Keralafox

ജുവനൈൽ ഹോമിൽ കളിച്ചു വളർന്ന  അപ്പു  ഇനി മുതൽ കേരള ബ്ളാസ്റ്റേഴ്‌സിന്റെ  അണ്ടർ 19 ടീമിലേക്ക് . ചെയ്യാത്ത കുറ്റത്തിന് ജുവനൈൽ ഹോമിൽ വളർന്ന അപ്പു എന്ന മിടുക്കനാണ് ഇപ്പോൾ കേരളത്തിന് അഭിമാനം ആകുന്നത്. കുട്ടിക്കാലം മുതലേ ഫുട്ബോളിനോട് ഏറെ പ്രിയമാർന്ന അവൻറെ കഴിവുകൾ കണ്ടെത്തിയതും ജുവനൈൽ ഹോമിലെ അധികൃതർ തന്നെയായിരുന്നു. അവർ പ്രോത്സാഹനം നൽകി ,ഒടുവിൽ അവൻ ആഗ്രഹിച്ച സ്ഥലത്തുതന്നെ എത്തിച്ചേരുകയും ചെയ്തു. പന്ത്രണ്ട് വയസ്സായപ്പോൾ അധികൃതർ തൃശ്ശൂരിലേക്ക് അപ്പുവിനെ മാറ്റി. പിന്നീട്  സെന്റ് അലോഷ്യസ് എൽത്തുരുത്ത് സ്‌കൂളിലാണ് ഒമ്പതാം ക്ലാസ് വരെ പഠിച്ചത്. 2017 – 18 കാലഘട്ടത്തിൽ കാലഘട്ടത്തിലും തൃശ്ശൂർ സബ്ജൂനിയർ ജില്ലാ ടീമിന് വേണ്ടി അപ്പു കളിച്ചിരുന്നു   റൈറ്റ് വിംഗ് ബാക്ക് പൊസിഷനിലാണ് ബ്ളാസ്റ്റേഴ്സ് ടീമിൽ ഈ മിടുക്കൻ കളിക്കുക.

ജനിച്ചതും വളർന്നതും ജയിലിലാണ് ,ഗർഭിണിയായ അമ്മയായിരുന്നു കുറ്റകൃത്യം ചെയ്തിരുന്നത്. ജയിലിൽവച്ച് ആ സ്ത്രീ ഒരു മകന് ജന്മം നൽകി. അവന് അപ്പു എന്ന പേര് നൽകി. പിന്നീട് ജയിലിൽ ആയിരുന്നു അവൻ താമസിച്ചത്, അഞ്ചു വയസ്സായപ്പോൾ അവനെ ജുവനൈൽ ഹോമിലേക്ക് മാറ്റി .ഇടയ്ക്കിടയ്ക്ക് അമ്മ ജയിലിൽ നിന്നും മകനെ കാണാൻ വന്നിരുന്നു. എന്നാൽ ശിക്ഷയുടെ കാലാവധി കഴിഞ്ഞ ശേഷം അമ്മ മകനെ ഉപേക്ഷിച്ച് പോയി കളയുകയായിരുന്നു. കുറെയധികം അന്വേഷിച്ചെങ്കിലും ഇതുവരെ അവരെ കണ്ടെത്താനായില്ല .പിന്നീടങ്ങോട്ട് അധികൃതരുടെ കീഴിലായിരുന്നു അവൻ വളർന്നതും പഠിച്ചതും. അവൻറെ സ്വപ്നങ്ങൾക്കും ആഗ്രഹങ്ങൾക്കും ചിറകു നൽകാൻ അധികൃതരും അവനെ സഹായിച്ചു.

ഇപ്പോഴത്തെ പരിമിതമായ സൗകര്യങ്ങളിൽ നിന്നുകൊണ്ട് തന്നെ ആഗ്രഹം അവൻ നേടിയെടുക്കുകയാണ്. അതുകൊണ്ടു സോഷ്യൽ മീഡിയയിൽ ഉൾപ്പെടെ അവന്  ആശംസകൾ നൽകി നിരവധിപേരാണ് ഇപ്പോൾ രംഗത്തെത്തിയിരിക്കുന്നത്. ജുവനൈൽ ഹോമിലെ ഫുട്ബോൾ താരമായ അപ്പുവിന്റെ നേട്ടം സോഷ്യൽ മീഡിയയിലൂടെ നിരവധി പേരായിരുന്നു കുറിച്ചത്. നിരവധി ഗ്രൂപ്പുകളിൽ ആണ് അപ്പുവിന്റെ വളർച്ചയും നേട്ടങ്ങളെക്കുറിച്ച് പങ്കുവെച്ചത് .പരിമിതികളിൽ നിന്ന് തന്നെ സ്വപ്നങ്ങൾ നേടിയെടുക്കുന്ന വർക്ക് പ്രചോദനമാണ് അപ്പു എന്നും ഇത്തരത്തിലുള്ള ഒരു പാട് ഒരുപാട് ആളുകൾക്ക് പ്രചോദനമാണെന്നും ഉയരങ്ങളിലേക്ക് എത്തണമെന്നും കേരളത്തിന് അഭിമാനം ആകണമെന്നും നിരവധിപേർ സോഷ്യൽ മീഡിയയിലൂടെ കുറിക്കുന്നുണ്ട്. അതുപോലെതന്നെ അവൻറെ ചിത്രങ്ങളുൾപ്പെടെ സോഷ്യൽ മീഡിയയിൽ പല ഗ്രൂപ്പുകളിലും ഇപ്പോൾ പുറത്തുവന്നുകൊണ്ടിരിക്കുകയാണ്.