Keralafox

മലയാളത്തിന്റെ സൂപ്പര്താരങ്ങൾ ആയ മമ്മൂട്ടിയും മോഹൻലാലും സുരേഷ്‌ഗോപിയും ഒക്കെ മലയാള സിനിമയിൽ അടക്കിവാഴുന്ന കാലത്താണ് ദിലീപ് എന്ന നടന്റെ വരവ്. മിമിക്രിയിൽ നിന്നും എത്തിയ ദിലീപ് തന്റെ കോമെടി ചിത്രങ്ങളിലൂടെ സൂപ്പര്താരങ്ങൾക്കു തന്നെ ഒരു വെല്ലുവിളി ആകത്തക്ക വിധത്തിൽ വളർന്നു. കൊമേഡി കൈകാര്യം ചെയ്യാനുള്ള അസാമാന്യ കഴിവ് ദിലീപിനെ കുടുംബ പ്രേക്ഷകരുടെ പ്രിയങ്കരനാക്കി മാറ്റി. ആരാധകർ അയാളെ ജനപ്രിയ നായകൻ എന്ന് വിളിച്ചു. അന്നത്തെ സൂപ്പർ താരജോഡികളായ മഞ്ജു വാര്യരും ദിലീപും വിവാഹം ചെയ്തതോടെ ആ ഇഷ്ട്ടം ഇരട്ടിയായി.

എന്നാൽ ദാമ്പത്യ ജീവിതത്തിലെ പൊരുത്തക്കേടുകൾ മൂലം ദിലീപും മഞ്ജുവും വേർപിരിയുകയായിരുന്നു. പിന്നീട് ദിലീപ് കാവ്യാ മാധവനെ വിവാഹം ചെയ്തപ്പോഴും പ്രേക്ഷകർ ആ ദമ്പതികളെ ഇരു കയ്യും നീട്ടി സ്വീകരിച്ചു. ഇവരുടെ വിവാഹവും ആരാധകർ വലിയ ആഘോഷമാക്കി കൊണ്ടാടി. പിന്നീട് കാവ്യാ മാധവൻ ഗർഭിണി ആണെന്ന വാർത്ത പുറത്തു വന്നപ്പോഴും വലിയ ആഘോഷത്തോടെയാണ് ആരാധകർ കൊണ്ടാടിയത്. 2018 ൽ കാവ്യാ ഒരു പെൺകുഞ്ഞിന് ജന്മം നൽകുകയും അവർ അവൾക്കു മഹാലക്ഷ്മി എന്ന് പേരിടുകയും ചെയ്തു.

എന്നാൽ മകൾ ജനിച്ചെങ്കിലും ദിലീപ് അവളെ മാധ്യമങ്ങളിൽ നിന്നും പരമാവധി മാറ്റി നിർത്താൻ ശ്രമിച്ചിരുന്നു. മാധ്യമ ശ്രദ്ധ ലഭിക്കാൻ സാധ്യതയുള്ള സന്ദർഭങ്ങളിൽ മഹാലക്ഷ്മിയെ കൂട്ടാതെ ആണ് ഇരുവരും എത്തിയിരുന്നത്. മഹാലക്ഷ്മിയുടെ ചിത്രം പോലും പുറത്തുവരുന്നത് ജനിച്ചു ഒരുപാടു നാൾ കഴിഞ്ഞതിനു ശേഷമാണ്. ആ ഒരു പരിഭവം ആരാധകർക്കുമുണ്ട്. തങ്ങളുടെ പ്രിയ താരജോഡികളുടെ മകളുടെ ചിത്രം കാണാൻ ഒരുപാടു നാൾ കാത്തിരിക്കേണ്ടി വന്നു ആരാധകർക്ക്.

ഇപ്പോൾ വീണ്ടും നടിയെ ആക്രമിച്ച കേസിൽ ദിലീപും കാവ്യയും പ്രതിസ്ഥാനത്തേക്ക് വരുമ്പോൾ കുഞ്ഞു മഹാലക്ഷ്മിയുടെ കാര്യമോർത്തായിരുന്നു ആരാധകർക്ക് വിഷമം. എന്നാൽ ഇപ്പോഴിതാ മഹാലക്ഷ്മിയുടെ പുതിയ ചിത്രങ്ങളാണ് സോഷ്യൽ മീഡിയയിൽ വൈറൽ ആകുന്നത്. കാവ്യാ മാധവനും മകൾ മഹാലക്ഷ്മിയും കാവ്യയുടെ അമ്മയും ഒരുമിച്ച് വെണ്ണല തൈക്കാട്ട് മഹാദേവ ക്ഷേത്രത്തിലെ സമൂഹ സദ്യ ചടങ്ങിൽ പങ്കെടുക്കാനെത്തിയതിന്റെ വീഡിയോയും ചിത്രങ്ങളുമാണ് സോഷ്യൽ മീഡിയയിൽ വൈറലാകുന്നത്. ദിലീപിന്റെയും കാവ്യയുടെയും ഫാൻസ്‌ ഗ്രൂപ്പുകളിലും പേജുകളിലുമാണ് ചിത്രങ്ങൾ പ്രത്യക്ഷപ്പെട്ടത്.

 

 

കുഞ്ഞു മഹാലക്ഷ്മിയെ തല മുണ്ഡനം ചെയ്ത നിലയിലാണ് ചിത്രങ്ങളിലും വിഡിയോയിലും കാണാനാകുന്നത് . ചിത്രങ്ങളിലേയും വീഡിയോയിലേയും പ്രധാന ആകർഷണം മഹാലക്ഷ്മി തന്നെയാണ്. കാവ്യ മകൾക്ക് ചോറ് വാരിക്കൊടുക്കുന്നതും കാണാം. കാവ്യയുടെ അമ്മയും കൂടെയുണ്ട്. സോഷ്യൽ മീഡിയയിൽ ആരാധകർക്ക് സന്തോഷം നൽകുന്നതും അതോടൊപ്പം കണ്ണ് നനക്കുന്നതുമാണ് മഹാലക്ഷ്മിയുടെ ഈ പുതിയ ചിത്രം. തങ്ങൾ നേരിടുന്ന ദുരിതങ്ങളുടെ വിഷമം കാവ്യയുടെ മുഖത്ത് നിഴലിക്കുന്നുണ്ട്. എന്നാൽ എന്താണ് പുറത്തു നടക്കുന്നതെന്നറിയാതെ നിഷ്ക്കളങ്കമായി ചിരിക്കുന്ന മഹാലക്ഷ്മിയുടെ ചിത്രം ആരുടെയും കണ്ണ് നിറക്കുന്നതാണ്. ഈ കുഞ്ഞിനെ ഓർത്തെങ്കിലും ദിലീപിനെ വേട്ടയാടുന്നത് നിർത്തിക്കൂടെ എന്നൊക്കെയാണ് ആരാധകരുടെ കമന്റുകൾ.