ജീവിതം അവസാനിപ്പിക്കാൻ തീരുമാനിച്ചപ്പോൾ തന്നെ ജീവിതത്തിലേക്ക് തിരികെ കൊണ്ട് വന്നവൾ; മകളുടെ ജന്മദിനത്തില് വികാരനിര്ഭരമായ വാക്കുകളുമായി നടി ആര്യ
നടിയായും അവതാരികയായും മിനി സ്ക്രീനിലും ബിഗ് സ്ക്രീനിലും ഒരുപോലെ തിളങ്ങുകയാണ് ആര്യയിപ്പോള്. ബിഗ് ബോസ് സീസണ് 2 വിലും മികച്ച പ്രകടനമാണ് താരം കാഴ്ചവെച്ചിരുന്നത്. സമൂഹ മാധ്യമങ്ങളിലും സജീവമാണ് താരം. തന്റെ മകളായ റോയയ്ക്കൊപ്പമുള്ള വീഡിയോകളും പലപ്പോഴും പങ്കുവെയ്ക്കാറുണ്ട്. ഇപ്പോഴിതാ, മകള് റോയയുടെ ജന്മ ദിനത്തില് വികാര നിര്ഭരമായ കുറിപ്പ് പങ്കുവെച്ചിരിക്കുകയാണ് ആര്യ. പത്താം ജന്മദിനമാണ് റോയയുടേത്. എല്ലാം അവസാനിപ്പിക്കാന് തോന്നിയപ്പോഴും മുന്നോട്ട് നയിച്ചതിനും എല്ലാ തടസ്സങ്ങളെയും അതിജീവിച്ചതിനും ഏക കാരണം റോയാണെന്ന് കുറിപ്പില് പറയുന്നു. വളരെ ചെറുപ്പത്തിലേ അമ്മയാകേണ്ടി വന്നപ്പോള് താന് നേരിട്ട പ്രതിസന്ധികളെക്കുറിച്ചും ആര്യ കുറിപ്പിലൂടെ പങ്കുവെയ്ക്കുന്നുണ്ട്. റോയയ്ക്ക് വേണ്ടിയാണ് ജീവിക്കുന്നതെന്നും തന്റെ ജീിതത്തിലേക്ക് വന്നതിന് ഹൃദയത്തില് നിന്ന് മകള്ക്ക് നന്ദി പറയുന്നുവെന്നും താരം കുറിക്കുന്നു.
കുറിപ്പിന്റെ പൂര്ണ്ണരൂപം വായിക്കാം; 18 ഫെബ്രുവരി 2012…എന്റെ ജീവിതം മാറ്റിമറിച്ച ദിവസം. 21 വയസിൽ ഞാൻ അമ്മയായപ്പോൾ മാതൃത്വത്തെക്കുറിച്ച് ഒരു ധാരണയും എനിക്കുണ്ടായിരുന്നില്ല. ഇനി എന്താണ്പോ സംഭവിക്കാൻ പോകുന്നതെന്ന ഭയമുണ്ടായിരുന്നു. പക്ഷേ…ഈ ജീവിതത്തിൽ എനിക്ക് സംഭവിച്ചേക്കാവുന്ന ഏറ്റവും അത്ഭുതകരമായ കാര്യം ഞാൻ കണ്ടെത്തി.ഇന്ന് അവൾക്ക് പത്ത് വയസായി..പത്ത് വർഷം..എന്റെ കുഞ്ഞ് ഇപ്പോൾ ഒരു മുതിർന്ന പെൺകുട്ടിയാണെന്ന് എനിക്ക് സങ്കൽപ്പിക്കാൻ കഴിയുന്നില്ല, കൂടുതൽ വിവേകവും പക്വതയുമുള്ള അമ്മയായി അല്ലെങ്കിൽ ഒരു വ്യക്തിയായി ഞാൻ വളർന്നു. അതിന് പിന്നിലെ ഒരേയൊരു കാരണം അവളാണ്.