ഞങ്ങളിപ്പോഴും നല്ല സുഹൃത്തുക്കൾ, ദിയയ്‌ക്കൊപ്പമുള്ള ഫോട്ടോ പങ്കുവെച്ച് വൈഷ്ണവ്; ഇരുവരും വീണ്ടും ഒന്നിച്ചോയെന്ന് ആരാധകർ
അഭിനയവും ഡാന്‍സുമൊക്കെയായി സജീവമാണ് വൈഷ്ണവ് ഹരിചന്ദ്രന്‍. കൃഷ്ണകുമാറിന്റെ മകളായ ദിയ കൃഷ്ണയും വൈഷ്ണവും ഒന്നിച്ചുള്ള ഡാന്‍സ് വീഡിയോകളെല്ലാം വൈറലായിരുന്നു. ഇരുവരും പ്രണയത്തിലായിരുന്നുവെങ്കിലും അടുത്തിടെ ബ്രേക്കപ്പായെന്നുള്ള വിവരങ്ങള്‍ പുറത്ത് വന്നിരുന്നു. ദിയയുടെ തുറന്നുപറച്ചിലുകള്‍ ചര്‍ച്ചയായിരുന്നു. വൈഷ്ണവും ദിയയും ഒന്നിച്ചുള്ള ചിത്രം വൈറലായിക്കൊണ്ടിരിക്കുകയാണിപ്പോള്‍. ഇൻസ്റ്റാഗ്രാം സ്‌റ്റോറിയിലൂടെയാണ് വൈഷ്ണവ് ദിയയ്ക്കും അശ്വിനുമൊപ്പമുള്ള ചിത്രം പങ്കിട്ടത്.
ദിയയും വൈഷ്ണവും വീണ്ടും ഒന്നിച്ചോയെന്നാണ് ആരാധകരുടെ ചോദ്യങ്ങള്‍. കഴിഞ്ഞ ദിവസത്തെ വൈഷ്ണവിന്റെ ഇന്‍സ്റ്റഗ്രാം സ്‌റ്റോറി വൈറലായതോടെയാണ് ചര്‍ച്ചകളും തുടങ്ങിയത്. ഞാന്‍ അലമ്പനാണ്, പക്ഷേ, ആരേയും പറഞ്ഞ് പറ്റിക്കില്ല, ചതിക്കില്ല, ഇപ്പോള്‍ വിശ്വസമായില്ലേ എന്ന മോഹന്‍ലാലിന്റെ ഡയലോഗും വൈഷ്ണവ് പങ്കിട്ടിരുന്നു.
ദിയയാണ് തന്നെ സോഷ്യല്‍മീഡിയ ഇന്‍ഫ്‌ളുവന്‍സറാവാന്‍ സഹായിച്ചതെന്ന് മുന്‍പ് വൈഷ്ണവ് പറഞ്ഞിരുന്നു. ഞങ്ങള്‍ക്കിടയില്‍ പ്രശ്‌നങ്ങളൊന്നുമല്ല. ഇപ്പോഴും സൗഹൃദം തുടരുന്നുണ്ട്. കമന്റുകളിലൂടെയായി ഒരുപാട് പേര്‍ എന്താണ് സംഭവിച്ചതെന്ന് ചോദിച്ചിരുന്നു. ഞങ്ങള്‍ക്കില്ലാത്ത പ്രശ്‌നമാണ് പലര്‍ക്കും. സുഹൃത്തിന്റെ യൂട്യൂബ് ചാനലിലൂടെയായാണ് വൈഷ്ണവ് കാര്യങ്ങളെക്കുറിച്ച് വിശദീകരിച്ചത്.
ടോം ജെറിയെപ്പോലെയാണ് ഞാനും ദിയയും. പുറത്തൊക്കെ വെച്ച് കണ്ടാല്‍ ഇപ്പോഴും സംസാരിക്കാറുണ്ട്. സോഷ്യല്‍മീഡിയയിലൂടെയായി ഞങ്ങളെക്കുറിച്ച് പലതും പ്രചരിപ്പിക്കുന്നത് കാണുന്നുണ്ട്. അതേക്കുറിച്ചൊന്നും ഞങ്ങള്‍ പ്രതികരിക്കാറില്ല. ഞങ്ങള്‍ ഒന്നിച്ചെടുത്ത തീരുമാനമാണ് ഇതെന്നും വൈഷ്ണവ് വ്യക്തമാക്കിയിരുന്നു.
ഞാനിപ്പോള്‍ സിംഗിളാണ്. സ്വന്തം വീട്ടുകാരെയല്ലാതെ വേറാരെയും ജീവിതത്തില്‍ വിശ്വസിക്കരുതെന്നായിരുന്നു ദിയ പറഞ്ഞത്. ആരെയാണ് ഇപ്പോള്‍ ചെയ്യുന്നതെന്ന് ചോദിച്ചപ്പോഴാണ് ഞാന്‍ സിംഗിളാണെന്ന് പറഞ്ഞത്. ഇതോടെയായിരുന്നു ദിയയും വൈഷ്ണവും ബ്രേക്കപ്പായെന്ന ചര്‍ച്ച സജീവമായത്. ഇപ്പോഴത്തെ ജീവിതത്തില്‍ താന്‍ ഹാപ്പിയാണെന്നും ദിയ വ്യക്തമാക്കിയിരുന്നു.
