചപ്പോഴാണ് വേർപാടിന്റെ വേദന താൻ ഏറ്റവും കൂടുതൽ അറിഞ്ഞതെന്ന് മുൻപ് താരം വ്യക്തമാക്കിയിരുന്നു. അന്ന് തനിക്ക് പിന്തുണയും ആശ്വാസവുമായി നിന്നത് ഉമ്മയാണെന്ന് പറഞ്ഞ് താരത്തിന്റെ ജീവിതത്തിൽ ഉമ്മയുടെ വേർപാട് എത്രത്തോളം വിഷമം സൃഷ്ടിക്കുന്നതാണെന്ന് പറഞ്ഞറിയിക്കാൻ കഴിയുന്നതല്ല. അവധി ആഘോഷങ്ങളുടെ ഭാഗമായി പല സ്ഥലങ്ങളിലായിരുന്ന താരങ്ങളെ എല്ലാവരും ദുഃഖ വാർത്ത അറിഞ്ഞപ്പോൾ തന്നെ മമ്മൂട്ടിയെ തേടി എത്തിയിരുന്നു.

അവധി ആഘോഷത്തിന്റെ ഭാഗമായി ജപ്പാനിൽ ആയിരുന്നു മോഹൻലാൽ. ഉറ്റ സുഹൃത്തിന്റെ വേദനയിൽ പങ്കുചേരാൻ നാട്ടിലേക്ക് എത്താൻ മോഹൻലാലിന് സാധിക്കില്ല എന്ന് ഇതോടെ വ്യക്തം. സംഭവം അറിഞ്ഞപ്പോൾ തന്നെ കല്യാണ ചടങ്ങുമായി ബന്ധപ്പെട്ട പാലക്കാട് ആയിരുന്നു ദിലീപ് മമ്മൂട്ടിയുടെ വീട്ടിലേക്ക് പാഞ്ഞ് എത്തുകയുണ്ടായി. ഇവർക്ക് പുറമേ അശോകൻ, ജോജു ജോർജ്, വിജയരാഘവൻ, രഞ്ജിപ്പണിക്കർ, ജോഷി, ജനാർദ്ദനൻ, നാദിർഷ, മനോജ് കെ ജയൻ, ബി ഉണ്ണികൃഷ്ണൻ, ഷാജി കൈലാസ്, കുഞ്ചൻ, ജോണി ആൻറണി തുടങ്ങി നിരവധി താരങ്ങളാണ് മമ്മൂട്ടിയുടെ വീട്ടിലേക്ക് എത്തിയത്. ഗേറ്റ് വരെ മാത്രമാണ് വാഹനങ്ങൾക്കും മാധ്യമപ്രവർത്തകർക്കും പ്രവേശനം ഉള്ളത്

അകത്തേക്ക് കടക്കുമ്പോൾ മാസ്ക് ധരിക്കേണ്ടത് നിർബന്ധമാക്കിയിരിക്കുന്നു. ഗേറ്റിൽ നിന്ന് മാസ്ക് കൊടുത്താണ് താരങ്ങളെ പോലും അകത്തേക്ക് കടത്തുന്നത്. കോവിഡ് കാലത്ത് സുരക്ഷാമാർഗ്ഗങ്ങൾ എല്ലാം കൃത്യമായി പാലിച്ച താരങ്ങളിൽ ഒരാളായിരുന്നു മമ്മൂട്ടി. അതുകൊണ്ടുതന്നെ ഇപ്പോഴും സുരക്ഷയുടെ കാര്യത്തിൽ മമ്മൂട്ടിയുടെ സെക്യൂരിറ്റി ജീവനക്കാർ ശ്രദ്ധ ചെലുത്തുന്നുണ്ട്. ഉമ്മയുടെ വേർപാട് അറിഞ്ഞ് വീട്ടിലേക്ക് എത്തിയ മമ്മൂട്ടിയുടെ വീഡിയോയും ചിത്രങ്ങളും സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.