Keralafox

ഇതുവരെ കഴിഞ്ഞതിൽ നിന്നും വളരെയധികം ആളുകൾക്ക് വേദനയുണ്ടാക്കിയ ഒരു സീസൺ തന്നെയാണ് ബിഗ് ബോസ് മലയാളം സീസൺ അഞ്ചിന്റേത്. കഴിഞ്ഞ സീസൺ വളരെ ആവേശകരമായി അവസാനിപ്പിച്ചപ്പോൾ ആ വീറും വാശിയും കാത്തുസൂക്ഷിക്കാൻ സീസൺ ഫൈവിന് കഴിയുമെന്നായിരുന്നു പ്രേക്ഷകരിൽ അധികവും പേർ കരുതിയിരുന്നത്. റോബിൻ, ദിൽഷ, ബ്ലെസ്ലി അടക്കമുള്ള താരങ്ങളെല്ലാം പ്രേക്ഷകർക്ക് പ്രിയങ്കരരായി മാറിയപ്പോൾ തന്നെ സീസൺ ഫൈവിനെപ്പറ്റിയും ഏറെ പ്രതീക്ഷകൾ പ്രേക്ഷകർക്കും സോഷ്യൽ മീഡിയയ്ക്കും ഉണ്ടായിരുന്നു. അതുകൊണ്ടുതന്നെ സീസൺ ഫൈവ് എത്തുന്നതിനു മുൻപേ തന്നെ ബിഗ് ബോസ് ഹൗസിലേക്ക് എത്താൻ സാധ്യതയുള്ള മത്സരാർത്ഥികളുടെ നീണ്ട നിരയും പുറത്തുവന്നിരുന്നു.

വീറും വാശിയും അതുപോലെ സോഷ്യൽ മീഡിയയ്ക്ക് സുപരിചിതരമായ താരങ്ങളുടെ പേരായിരുന്നു പലപ്പോഴും പ്രഡിക്ഷൻ ലിസ്റ്റിൽ ഉണ്ടായിരുന്നത്. പ്രെഡിക്ഷൻ ലിസ്റ്റ് പോലെ ചിലതാരങ്ങൾ ബിഗ് ബോസ് ഹൗസിലേക്ക് എത്തി. അതിൽ ഒരാളാണ് അഖിൽ മാരാർ. നിലവിൽ ബിഗ് ബോസ് സീസൺ അഞ്ചിലെ ശക്തമായ മത്സരം കാഴ്ചവയ്ക്കുന്ന മത്സരാർത്ഥികളിൽ ഒരാൾ അഖിൽ തന്നെയാണ്. കൂടുതൽ മത്സരാർത്ഥികളും സേഫ് ഗെയിം ആണ് ഇത്തവണ ഹൗസിനുള്ളിൽ കാഴ്ചവയ്ക്കുന്നത്. പലർക്കും സ്വന്തം നിലപാടും മുഖവും വെളിപ്പെടുത്തുവാൻ താല്പര്യമില്ല. ജുനൈസിനും സാഗറിനും എതിരെ രൂക്ഷ വിമർശനം ഒരുഭാഗത്ത് നടക്കുന്നുണ്ട് എന്നതും വാസ്തവമാണ്. ഈ സാഹചര്യത്തിൽ ഹൗസിനുള്ളിൽ ചില കണ്ടന്റുകൾ ഇട്ടു നൽകിയ താരങ്ങളായിരുന്നു എയ്ഞ്ചലിനയും ഗോപികയും.

എന്നാൽ ഇവരും മത്സരത്തിൽ നിന്ന് പുറത്തായതോടെ കണ്ടെന്റിന് ശരിക്കും ദാരിദ്ര്യം തന്നെയാണ് ബിഗ് ബോസ് ഹൗസിനുള്ളിൽ ഇപ്പോൾ ഉള്ളത്. വൈൽഡ് കാർഡ് എൻട്രിയിലൂടെ ഹനാനും ഒമർ ലുലുവും ഹൗസിനുള്ളിലേക്ക് പ്രവേശിച്ചപ്പോഴും പ്രേക്ഷകർക്ക് പ്രതീക്ഷയ്ക്ക് കുറവുണ്ടായിരുന്നില്ല. ഹനാൻ എത്തിയ അന്നുമുതൽ തന്നെ ബിഗ് ബോസിന്റെ എപ്പിസോഡുകൾ കാണുവാൻ ഒരു പ്രത്യേക ആവേശം തന്നെ പ്രേക്ഷകർക്കുണ്ടായിരുന്നു. എന്നാൽ ചില ആരോഗ്യ പ്രശ്നങ്ങളെ തുടർന്ന് ഹനാൻ പുറത്തുപോയപ്പോൾ പിന്നീട് ഉള്ള പ്രതീക്ഷ ഒമർ ലുലുവിൽ ആയിരുന്നു. എന്നാൽ പ്രേക്ഷകരുടെ പ്രതീക്ഷയൊക്കെ അസ്ഥാനത്താക്കിക്കൊണ്ട് കളിക്കുകയാണ് ഒമർ ലുലുവും. ഈ സാഹചര്യത്തിൽ ഇത്തവണ വൈൽഡ് കാർഡ് എൻട്രിയിലൂടെ ബിഗ് ബോസ് ഹൗസിനുള്ളിലേക്ക് എത്തുന്നത് അനു ആയിരിക്കും എന്ന് ചില റിപ്പോർട്ടുകൾ പുറത്തുവരുന്നുണ്ട്.

മിനിസ്ക്രീൻ പ്രേക്ഷകർക്ക് സുപരിചിതയാണ് അനു. നിലവിൽ ബ്ലോഗർ കൂടിയായി അറിയപ്പെടുന്ന അനു പല കാര്യങ്ങളിലും തൻറെ ശക്തമായ നിലപാട് തുറന്നു പറയാറുണ്ട്. അതുകൊണ്ടുതന്നെ അനു എത്തിയാൽ ചിലരുടെയൊക്കെ മുഖംമൂടി വലിച്ച് കീറാൻ കഴിയും എന്നാണ് പ്രേക്ഷകർ പറയുന്നത്. അതേസമയം തന്നെ ബിഗ് ബോസിനുള്ളിൽ ഇപ്പോൾ നടക്കുന്ന കണ്ടന്റ് ദാരിദ്ര്യത്തിനും ഷോയുടെ ഈ ശോകം അവസ്ഥ കാരണം റോബിന്റെ ശാപം ആണെന്നും ചില പ്രേക്ഷകർ തമാശയായി പറയുന്നു.