Keralafox

മലയാളികളുടെ പ്രിയപ്പെട്ട നായകനാണ് വിജയരാഘവൻ. ഒട്ടനവധി നിരവധി മികച്ച ചിത്രങ്ങൾ മലയാളികൾക്ക് സമ്മാനിക്കുവാൻ താരത്തിന് സാധിച്ചിട്ടുണ്ട്. ഏതുതരം കഥാപാത്രമായാലും അത് വിജയരാഘവന്റെ കൈയിൽ ഭദ്രമാണ്. കാരണം മികവോടെയും ആ കഥാപാത്രത്തിന്റെ പക്വതയോടെയും കൂടിയാണ് താരം ഒരോ കഥാപാത്രങ്ങളും കൈകാര്യം ചെയ്യുന്നത്. അതെല്ലാം ഇരുകൈയും നീട്ടിയാണ് ആരാധകർ സ്വീകരിക്കുന്നത്. വിശ്വ കേരള കലാസമിതി എന്ന നാടക സാമ്രാജ്യത്തിലൂടെയാണ് താരം വളർന്നത് . അവിടെ നിന്നുമാണ് താരം സിനിമയിലേക്ക് അരങ്ങേറിയത്. ഇപ്പോൾ 73 വയസ്സുള്ള താരത്തെ പ്രായത്തെ തോൽപ്പിച്ച കാര്യത്തിൽ മറ്റൊരു മമ്മൂട്ടി ആണെന്നാണ് പലരും പറയുന്നത്. അഭിനയരംഗത്ത് താരം അര നൂറ്റാണ്ട് കടന്നിരിക്കുകയാണ്. ആനന്ദം എന്ന സിനിമയ്ക്ക് ശേഷം ഗണേഷ് സംവിധാനം ചെയ്ത പൂക്കാലം എന്ന സിനിമയിലാണ് താരം ഏറ്റവും അവസാനമായി അഭിനയിച്ചത്.

100 വയസ്സുള്ള ഇട്ടൂപ്പ് ചേട്ടൻ ആയിട്ടായിരുന്നു താരം അവതരിച്ചത്. വളരെ പ്രായമുള്ള കഥാപാത്രത്തെ അവതരിപ്പിക്കുന്നത് തൻറെ ഒരുപാട് നാളത്തെ ആഗ്രഹമായിരുന്നു എന്നാണ് ഒരു അഭിമുഖത്തിനിടയിൽ വിജയരാഘവൻ പറയുന്നത്. സുറുമയിട്ട കണ്ണുകൾ ആയിരുന്നു താരത്തിന്റെ ഏറ്റവും ആദ്യത്തെ സിനിമ. തൻറെ അച്ഛനാണ് തനിക്ക് നാടകങ്ങളിൽ അഭിനയിക്കുമ്പോൾ പൈസ തന്നിരുന്നത് എന്നും വിജയരാഘവൻ ഓർത്തെടുത്തു. ഇപ്പോഴിതാ അച്ഛനെയും അമ്മയുടെയും പ്രണയകഥ ഓർത്തെടുത്തിരിക്കുകയാണ് വിജയരാഘവൻ. നിമിഷ നേരം കൊണ്ടാണ് താരത്തിന്റെ ഈ വാക്കുകൾ സോഷ്യൽ മീഡിയയിൽ വൈറലായത്.”വിവാഹത്തിന് അമ്മയുടെ വീട്ടുകാർ എതിർത്തു. ജീവിതം തേടി 19 ആം വയസ്സിൽ അച്ഛൻ മലയായിലേക്ക് പോയി. അമ്മയോട് പോകുന്നതിനു മുൻപ് ഒരു വാക്ക് പറഞ്ഞിരുന്നു.”ചിന്നയെ ഞാൻ വിവാഹം കഴിക്കും.”

ഒരു വിവരവും പിന്നെ ഇല്ല. രണ്ടാം ലോകമഹായുദ്ധത്തിൽ അച്ഛൻ മരിച്ചുപോയി എന്ന വാർത്ത നാട്ടിൽ ആകെ പരന്നു. പക്ഷേ അമ്മ കാത്തിരുന്നു. മറ്റൊരു വിവാഹം കഴിക്കുവാൻ വേണ്ടി വീട്ടുകാർ നിർബന്ധിച്ചപ്പോൾ അമ്മ മുടി മുറിച്ചു കളഞ്ഞു. അമ്മ കാത്തിരിക്കുന്നുണ്ടെന്ന് വർഷങ്ങൾ കഴിഞ്ഞപ്പോൾ അച്ഛൻ അറിഞ്ഞു. അങ്ങനെയാണ് അച്ഛൻ നാട്ടിലേക്ക് എത്തിയത്. അമ്മ മരിച്ചപ്പോൾ 21 ദിവസത്തോളം അച്ഛൻ തുടർച്ചയായി മദ്യപിച്ചു. ആഹാരം പോലും കഴിക്കാതെ മുകളിലെ മുറിയിൽ ഒറ്റയ്ക്ക് കിടന്നു. കൊച്ചുകുട്ടികളെ പോലെ ഉറക്കത്തിൽ എങ്ങലടിക്കും. അമ്മയോടുള്ള സ്നേഹം അന്നാണ് തിരിച്ചറിഞ്ഞത്. അത്ര പ്രണയമുള്ള രണ്ടുപേരുടെ മകനായി ജനിച്ചത് മഹാഭാഗ്യം അല്ലേ.”-വിജയരാഘവൻ പറഞ്ഞു.