Keralafox

ദിലീപിന്റെയും കാവ്യയുടെയും മീനാക്ഷിയുടെയും കുഞ്ഞു മഹാലക്ഷ്മിയുടെയും വിശേഷങ്ങൾ ആരാധകർ എത്തിനോക്കാറുണ്ട്. മഹാലക്ഷ്മി വന്നതോടു കൂടി മഹാലക്ഷ്‌മിയെ കുറിച്ച് അറിയാനായിരുന്നു ആരാധകർ കൂടുതൽ താല്പര്യം കാണിച്ചത്. മകൾ മഹാലക്ഷ്മിയുടെ മുഖം കാവ്യയും ദിലീപും ആദ്യം ആരാധകരുമായി പങ്കുവെച്ചില്ലായിരുന്നു. ഇത് ആരാധകരെ നിരാശയിലാക്കി. കുറച്ചു കഴിഞ്ഞപ്പോഴാണ് ഇവരുടെ കുടുംബ സമേതമുള്ള ചിത്രങ്ങളിൽ മഹാലക്ഷ്മിയും പ്രത്യക്ഷപ്പെട്ടത്. മഹാലക്ഷ്മിയുടെ എല്ലാ വിശേഷങ്ങളും ഇരുവരും ഇപ്പോൾ പങ്കുവെക്കാറുണ്ട്. ഈ കുട്ടിക്കുറുമ്പിയുടെ വീഡിയോകളും സോഷ്യൽ മീഡിയകളിൽ സജീവമാണ്.

 

മഞ്ജുവാര്യരുമായുള്ള വിവാഹ മോചനവും കാവ്യയുമായുള്ള ദിലീപിന്റെ വിവാഹവുമെല്ലാം ഒരുപാട് വിമർശനങ്ങൾക്ക് വഴിവെച്ചിരുന്നു. മഞ്ജുവാര്യരുമായി ഡിവോഴ്സ് ആയതോടു കൂടി വളരെ അപ്രതീക്ഷിതമായി കാവ്യയെ ദിലീപ്പ് വിവാഹം ചെയ്തു. ഇത് ആരാധകരെ ഒരുപോലെ അമ്പരപ്പിച്ചു. നടിയെ ആക്രമിച്ച കേസിൽ ഇന്നും ദിലീപ് വിചാരണ നേരിടുകയാണ്.

 

അരുൺ ഗോപി സംവിധാനം ചെയ്യുന്ന പുതിയ ചിത്രത്തിന്റെ തിരക്കിലാണ് ഇപ്പോൾ ദിലീപ്. തെന്നിന്ത്യൻ താരം തമന്നയാണ് ദിലീപിന്റെ നായികയായി ചിത്രത്തിൽ. ഉദയകൃഷ്ണയാണ് ഈ ചിത്രത്തിന് തിരക്കഥ ഒരുക്കുന്നത്. റാഫി-ദിലീപ് കൂട്ടുകെട്ടിൽ വോയിസ് ഓഫ് സത്യനാഥൻ എന്ന ചിത്രവും ഒരുങ്ങുന്നുണ്ട്. ദിലീപിന്റെ മകൾ മീനാക്ഷി എന്നും ദിലീപിന്റെ കൂടെയുള്ളതാണ് ദിലീപിന് ആശ്വാസം. ദിലീപിന്റെയും കാവ്യയുടെയും വിവാഹത്തിന് പൂർണ പിന്തുണയുമായി മീനാക്ഷി ഒപ്പം ഉണ്ടായിരുന്നു. മഹാലക്ഷ്മി വന്നതോടു കൂടി കൂടുതൽ സന്തോഷമാണ് ഈ കുടുംബത്തിന് ഉണ്ടായത്. ഇവരുടെ കുടുംബചിത്രത്തിൽ എല്ലാം മഹാലക്ഷ്മിയും തിളങ്ങുന്നു.

മീനാക്ഷിയും മഹാലക്ഷ്മിയും തമ്മിലുള്ള കൂട്ട് ആണ് ആരാധകർക്ക് അത്ഭുതം. മഹാലക്ഷ്മിയെ എടുത്തിട്ടുള്ള മീനാക്ഷിയുടെ ചിത്രങ്ങളെല്ലാം സോഷ്യൽ മീഡിയകളിൽ നിറയാറുണ്ട്. തന്റെ കൊച്ചനുജത്തിയോടുള്ള മീനാക്ഷിയുടെ ഇഷ്ടവും ആത്മാർതഥയും പറഞ്ഞറിയിക്കാൻ കഴിയാത്തതാണ്. സ്വന്തം മോളെ പോലെയാണ് മീനാക്ഷി മഹാലക്ഷ്മിയെ നോക്കുന്നത്. മീനാക്ഷിയും മഹാലക്ഷ്മിയും തമ്മിലുള്ള ചിത്രങ്ങൾ പങ്കുവെക്കുമ്പോൾ നിരവധി കമെന്റുകളുമായി ആരാധകർ എത്താറുണ്ട്. മാമാട്ടിയെന്നാണ് മഹാലക്ഷ്മിയെ വിളിക്കുന്നത്. വിജയദശമി ദിനത്തില്‍ ജനിച്ചതിനാലാണ് മഹാലക്ഷ്മി എന്ന് പേരിട്ടത്. മീനാക്ഷിയാണ് ഈ പേര് ദിലീപിനും കാവ്യയ്ക്കും പറഞ്ഞു കൊടുത്തത്.

 

ഇപ്പോഴിതാ പുതിയ ഒരു ചിത്രമാണ് മീനാക്ഷി പങ്കുവെച്ചത്. തിരുവോണത്തിന് മഹാലക്ഷ്മിയോടൊപ്പം കുടുംബസമേതമുള്ള ചിത്രം ദിലീപ് പങ്കുവെച്ചിരുന്നു. ഇതിനു പിന്നാലെയാണ് മീനാക്ഷിയും ഇപ്പോൾ മഹാലക്ഷ്മിയോടൊപ്പമുള്ള ചിത്രം പങ്കുവെച്ചത്. തിരുവോണത്തിന്  എടുത്ത ആരാധകർ ഇതുവരെ കാണാത്ത ഒരു ചിത്രമാണ് മീനാക്ഷി പങ്കുവെച്ചത്. ഇതിൽ മഹാലക്ഷ്മിയും മീനാക്ഷിയുമാത്രമാണ് ഉള്ളത്.

കസവുസാരി ഉടുത്ത മീനാക്ഷിയെയും പട്ടുപാവാട ഇട്ട മഹാലക്ഷ്മിയെയുമാണ് ചിത്രത്തിൽ കാണാൻ കഴിയുന്നത്. മഹാലക്ഷ്മിയെ ഒക്കത്തെടുത്ത് നിൽക്കുകയാണ് മീനാക്ഷി. മഹാലക്ഷ്മി മീനാക്ഷിയ കെട്ടിപിടിച്ചു ഉമ്മ നല്‍കുന്ന ഒരു മനോഹരമായ ചിത്രമാണിത്. മീനാക്ഷിയും മഹാലക്ഷ്മിയും നല്ല കൂട്ടാണെന്നും എല്ലാത്തിനും അനിയത്തിക്ക് ചേച്ചി മതിയെന്നും ഈ ചിത്രത്തിലൂടെ മനസിലാക്കാം.