Keralafox

ആരാധകരെ ഒന്നു ഞെട്ടിച്ചിരിക്കുകയാണ് തെന്നിന്ത്യൻ താര സുന്ദരിയും ലേഡി സൂപ്പർസ്റ്റാറുമായ നയൻതാരയും വിഘ്‌നേഷ് ശിവനും. കഴിഞ്ഞ ദിവസം ഇവരുടെ ജീവിതത്തിലെ ഏറ്റവും മനോഹരമായ നിമിഷമായിരുന്നു ആരാധകരുമായി ഇരുവരും പങ്കുവെച്ചത്. ഇവരുടെ ജീവിതത്തിലെ ആ സന്തോഷ വാർത്ത പുറം ലോകം അറിഞ്ഞു. ഒരു സൂചനയും നൽകാത്ത ഒരു വലിയ സർപ്രൈസ് എന്ന് വേണമെങ്കിൽ പറയാം. നയൻസിന്റെയും വിഘ്‌നേഷിന്റെയും പ്രണയവും വിവാഹവും വിവാഹത്തിന് ശേഷമുള്ള എല്ലാ വിശേഷങ്ങളും ആരാധകരുമായി ഇവർ പങ്കുവെക്കാറുണ്ട്. എന്നാൽ ജീവിതത്തിലെ ഏറ്റവും പ്രധാനപ്പെട്ട ഈ കാര്യം മാത്രം ആരാധകരിൽ നിന്നും ഈ താര ദമ്പതികൾ മറച്ചു വെച്ചു. അതിന്റെ പരിഭവവും ആരാധകർക്കിടയിലുണ്ട്. എങ്കിലും ഇവരുടെ ഈ സന്തോഷം കണ്ട് ആരാധകരും സന്തോഷിക്കുകയാണ്.

 

നയൻസ് വിഘ്‌നേഷ് പ്രണയം എപ്പോഴും ചർച്ച ചെയ്യപ്പെട്ടിരുന്നു. വിവാഹത്തിന് മുമ്പുള്ള ഇവരുടെ ഒരുമിച്ചുള്ള ചിത്രങ്ങളെല്ലാം ശ്രദ്ധേയമായി. പ്രണയിച്ചു നടക്കുന്നതിനിടെ എപ്പോഴാണ് വിവാഹം എന്ന് ആരാധകർ ചോദിച്ചു കൊണ്ടേയിരുന്നു. ഇവരുസീ വിവാഹത്തിന് വേണ്ടി ഇന്ത്യൻ സിനിമ ലോകവും ആരാധകരും കാത്തു നിന്നു. ഒടുവിൽ ആ സന്തോഷ മുഹൂർത്തമെത്തി. ഒരു രാജകീയ വിവാഹമായിരുന്നു ഇരുവരുടേതും. ഏഴു വർഷത്തെ കാത്തിരിപ്പിനൊടുവിലാണ് സ്വപ്ന തുല്യമായ ആ മുഹൂർത്തമെത്തിയത്. മഹാബലിപുരത്ത് വെച്ച് ഹിന്ദു ആചാര പ്രകാരമായിരുന്നു വിവാഹം നടന്നത്. ചില്ലി റെഡ്‌ നിറത്തിലുള്ള ഡ്രെസ്സും ആഭരണങ്ങളും അണിഞ്ഞ് ഒരു രാജകീയ വേഷത്തിലായിരുന്നു നയന്‍സ് വിവാഹവേദിയിൽ എത്തിയത്. ഇരുവരുടെയും വിവാഹ ചിത്രങ്ങൾ മിനിട്ടുകൾക്കുള്ളിലാണ് വൈറൽ ആയത്. വിവാഹ ശേഷമുള്ള എല്ലാ വിശേഷങ്ങളും ആരാധകരുമായി ഇരുവരും പങ്കുവെക്കാറുണ്ട്.

എന്നാൽ കഴിഞ്ഞ ദിവസമായിരുന്നു ഒരു സൂചന പോലും നൽകാതെ ആരാധകരെ ഞെട്ടിച്ചു കൊണ്ട് നയൻസ് അമ്മയായി എന്ന കാര്യം പുറം ലോകം അറിഞ്ഞത്. നയൻസിനും വിഘ്‌നേഷിനും ഇരട്ട കുഞ്ഞുങ്ങൾ പിറന്നു. വിഘ്‌നേഷ് ആയിരുന്നു ഈ സന്തോഷ വാർത്ത സോഷ്യൽ മീഡിയയിലൂടെ പങ്കുവെച്ചത്.
ആൺകുഞ്ഞുങ്ങളാണ് ഇരുവർക്കും പിറന്നത്. ആരാധകർ ഒട്ടും പ്രതീക്ഷിക്കാത്ത വാർത്തയായിരുന്നു ഇത്. കഴിഞ്ഞ ജൂൺ മാസത്തിലാണ് ഇവരുടെ വിവാഹം നടന്നത്. നാല് മാസം കൊണ്ട് നയൻസ് എങ്ങനെ അമ്മയായി എന്ന ചോദ്യങ്ങളാണ് ഇതോടെ ഉയർന്നു വന്നത്. പിന്നാലെ വാടക ​ഗർഭധാരണത്തിലൂടെയാകാം ഇരുവർക്കും കുഞ്ഞുങ്ങൾ ഉണ്ടായത് എന്ന റിപ്പോർട്ടും വന്നു.

സറോഗസി വഴിയാണ് നയൻസ് അമ്മയായത് എന്ന് സ്ഥിരീകരിച്ചിരിക്കുകയാണ് ഇപ്പോൾ. കുഞ്ഞുങ്ങളെ വേണമെന്നും എന്നാൽ പ്രസവിക്കാൻ താല്പര്യവുമില്ലാത്ത ഒരുപാട് സ്ത്രീകളുണ്ട് നമുക്ക് ചുറ്റും. അവരുടെ ശരീരത്തിന് വരുന്ന മാറ്റവും കരിയർ നഷ്ടപ്പെടുമോ എന്ന ചിന്താഗതികളും കൊണ്ടാണ് ഇത്. അതുകൊണ്ട് പല സ്ത്രീകളും പ്രസവിക്കാൻ താല്പര്യപ്പെടുന്നില്ല.

അങ്ങനെ വാടക ഗർഭധാരണം എന്ന ഓപ്ഷൻ തിരഞ്ഞെടുക്കുന്നു. പല സെലിബ്രിറ്റികളും ചെയ്തതു പോലെ ഇവരും വാടക ഗർഭപാത്രത്തിലൂടെ രണ്ട് കണ്മണികൾക്ക് ജന്മം നൽകിയ സന്തോഷത്തിലാണ്. നിരവധി പേരാണ് ഇരുവർക്കും ആശംസകളുമായി എത്തിയത്.