Keralafox

‘അമ്മ എന്ന വാക്കിന് ഒരായിരം അർത്ഥങ്ങളുണ്ട് , ഓരോ കുഞ്ഞുങ്ങളും ജനിച്ചുവീഴുന്നത് മുതൽ അവർ കാണുന്ന ആദ്യത്തെ ദൈവവും ലോകവും എല്ലാം അമ്മമാർ തന്നെയാകും ..എന്നാൽ ഒരു കുഞ്ഞിന് ജന്മം നൽകി എന്നത്കൊണ്ട് മാത്രമല്ല കർമ്മം കൊണ്ടുമാണ് ഒരു സ്ത്രീ അമ്മയാകുന്നത് . ഇപ്പോഴിതാ അത്തരത്തിൽ ഒരു സംഭവമാണ് സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത് .. സംഗീത എന്ന പോലീസുകാരിയുടെ വലിയ മനസിന് മുന്നിൽ നമിക്കുകയാണ് സോഷ്യൽ ലോകമിപ്പോൾ , കാക്കിക്കുള്ളിലെ അമ്മമനസ് എന്ന ടൈറ്റിലോടെയാണ് വാർത്ത ഇപ്പോൾ സോഷ്യൽ ലോകത്ത് ശ്രെധ നേടുന്നത് .. സംഭവം ഇങ്ങനെ ;

ഒരു നിമിഷം ആ കാഴ്ചകണ്ട് ഏവരും ഒന്ന് പതറിപ്പോയി . വെറും ദിവസങ്ങൾ അതായത് കൃത്യമായി പറഞ്ഞാൽ വെറും രണ്ടോളം ദിവസം മാത്രം പ്രായമുള്ള പിഞ്ചു കുഞ്ഞ് ജീവന് വേണ്ടി കയ്യും കാലുമടിക്കുന്ന കാഴ്ച ഏവരുടെയും ചങ്കിൽ വലിയ വേദനയാണ് സൃഷ്ട്ടിച്ചത് . പ്രസവിച്ച സ്ത്രീയോ മറ്റോ യാതൊരു ദാഷ്യണ്യവുമില്ലാതെ ഒരു തുണികൊണ്ട് പോലും പൊതിയാതെ പിഞ്ചു കുഞ്ഞിനെ തെരുവ് നായ്ക്കൾ വിലസുന്ന കൊടും തണുപ്പിൽ ഉപേക്ഷിച്ചു പോയിരിക്കുന്നു . കുഞ്ഞിന്റെ ദേഹത്ത് പുഴുക്കളും ഉറുമ്പുകളും എല്ലാം അനായാസം സോയ്‌ര്യവിഹാരം നടത്തുന്നുണ്ട് . തെരുവിൽ തണുത്തുവിറച്ച് ഒന്ന് ശബ്‌ദിക്കാൻ പോലുമാകാതെ പുഴുക്കളും ഉറുമ്പുകൾ അരിച്ചും അഞ്ചു ദിവസം പ്രായമുള്ള പെൺകുഞ്ഞ് കയ്യും കാലുമിട്ടടിക്കുന്നുണ്ട് ..ബാംഗ്ലൂരിലെ യഹ്‍ലങ്കയിൽ വഴിയരുകിൽ നിന്നുമാണ് കുഞ്ഞിനെ വാർഡന്മാരുടെ കണ്ണിൽ പെട്ടത് .. വാരിയെടുത്ത് കുഞ്ഞിനെ ആശുപത്രിയിൽ എത്തിക്കുകയായിരുന്നു ഇവർ ചെയ്തത് .

ആശുപത്രി അധികൃതരുടെ അറിയിപ്പ് പ്രകാരം കുട്ടിയെ ലഭിച്ച വിവരം രേഖപ്പെടുത്താൻ എത്തിയത് വനിതാ കോൺസ്റ്റബിൾ ആയിരുന്ന സംഗീതയായിരുന്നു . കുഞ്ഞിനെ കണ്ടെത്തിയതും അവസ്ഥയും എല്ലാം അറിഞ്ഞപ്പോൾ സംഗീതയുടെ കണ്ണ് നിറഞ്ഞു . ഇതിനിടയിൽ കുഞ്ഞിന്റെ കരച്ചിൽ ഉച്ചത്തിൽ കേട്ടപ്പോൾ സംഗീതയുടെ കണ്ണിൽ നിന്നും കണ്ണീർ ദാരാ ദാരയായി ഒഴുകി .. വിശന്നു കരയുന്ന കുഞ്ഞിന്റെ അടുതെത്തി ഡോക്ടറോട് സംഗീത ചോദിച്ചത് ഇത്രമാത്രമായിരുന്നു ഞാൻ ഈ പൊന്നുമോളെ മുലയൂട്ടിക്കോട്ടെ എന്നായിരുന്നു ..ഒരമ്മയുടെ സ്നേഹം കണ്ട ഡോകട്ർ അനുമതി നൽകുകയും ചെയ്തു . ഡോക്ടറുടെ അനുമതി ലഭിച്ചതോടെ കുഞ്ഞിന് വയറു നിറയെ സംഗീത മുലയൂട്ടുകയും കുഞ്ഞ് കരച്ചിൽ നിർത്തുകയും ചെയ്തു . കുഞ്ഞിനെ മുലയൂട്ടുന്ന കോൺസ്റ്റബിൾ സംഗീതയുടെ ചിത്രങ്ങൾ സോഷ്യൽ മീഡിയയിൽ വിരലായതോടെയാണ് സംഭവം ഏവരും അറിഞ്ഞത് ,

ഇതോടെ സംഗീതയ്ക്ക് അഭിനന്ദനപ്രവാഹങ്ങളുമായി നിരവധി ആളുകൾ രംഗത്ത് എത്തി . ഈ സംഭവത്തെക്കുറിച്ച് ചോദിച്ചപ്പോൾ സംഗീതയുടെ വാക്കുകൾ ഇങ്ങനെയായിരുന്നു . പൊന്നുമോളുടെ കരച്ചിൽ കേട്ടപ്പോൾ എന്റെ 10 മാസം പ്രമുള്ള കുഞ്ഞിനെയാണ് ഓര്മ വന്നത് എന്നായിരുന്നു സംഗീത പറഞ്ഞത് . ഇത്രയും പൊന്നുംകുടമായ കുഞ്ഞിനെ എങ്ങനെ നിഷ്ടൂരം വഴിയിൽ ഉപേക്ഷിക്കാൻ തോന്നി എന്നാണ് സംഗീത ചോദിച്ചത് . അതി തീവ്രമായ തണുപ്പേറ്റ കുഞ്ഞിന് ഹൈപോതെർമിയ ബാധിച്ചിരുന്നു . എന്നാൽ അമ്മയുടെ സ്ഥാനത് നിന്ന് കുഞ്ഞിനെ മാറോട് ചേർത്ത് കെട്ടിപിടിച്ചു സംഗീത മുലയൂട്ടിയത്തോടെ കുഞ്ഞിന്റെ അവസ്ഥ മെച്ചപ്പെട്ടെന്നും ഡോകട്ർ വെളിപ്പെടുത്തി . എന്തായാലും കോൺസ്റ്റബിൾ സംഗീതയുടെ പ്രവർത്തിക്കു ഇപ്പോൾ സോഷ്യൽ മീഡിയയിൽ അഭിനന്ദന പ്രവാഹമാണ് ..