Keralafox

വഴിയരുകിൽ ഭിക്ഷ യാചിക്കുകയും ഒരു നേരത്തെ അന്നത്തിന് വേണ്ടി ആക്രി പെറുക്കാനും നടക്കുന്ന ഒരുപാട് കുരുന്നു മക്കളെ നമ്മൾ നിരന്തരം വഴിയോരങ്ങളിൽ കാണാറുണ്ട് . ഒരു നേരത്തെ അന്നം എന്നതിലുപരി ധരിക്കാൻ പുതു വസ്ത്രമോ , ഇടാൻ നല്ലൊരു ചെരുപ്പ് പോലും ഈ കുരുന്നുകൾക്ക് ഉണ്ടാവില്ല . സമ പ്രായക്കാരായ കുട്ടികൾ പുത്തനുടുപ്പും പുത്തൻ ചെരുപ്പുകളും ബാഗും കുടയും ഒക്കെയായി സ്കൂളിൽ പോകുന്നത് ഒക്കെ ഏറെ കൊതിയോടെയാണ് ഈ ബാല്യങ്ങൾ നോക്കി കാണുന്നത് . ഏതൊരു കുട്ടികളെയും പോലെ ഇവരും ഇത് ആഗ്രഹിക്കുന്നുണ്ട് എങ്കിലും അവരുടെ സഹചര്യങ്ങൾ അതിന് അനുവദിക്കുന്നില്ല എന്നതാണ് സത്യം . അത്തരത്തിൽ വഴിയിൽ കണ്ട പാവപെട്ട കുട്ടിയെ സഹായിക്കുന്ന സഹോദരങ്ങളുടെ വീഡിയോ ഇപ്പോൾ രാജ്യമെങ്ങും വൈറലാവുകയാണ് ..കുട്ടികളുടെ മനസ്സിൽ കളങ്കമില്ല എന്നാണല്ലോ പറയപ്പെടുന്നത് .

ഒരുപക്ഷെ സ്നേഹത്തിന്റെ കാര്യത്തിലും കരുതലിന്റെ കാര്യത്തിലും മുതിർന്നവരേക്കാൾ ഒരുപടി മുകളിലാണ് കുട്ടികൾ എന്ന് ചില അവസരങ്ങളിൽ തോന്നിപ്പോകാറുണ്ട് . ഇപ്പോഴിതാ ഏവരുടെയും മനം കവരുന്ന ഒരു വിഡിയോയാണ് സോഷ്യൽ ലോകത്ത് ശ്രെധ നേടിക്കൊണ്ടിരിക്കുന്നത് ..വീടിനു മുന്നിൽ എത്തിയ പാവപെട്ട കുട്ടിക്ക് മാലയും വളയും ചെരുപ്പും ഒക്കെ നൽകുന്ന സഹോദരങ്ങളുടെ വിഡിയോയാണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത് . വഴി അരുകിൽ സമപ്രായക്കാരിയായ പാവപെട്ട കുട്ടിയെ കണ്ട് വീടിനു വെളിയിൽ നിന്ന കുട്ടി അവൾക്കായി ചെരുപ്പ് എടുത്ത് നൽകുകയായിരുന്നു . ശേഷം വീടിനുള്ളിൽ നിന്നും സഹോദരൻ ഇറങ്ങിവരുകയും പാവപെട്ട കുട്ടിയെ അരികിൽ വിളിച്ച് വളകളും മുത്തു മാലയും അണിയിക്കുന്നതും ഒക്കെ ഏവരുടെയും മനസ് ഒന്ന് നിറയ്ക്കുന്നതാണ് .

വളയും മാലയും ചെരുപ്പുകളും നൽകിയ ശേഷമാണു കുട്ടിയെ സഹോദരങ്ങൾ യാത്രയാകുന്നത് . വീടിനു മുകളിൽ നിന്നാരോ പകർത്തിയ വീഡിയോ യാണ് ഇപ്പോൾ സമൂഹ മാധ്യമങ്ങളിൽ വൈറലായി മാറിക്കൊണ്ടിരിക്കുന്നത് ..നിരവധിയാളുകളാണ് ഇപ്പോൾ സഹോദരങ്ങളുടെ പ്രവർത്തിക്കു നിറ കയ്യടികളുമായി രംഗത്ത് വരുന്നത് . മുതിർന്നവരേക്കാൾ കരുതലും സ്നേഹവും ഉള്ള മനസുകളാണ് കുട്ടികളുടേത് എന്നും , മുതിർന്നവർക്ക് പോലും മാതൃകയാകുന്ന പ്രവർത്തി എന്നും നിരവധി കമന്റ് കളാണ് വീഡിയോയ്ക്ക് താഴെ വന്നുകൊണ്ടിരിക്കുന്നത് . എന്തായാലും സംഭവം ഇപ്പോൾ സോഷ്യൽ മീഡിയയിൽ വൈറലായി മാറിയിട്ടുണ്ട്.