ആരാധനമൂത്ത് പലരും ലാലിനെ ബ്ലേഡ് കൊണ്ട് വരഞ്ഞിട്ടുണ്ട്, ലാൽ കൈവലിക്കുന്നതെല്ലാം ഞാൻ കണ്ടിട്ടുണ്ട്, കുരുക്ഷേത്രയുടെ ഷൂട്ട് കഴിഞ്ഞ് കാർഗിലിൽ നിന്നും വരുന്ന വഴി ചായ കുടിക്കാനിറങ്ങി: മേജർ രവി പറയുന്നു
മോഹൻലാലിനോടുള്ള ആരാധനമൂത്ത് പലരും അദ്ദേഹത്തെ ബ്ലേഡ് വച്ച് വരഞ്ഞിട്ടുണ്ടെന്ന് മേജർ രവി. ഷേക്ക് ഹാൻഡ് കൊടുക്കുമ്പോൾ ബ്ലേഡ് വച്ച് വരയും. അതുകൊണ്ടാണ് പല അഭിനേതാക്കളും ആരാധകരിൽ നിന്നും കൈവലിക്കുന്നത് എന്നാണ് മേജർ രവി ഇപ്പോൾ പറയുന്നത്.
നമ്മൾ ചിലപ്പോൾ താരങ്ങൾക്ക് ജാഡയാണെന്ന് പറയും. എന്നാൽ എത്രയോ പേർ ലാലിനെ ബ്ലേഡ് വച്ച് വരഞ്ഞിട്ടുണ്ട്. അറിയുന്നവർ. അദ്ദേഹത്തോടുള്ള ആരാധനമൂത്തിട്ട് എന്തെങ്കിലും ഒരു ശ്രദ്ധകിട്ടാൻ ഷേക്ക് ഹാൻഡ് കൊടുക്കുന്ന സമയത്ത് ബ്ലേഡ് വച്ചിട്ട് വരയും. അതാണ് ഇവർ ചില സമയത്ത് കൈവലിക്കുന്നത്. ഇതെല്ലാം ഞാൻ കണ്ടതാണ്.
ഇതിനൊപ്പം മോഹൻലാലിന്റെ കൂടെ കാശ്മീരിൽ പോയ കഥയും മേജർ രവി പറയുന്നുണ്ട്. കാശ്മീരിൽ ആരും തിരിച്ചറിയാത്താതിനാൽ മോഹൻലാൽ സ്വാതന്ത്ര്യം ആഘോഷിക്കുന്നത് താൻ കണ്ടിട്ടുണ്ട് എന്നാണ് മേജർ രവി പറയുന്നത്. മോഹൻലാൽ ലഫ്റ്റനന്റ് ആയ ശേഷം ട്രെയിനിംഗിനായി കശ്മീരിൽ പോയിരുന്നു. ഈ യാത്രകളിലൊക്കെ ചായകുടിക്കാനൊക്കെ ഇറങ്ങുമ്പോൾ ആർക്കും മോഹൻലാലിനെ പരിചയം ഇല്ല. ആരും കാണാൻ ഇല്ലാത്തത് കൊണ്ട് മൂപ്പർ വളരെ കൺഫർട്ടബിൾ ആയിരുന്നു.
കുരുക്ഷേത്രയുടെ ഷൂട്ട് കഴിഞ്ഞ് കാർഗിലിൽ നിന്നും വരുന്ന വഴി ചായ കുടിക്കാനിറങ്ങി. കുറച്ച് കഴിഞ്ഞപ്പോൾ ലാലിനെ കാണാനില്ല. ഒരു ബസിന്റെ പുറകിൽ ചാടിക്കയറി കശ്മീർ കശ്മീർ എന്ന് പറഞ്ഞ് കൊണ്ടിരിക്കുന്നൊരു മോഹൻലാലിനെ കണ്ടു. കാരണം ആരും അദ്ദേഹത്തിനെ തിരിച്ചറിയുന്നില്ല. ആ സ്വാതന്ത്ര്യം പുള്ളി ആഘോഷിക്കുക ആയിരുന്നു. ഒരു ആർട്ടിസ്റ്റിന്റെ ഫ്രീഡം എന്ന് പറയുന്നത് എന്താണെന്നും അത് ലഭിക്കുമ്പോഴുള്ള സുഖം എന്താണെന്നും ലാലിലൂടെ താൻ കണ്ട നിമിഷമായിരുന്നു അത് എന്നാണ് മേജർ രവി പറയുന്നത്
