പാപ്പു എൻ്റെ മകളാണ്, ഞാനാണ് അച്ഛൻ, അത് ഈ ലോകത്ത് ആർക്കും മാറ്റാൻ പറ്റില്ല, ദൈവത്തിന് പോലും അവകാശമില്ല ഒരു അച്ഛനെയും മകളെയും പിരിക്കാൻ; ബാല
മലയാളിയല്ലെങ്കിലും മലയാളികളുടെ പ്രീയപ്പെട്ട താരമാണ് ബാല, നടന്റെ സുഹൃത്തും ഡോക്ടറുമായ എലിസബത്തിനെയാണ് ബാല അമൃത സുരേഷുമുള്ള ബന്ധം വേർപെടുത്തിയ ശേഷം വിവാഹം കഴിച്ചത്. അടുത്തിടെയാണ് കരൾ മാറ്റ ശസ്ത്രക്രിയയിലൂടെ ബാല ആരോഗ്യം തിരികെ നേടിയെടുത്തത്. ഗുരുതരവാസ്ഥയിലായിരുന്ന ബാല ഒരു മാസക്കാലം ആശുപത്രിയിലായിരുന്നു. തന്റെ വിശേഷങ്ങളെല്ലാം ബാല സോഷ്യൽ മീഡിയയിലൂടെ പങ്കിടാറുണ്ട്.
മുൻ ഭാര്യയും ഗായികയുമായ അമൃത സുരേഷിനും തനിക്കുമിടയിലെ ബന്ധം മകൾ പാപ്പുമാത്രമാണെന്ന് പറയുകയാണ് താരം. ‘പാപ്പു എന്റെ മകളാണ്, ഞാനാണ് അച്ഛൻ. അത് ഈ ലോകത്ത് ആർക്കും മാറ്റാൻ പറ്റില്ല’,ബാല പറഞ്ഞു. ബാക്കിയുള്ളതൊക്കെ അവരവരുടെ കാര്യങ്ങളാണെന്നും നല്ലത് ചെയ്താൽ നല്ലതെന്ന് പറയുമെന്നുമാണ് ബാലയുടെ പ്രതികരണം.
ഗോപി സുന്ദർ – അമൃത സുരേഷ് ബന്ധം പിരിയുന്നതായുള്ള വാർത്തകൾ ഉയർന്നു കേട്ടപ്പോൾ ബാലയുടെ പേരും പരാമർശിക്കപ്പെട്ടതിനെക്കുറിച്ച്‌ ചോദിച്ചപ്പോഴായിരുന്നു മറുപടി. ഈ വിഷയവുമായി ബന്ധപ്പെട്ടുണ്ടായ ചർച്ചകളെക്കുറിച്ച്‌ തനിക്ക് എങ്ങനെ പറയാനാകും എന്നാണ് ബാല പറഞ്ഞത്. മകളെക്കുറിച്ച് താരം പങ്കുവച്ചത് ഇങ്ങനെ, ‘ ഒരു കാര്യം വ്യക്തമായി പറയാം, എനിക്കും അമൃതയ്ക്കും ഇടയിലെ ബന്ധം എന്നുപറയുന്നത് പാപ്പു മാത്രമാണ്.
എന്റെ മകൾ, ഞാനാണ് അച്ഛൻ. അത് ഈ ലോകത്ത് ആർക്കും മാറ്റാൻ പറ്റില്ല. എന്നെ കാണിക്കുന്നുണ്ടോ, കാണിക്കുന്നുല്ലേ എന്നതൊന്നുമല്ല, പാപ്പു എന്റെ മകൾ തന്നെയാണ്. ദൈവത്തിന് പോലും അവകാശമില്ല ഒരു അച്ഛനെയും മകളെയും പിരിക്കാൻ. ആ ഒരു കാര്യത്തിൽ മാത്രമാണ് ഒരു ചെറിയ ബന്ധമുള്ളത്. ബാക്കിയുള്ളതൊക്കെ അവരവരുടെ കാര്യങ്ങളാണ്. അന്നും ഇന്നും എല്ലാ കാര്യത്തിലും നല്ലത് ചെയ്താൽ നല്ലതെന്ന് പറയും. ചീത്ത ചെയ്താൽ കിട്ടുമെന്നും ബാല പറഞ്ഞു.
