Keralafox

ടെലിവിഷൻ രംഗത്തെ പ്രേക്ഷകർക്ക് എല്ലാം പരിചിതമായ മുഖം ആണ് എലീന പടിക്കലിന്റെ. അവതാരികയായി മാത്രമായിരുന്നില്ല താരം തിളങ്ങിയിട്ടുള്ളത്. എഷ്യാനെറ്റിലെ പരമ്പരയിൽ തന്നെ താരം എത്തിയിട്ടുണ്ട്. ഭാര്യ എന്ന സീരിയലിലെ വില്ലത്തി കഥാപാത്രത്തെ അത്രപെട്ടെന്നൊന്നും ആർക്കും മറക്കാൻ സാധിക്കില്ല. അതിമനോഹരമായ ഒരു വേഷം വളരെ പക്വതയോടെ തന്നെ കൈകാര്യം ചെയ്യുവാൻ താരത്തിന് സാധിച്ചിരുന്നു എന്നതാണ് സത്യം. ബിഗ് ബോസ് റിയാലിറ്റി ഷോയിലും താരം മത്സരാർത്ഥിയായി എത്തിയിരുന്നു . അടുത്ത കാലത്തായിരുന്നു താരം വിവാഹിതയായിരുന്നത്.

സ്വന്തമായി യൂട്യൂബ് ചാനലും താരത്തിന് ഉണ്ട്. തന്റെ വിശേഷങ്ങളൊക്കെ യൂട്യൂബ് ചാനലിലൂടെ പ്രേക്ഷകരെ അറിയിക്കാറുണ്ട് താരം. സോഷ്യൽ മീഡിയയിൽ സജീവ സാന്നിധ്യം തന്നെയാണ് താരം എന്ന് പറയേണ്ടിയിരിക്കുന്നു. വിവാഹജീവിതം പിന്നിട്ടു ഒരു വർഷം കഴിഞ്ഞപ്പോൾ അതിനെ കുറിച്ചുള്ള ഒരു പോസ്റ്റ് ആണ് താരം പങ്കുവച്ചിരിക്കുന്നത്. ഇതാണ് ഇപ്പോൾ ശ്രെദ്ധ നേടിക്കൊണ്ടിരിക്കുന്നത്. 2021 ആഗസ്റ്റ് 30 നായിരുന്നു എലീനയും രോഹിതും തമ്മിൽ വിവാഹിതരായത്. വളരെയധികം വാർത്താപ്രാധാന്യം നേടിയ ഒരു വിവാഹം തന്നെയായിരുന്നു ഇവരുടെ. 365 ദിവസത്തെ സന്തോഷകരമായ വിവാഹ ജീവിതത്തെക്കുറിച്ച് വാചാലയാകുന്നുണ്ട് താരം.

365 ദിവസത്തെ സന്തോഷകരമായ വിവാഹ ജീവിതം, ഹാപ്പി ഫസ്റ്റ് ആനിവേഴ്സറി എന്നാണ് ഇൻസ്റ്റഗ്രാമിൽ ആരാധകർക്ക് മുൻപിൽ ഒരു കുറിപ്പായി താരം പങ്കുവെച്ചിരിക്കുന്നത്. ഞങ്ങളിരുവരും സുരക്ഷിതരും സന്തോഷം ഉള്ളവരും ആണെന്ന് നിങ്ങളെ അറിയിക്കുന്നു. സുഹൃത്തുക്കളും ആരാധകരും ഒക്കെ നിരവധി കമന്റുകളുമായി എത്തിയിട്ടുണ്ട്. മികച്ച ആശംസകൾ ആണ് തരത്തിന്റെ സുഹൃത്തുക്കൾ നൽകിയിരിക്കുന്നത്. ആരാധകരും ഇവർക്ക് ആശംസകൾ അറിയിച്ചിട്ടുണ്ട്.

ബിഗ് ബോസ് മത്സരാർത്ഥിയായി എത്തിയ സമയത്ത് തന്നെ തന്റെ പ്രണയത്തെ കുറിച്ച് എലീന തുറന്നു പറഞ്ഞിട്ടുണ്ടായിരുന്നു. വീട്ടുകാർ വിവാഹത്തിന് സമ്മതിക്കുന്നില്ല എന്നും എന്നാൽ വീട്ടുകാരുടെ സമ്മതത്തോടെ മാത്രമേ തങ്ങൾ ഒന്നു ചേരു എന്നുമായിരുന്നു പറഞ്ഞിരുന്നത്. താൻ പ്രണയിക്കുന്ന ആൾ കോഴിക്കോട്ടുകാരൻ ആണ് എന്നും തന്നെപ്പോലെ തന്നെ വീട്ടിൽ ഒറ്റ കുട്ടിയാണെന്നും ഒക്കെ തന്നെ താരം വെളിപ്പെടുത്തിയിരുന്നു. ബാംഗ്ലൂരിൽ വച്ച് ആയിരുന്നു ഇരുവരും തമ്മിൽ കാണുന്നത് എന്നും, ആ സൗഹൃദം പ്രണയത്തിലേക്ക് വഴിമാറുകയായിരുന്നു എന്നും ഏറെ നാളത്തെ കാത്തിരിപ്പിന് ശേഷമാണ് വീട്ടുകാർ ഇവരുടെ വിവാഹത്തിന് സമ്മതം മൂളിയത് എന്നുമൊക്കെ പിന്നീട് ഒരു അഭിമുഖത്തിൽ പറഞ്ഞിരുന്നു.

വിവാഹശേഷം യാത്രകൾക്ക് പ്രാധാന്യം നൽകുവാൻ ആയിരുന്നു രണ്ടുപേരും തീരുമാനിച്ചിരുന്നത്. ഇപ്പോഴും അവതരണ രംഗത്ത് സജീവ സാന്നിധ്യമാണ് താരം. വിവാഹ ശേഷം താരം ഗർഭിണിയാണ് എന്ന തരത്തിലുള്ള വാർത്തകളൊക്കെ തന്നെ പ്രചരിച്ചിരുന്നു. അപ്പോഴൊക്കെ താരം പറഞ്ഞിരുന്നത് തങ്ങൾ കുഞ്ഞുങ്ങളെ കുറിച്ച് ചിന്തിക്കുന്നതതെ ഉള്ളൂ എന്നാണ്. സോഷ്യൽ മീഡിയയിൽ സജീവമായ താരം തന്റെ പുതിയ വിശേഷങ്ങൾ എല്ലാം തന്നെ ആരാധകരെ അറിയിക്കാറുണ്ട്. ഇടയ്ക്ക് ചോദ്യോത്തര വേളകളിലൂടെ ആരാധകർക്കിടയിലേക്ക് താരം എത്തുകയും ചെയ്യാറുണ്ട്.