Keralafox

ചലച്ചിത്ര നിർമ്മാതാവും പാചകവിദഗ്ധനും ആയ നൗഷാദ് പ്രിയപ്പെട്ടവരെ വിട്ടു പിരിഞ്ഞിട്ട് രണ്ടു വർഷങ്ങൾ പിന്നിടുമ്പോൾ ജീവിതത്തിൽ തനിച്ചായി പോയ തന്റെ അവസ്ഥയെ പറ്റി തുറന്നു പറഞ്ഞു ഇപ്പോൾ രംഗത്തെത്തിയിരിക്കുകയാണ് നൗഷാദിന്റെ മകൾ നിശ്വ നൗഷാദ്. ഉപ്പയുടെയും ഉമ്മയുടെയും അപ്രതീക്ഷിത മരണത്തിന് പിന്നാലെ ബന്ധുക്കളുടെ സംരക്ഷണത്തിൽ കഴിഞ്ഞിരുന്ന നിശ്വ തനിക്ക് പഠിക്കാൻ പോലുമുള്ള ചെലവിന് ബന്ധുക്കൾ പണം നൽകുന്നില്ല എന്ന് ആരോപിച്ചുകൊണ്ടാണ് ഇപ്പോൾ രംഗത്തെത്തിയിരിക്കുന്നത്. അവർ അവരുടെ മക്കൾക്ക് എല്ലാ സൗകര്യങ്ങളും ചെയ്തു കൊടുക്കുമ്പോൾ തന്റെ ചെറിയ ആവശ്യങ്ങൾ പോലും നിറവേറ്റുന്നില്ലെങ്കിലും നിഷ്വ പറയുന്നു. നിശ്വയുടെ കുറിപ്പ് ഇങ്ങനെ… ഞാൻ നിശ്വ നൗഷാദ്. നൗഷാദിന്റെ മകൾ. എൻറെ മാതാപിതാക്കളിൽ ഒരാളെയെങ്കിലും എനിക്ക് ഇന്ന് ഉണ്ടായിരുന്നുവെങ്കിൽ ഈ അവസ്ഥ ഉണ്ടാകുകയോ എന്നെ ഇങ്ങനെ ദുരുപയോഗം ചെയ്യുകയോ ചെയ്യില്ലായിരുന്നു. എൻറെ ഉമ്മയുടെയും ഉപ്പയുടെയും മരണശേഷം എൻറെ അറിവോ ഇഷ്ടമോ ഒന്നും തിരക്കാതെയാണ് എൻറെ മാമയായ ഹുസൈൻ നാസിം, പൊടിമോൾ എന്നിവർ ചേർന്ന് ഹുസൈൻ മാമയുടെ പേരിൽ കോടതിയിൽ നിന്നും ഗാർഡിയൻഷിപ്പ് എടുത്ത് എൻറെ മാതാപിതാക്കളുടെ സ്വത്തുക്കളും കാറ്ററിംഗ് ബിസിനസും കൈയടക്കി വെച്ചിരിക്കുന്നത്

ഇവരുടെ സാമ്പത്തിക ലാഭത്തിനുവേണ്ടി യത്തീമായ എൻറെ നിലവിലുള്ള എല്ലാ സമ്പത്തും യാതൊരു നാണവുമില്ലാതെ കയ്യടക്കി വെച്ചിരിക്കുകയാണ്. ബിസിനസ് നടത്തി അവർ അവരുടെ മക്കൾക്ക് എല്ലാ സൗകര്യങ്ങളും ചെയ്തു നൽകുമ്പോൾ ഞാൻ എൻറെ ചെറിയ ആവശ്യങ്ങൾ പോലും നിറവേറ്റാൻ കഴിയാതെ വിഷമിക്കുകയാണ്. ഹുസൈൻ മാമ ഗാർഡിയൻ ആയിരിക്കുന്നത് എനിക്ക് ഇഷ്ടമല്ല എന്നുള്ള ഒറ്റ കാരണത്താൽ എനിക്ക് ലഭിക്കേണ്ട വിദ്യാഭ്യാസ ചെലവ് പോലും ഇപ്പോൾ ലഭിക്കുന്നില്ല. കാറ്ററിങ്ങിൽ നിന്നും ലക്ഷങ്ങൾ സമ്പാദിച്ച ഇവരുടെ സ്വന്തം പിള്ളേരുടെ സ്കൂൾ ചെലവുകൾ നോക്കുമ്പോൾ എന്നെ ഫ്രീയായി സ്കൂളിൽ പഠിപ്പിക്കണം എന്ന് പറഞ്ഞു സ്കൂളിൽ കയറിയിറങ്ങുന്നു. ഇങ്ങനെ വളർത്താൻ അല്ല എൻറെ മാതാപിതാക്കൾ ആഗ്രഹിച്ചിരുന്നത്. അവർ ഇത് കൈകാര്യം ചെയ്യുന്നത് ഭാവിയിൽ എൻറെ എല്ലാ നഷ്ടപ്പെടുത്തലിലേക്കും എത്തിച്ചേരും

എൻറെ ഒരു അനുവാദവും ഇല്ലാതെ എന്നെ നോക്കാതെ എന്നെ പരസ്യം ചെയ്തു പോലും അവർ കച്ചവടം നടത്തുന്നുണ്ട്. എനിക്ക് എൻറെ വാപ്പയുടെ എല്ലാമായ കാറ്ററിങ് സംരക്ഷിക്കേണ്ടത് ആവശ്യമാണ്. എനിക്കും ആ വഴി തന്നെ മുന്നോട്ടു പോകണം. അതുകൊണ്ട് ഇവർ കാണിക്കുന്ന കള്ളത്തരത്തിനെതിരെ ഞാൻ പരാതി നൽകിയിട്ടുണ്ട്. ഇൻഷാ അള്ളാ എനിക്ക് നീതി കിട്ടും. എനിക്ക് ആഹാരം വാങ്ങി തന്നിട്ട് എന്റെ കുഞ്ഞമ്മ ആയ പൊടിമോൾ അതൊക്കെ എന്റെയും വാപ്പയുടെയും ചെലവിൽ കണക്കെഴുതി വെച്ചിട്ട് എൻറെ ഫോട്ടോ വെച്ച് സ്വയം പ്രമോഷൻ ചെയ്യുന്ന പരിപാടിയാണ് ഇപ്പോൾ നിലവിലുള്ളത്. ഇപ്പോൾ എല്ലാം കയ്യടക്കാൻ ആളുകളെ വിളിച്ച് ഫുഡും കൊടുത്തു എന്റെ വാപ്പയ്ക്ക് ഒന്നുമില്ല എന്ന് പറഞ്ഞു കൊടുത്താൽ നടക്കുമെന്ന് മോഹം വേണ്ട. എൻറെ അടുത്തോ എൻറെ ഉമ്മയുടെയും വാപ്പയുടെയും അടുത്തോ നിങ്ങൾക്ക് യാതൊരു സ്ഥാനവുമില്ല എന്നാണ് നിശ്വ പങ്ക് വെച്ചിരിക്കുന്നത്.