Keralafox

ഇച്ചാപ്പി എന്ന ചെല്ലപ്പേരിൽ അറിയപ്പെടുന്ന ശ്രീലക്ഷ്മിയെ നമുക്ക് പരിചിതമാണ്‌. ഇച്ചാപ്പി ദ വേള്‍ഡ് എന്ന യൂട്യൂബ് ചാനലിലൂടെ പ്രേക്ഷകരുടെ ശ്രദ്ധനേടാൻ ശ്രീലക്ഷ്മിക്ക് കഴിഞ്ഞു. തന്റെ യൂട്യൂബ് ചാനലിലും സോഷ്യൽ മീഡിയകളിലും സജീവമായ താരത്തിനു നിരവധി ഫോളോവേഴ്സ് ആണുള്ളത്. പേർളി മാണിയടക്കമുള്ള സെലിബ്രിറ്റികൾ ഇച്ചാപ്പിയുടെ ആരാധകരാണ്.

ഒരു കൊച്ചു കുടിലിൽ നിന്നു ആരാധകരുടെ ശ്രദ്ധ നേടിയതാണ് താരം. എല്ലാ വീഡിയോകളിലും തന്റെ കുടിൽ കാണിക്കാൻ ഇച്ചാപ്പി മടിച്ചില്ല. ഷീറ്റുകൾ കൊണ്ട് വളച്ചുകെട്ടി ഉണ്ടാക്കിയ ചോർന്നൊലിക്കുന്ന ഒരു ഷെഡിൽ ആണ് ഇച്ചാപ്പി താമസിക്കുന്നത്. കറണ്ടോ ഗ്യാസോ ഒന്നുമില്ലാതെയാണ് ഇച്ചാപ്പി അച്ഛന്റെയും അമ്മയുടെയും കൂടെ താമസിക്കുന്നത്. കഴിഞ്ഞദിവസം ഫ്ലവേഴ്സ് ഒരു കോടി എന്ന ഷോയിൽ പങ്കെടുക്കാൻ ശ്രീലക്ഷ്മിയും എത്തിയിരുന്നു. ശ്രീകണ്ഠൻ നായരോടും ആരാധകരോടും ശ്രീലക്ഷ്മി പങ്കുവെച്ച വാക്കുകളാണ് ഇപ്പോൾ വൈറൽ ആയിരിക്കുന്നത്.

സിനിമയെ പോലും വെല്ലുന്ന ഒരു കഴിഞ്ഞ കഥയാണ് ഇച്ചാപ്പിക്കുള്ളത്. തന്റെ ജീവിത കഥ തുറന്നു പറഞ്ഞിരിക്കുകയാണ് ഇച്ചാപ്പി. അഞ്ച് വയസ്സ് വരെ രാജകുമാരിയെ പോലെ ഞാന്‍ ജീവിച്ചു. ഞാനും അച്ഛനും അമ്മയും ഗുജറാത്തിലായിരുന്നു. അവിടെ അച്ഛന് സ്വന്തമായി വര്‍ക് ഷോപ്പ് ഉണ്ടായിരുന്നു. അച്ഛന് ഒരുപാട് ജോലിക്കാരും ഉണ്ടായിരുന്നു. എനിക്ക് അഞ്ചു വയസ്സായപ്പോള്‍ എന്നെ സ്കൂളിൽ ചേർക്കാൻ അവർ തീരുമാനിച്ചു. അങ്ങനെ ഞങ്ങൾ നാട്ടിലേക്ക് വരാൻ തീരുമാനിച്ചു. അമ്മ പഠിച്ച സ്കൂളിൽ എന്നെ പഠിപ്പി‌ക്കണമെന്ന് അമ്മയുടെ ആഗ്രഹമായിരുന്നു. അങ്ങനെ അവിടുത്തെ എല്ലാം വിറ്റുപെറുക്കി നാട്ടിലേക്ക് വരാന്നുള്ള പ്ലാൻ ആയിരുന്നു. ആദ്യം ഞങ്ങളെ അച്ഛൻ ട്രെയിൻ കയറ്റി വിട്ടു.

പിന്നീട് വര്‍ക് ഷോപ്പിൽ നിന്നും നേടിയ സമ്പാദ്യമെല്ലാം എടുത്ത് അച്ഛനും ട്രെയിനിൽ കയറി. ട്രെയിനില്‍ വച്ച് ആരോ അച്ഛനെ മയക്കികിടത്തി പണമെല്ലാം മോഷ്ടിച്ചു കടന്നു കളഞ്ഞു. ലക്ഷക്കണക്കിന് രൂപ ഉണ്ടായിരുന്നു ആ ബാഗിൽ. ഇത് അച്ഛനെ മാനസികമായി തളർത്തി. പിന്നീട് ഒരു ബന്ധുവിന്റെ വീട്ടിലാണ് ഞങ്ങൾ പോയത്. ഇതിന്റെ ഇടയിൽ അച്ഛൻ ആത്മഹത്യയ്ക്ക് ശ്രമിച്ചു. ഇത് കാരണം അവർക്ക് ഞങ്ങൾ ഒരു ബുദ്ധിമുട്ടായി മാറി. അങ്ങനെ ആ വീട്ടിൽ നിന്നും ഞങ്ങൾ ഇറങ്ങി കുടിൽ കെട്ടി താമസിച്ചു.

ഒരു സൗകര്യവും ഉണ്ടായില്ലെങ്കിലും അച്ഛനും അമ്മയും എന്നെ ഒരിക്കലും പട്ടിണിക്കിട്ടില്ല. അവർ രണ്ടു പേരും ജോലിക്ക് പോയി എന്നെ നോക്കി. അമ്മ അഞ്ച് സെന്റ് സ്ഥലം വാങ്ങി. അവർ ജോലിയിലൂടെ സമ്പാദിച്ച പണം കൊണ്ട് ഒരു ചെറിയ വീട് വച്ചു. വീടിന്റെ വാര്‍പ്പ് കഴിഞ്ഞു. ആ സമയത്താണ് അമ്മയ്ക്ക് സുഖമില്ലാതെയായത്. പിന്നീട് എന്റെ യൂട്യൂബ് പണം കൊണ്ടായിരുന്നു വീട് പണി പൂര്‍ത്തിയാക്കിയത്. ഒരു ലക്ഷം രൂപ വരെയൊക്കെ ആദ്യം കിട്ടിയിരുന്നു. ഇപ്പോൾ പരീക്ഷയുടെ തിരക്കായി. വീഡിയോ ചെയ്യുന്നത് കുറഞ്ഞു. ഇത് കാരണം ആദ്യത്തെ പോലെ പൈസ കിട്ടാറില്ല.- ഇച്ചാപ്പി പറയുന്നു.