Keralafox

കേരളക്കരയെ ആകെ വിഷമത്തിൽ ആക്കിയ സംഭവമായിരുന്നു കൊല്ലം സുധിയുടെ മരണം.സുധിയുടെ മരണത്തിനിടയാക്കിയ വാഹനാപകടത്തിൽ മഹേഷ് കുഞ്ഞുമോനും ഗുരുതരമായി പരിക്കേറ്റിരുന്നു. പിൻസീറ്റിൽ ഇരുന്ന് ഉറങ്ങുകയായിരുന്നു അപകടം നടക്കുമ്പോൾ മഹേഷ്. സംഭവത്തിൽ നടൻ ബിനു അടിമാലിക്കും പരിക്കേറ്റിരുന്നു.

മഹേഷിന്റെ മുഖത്തും, തലയിലും താടി എല്ലുകൾക്കും ഒക്കെ പരിക്കേറ്റതിനാൽ ഭക്ഷണം കഴിക്കാനോ വായ തുറക്കാനോ ഒന്നും സാധ്യമല്ലാത്ത അവസ്ഥയിലായിരുന്നു. ഇടിയുടെ ആഘാതത്തിൽ സീറ്റിൽ ഇടിച്ച് മുൻനിരയിലെ പല്ലുകൾ ഒക്കെ നഷ്ടമായി. സർജറികൾ ഒരുപാട് ചെയ്തതിനുശേഷം ആണ് താരത്തിന്റെ മുഖം പഴയ രീതിയിലേക്ക് തിരികെ ലഭിച്ചത്. മഹേഷ് ജീവിതം ഒന്ന് കരുപ്പിടിപ്പിച്ചു വരുന്നതിനിടയിലാണ് ഇങ്ങനെ ഒരു വിഷമം ഈ കലാകാരനു നേരിടേണ്ടി വന്നത്.

മഹേഷ് കുഞ്ഞുമോനെ കാണാൻ കെ ബി ഗണേഷ് കുമാർ എത്തിയതിന്റെ വീഡിയോയാണ് ഇപ്പോൾ ഏറെ ശ്രദ്ധ നേടിക്കൊണ്ടിരിക്കുന്നത്. താൻ മഹേഷിന്റെ പ്രകടനം കണ്ട് പലപ്പോഴും അത്ഭുതപ്പെട്ടിട്ടുണ്ട്, എന്നും തന്റെ ശബ്ദം അനുകരിക്കുന്ന വളരെ കുറച്ചു കലാകാരന്മാരിൽ ഒരാളാണ് മഹേഷ് എന്നും ഗണേഷ് പറയുന്നു.

മഹേഷിന്റെ ചികിത്സയ്ക്കായി എന്ത് സഹായവും ചെയ്യുമെന്ന് ഗണേഷ് ഉറപ്പു കൊടുത്തു. പല്ലിന്റെ ചികിത്സ ചെയ്യണമെങ്കിൽ അസ്ഥി ഉറക്കാൻ ഉണ്ട്. ലിക്വിഡ് ഭക്ഷണം മാത്രമേ ഇപ്പോൾ മഹേഷിന് കഴിക്കാൻ സാധിക്കുകയുള്ളൂ. പ്രോഗ്രാമുകൾ കിട്ടിത്തുടങ്ങിയിട്ട് ഇപ്പോൾ ഒരു വർഷമേ ആയിട്ടുള്ളൂ എന്നും വരുമാനം ലഭിക്കാൻ തുടങ്ങിയതേയുള്ളൂ എന്നും തനിക്ക് കിട്ടിയ സേവിങ്സ് ഒക്കെ വെച്ച് ഒരു വീട് പണിയണമെന്ന് സ്വപ്നവും ഉണ്ടായിരുന്നുവെന്ന് മഹേഷ് ഗണേഷ് കുമാറിനോട് പറഞ്ഞു.

‘ഒന്നുകൊണ്ടും പേടിക്കേണ്ട, എന്ത് ആവശ്യത്തിനും ഞാനുണ്ട്. ഒരു ചേട്ടനോട് ചോദിക്കുന്നത് പോലെ എന്നോട് ചോദിക്കാം. ഞാന്‍ ഡോക്ടര്‍മാരോട് സംസാരിക്കുന്നുണ്ട്. എത്ര വലിയ തുക ചെലവാകുന്ന ചികിത്സ ആണെങ്കിലും നമുക്ക് ചെയ്യാം. സാമ്പത്തികം ഓര്‍ത്ത് നിങ്ങള്‍ ബുദ്ധിമുട്ടേണ്ട. അതെല്ലാം ഞാനേറ്റു..’ മഹേഷിനെ ചേര്‍ത്തുപിടിച്ച് ഗണേഷ് കുമാര്‍ പറഞ്ഞു.

ഇങ്ങനെ ഒരു കലാകാരന് സഹായം വേണ്ടപ്പോൾ എത്തേണ്ടത് തന്റെ കടമ ആണെന്നാണ് ഗണേഷ് കുമാർ മഹേഷ്നോട് പറഞ്ഞത്. തനിക്ക് ഏറെ പ്രിയപ്പെട്ട കലാകാരൻ ആയതിനാൽ എവിടെ കൊണ്ടുപോയിട്ടാണെങ്കിലും മഹേഷിനെ പഴയ രീതിയിലേക്ക് തിരിച്ചുകൊണ്ടുവരുമെന്ന് പൂർണ ഉറപ്പ് നൽകിയാണ് ഗണേഷ് കുമാർ അവിടെ നിന്നും മടങ്ങിയത്.

പല്ലിനെ കുറിച്ച് ഒന്നും വിഷമിക്കേണ്ട ആവശ്യമില്ല. അത് എവിടെ കൊണ്ടുപോയിട്ടാണെങ്കിലും ഞാൻ ശരിയാക്കി തരും എന്നും, പണത്തെക്കുറിച്ച് ഒന്നും ചിന്തിക്കേണ്ട എന്നും സമാധാനമായിട്ട് ഇരിക്കൂ എല്ലാം ഞാൻ ഏറ്റു. എന്നെ അനുകരിക്കുന്ന നല്ലൊരു കലാകാരനാണ് മഹേഷ്. മഹേഷിനെ ഏറ്റവും നല്ല ചികിത്സ തന്നെ ഞാൻ കൊടുക്കും. മുഖ്യമന്ത്രിയോട് ഈ വിഷയത്തെ കുറിച്ച് സംസാരിക്കും എന്നും ഗണേഷ് കുമാർ വാക്കു പറഞ്ഞു.