നിന്നെപ്പോലെ നീ മാത്രമേയുള്ളൂ, ഏറ്റവും മികച്ചത് ഇനിയും വരാനിരിക്കുന്നതേയുള്ളൂ….; ഫഹദിന് പിറന്നാള്‍, ‘മമ്മൂട്ടി’ എടുത്ത ചിത്രവുമായി നസ്രിയ
ഫഹദ് ഫാസിലിന്റെ പിറന്നാൾ ദിനത്തിൽ മമ്മൂട്ടി എടുത്ത ചിത്രം പങ്കുവച്ച് ആശംസ കുറിപ്പുമായി നസ്രിയ. തന്റെ പ്രിയതമനും ഏറ്റവും പ്രിയപ്പെട്ട സുഹൃത്തുമായ ഷാനുവിന് പിറന്നാൾ ആശംസകൾ എന്നാണ് നസ്രിയ ഇൻസ്റ്റാഗ്രാമിൽ കുറിച്ചത്. നിന്നെപ്പോലെ നീ മാത്രമേയുള്ളൂവെന്നും ഏറ്റവും മികച്ചത് ഇനിയും വരാനിരിക്കുന്നതേയുള്ളുവെന്നും ഏറ്റവും പ്രിയപ്പെട്ട മമ്മൂക്ക എടുത്ത ചിത്രം തന്നെ പിറന്നാൾ ദിനത്തിൽ പങ്കുവയ്ക്കുന്നുവെന്നും നസ്രിയ കുറിച്ചു.
‘‘എന്റെ പ്രിയതമൻ ഷാനുവിന് ജന്മദിനാശംസകൾ. നീ വജ്രത്തെപ്പോലെ വെട്ടിതിളങ്ങട്ടെ. നിന്നെപ്പോലെ നീ മാത്രമേയുള്ളൂ. ഏറ്റവും മികച്ചത് ഇനിയും വരാനിരിക്കുന്നതേയുള്ളൂ. എന്റെ ഏറ്റവും പ്രിയപ്പെട്ട സുഹൃത്താണ് നീ നിന്നെ ഞാൻ ഒരുപാട് സ്നേഹിക്കുന്നു. ഏറ്റവും പ്രിയങ്കരനായ ഒരേ ഒരു മമ്മൂക്ക എടുത്ത ചിത്രം പങ്കുവയ്ക്കുന്നു.’’–നസ്രിയ പറഞ്ഞു.
ഫഹദ് ഫാസിലിന്റെ പിറന്നാൾ വ്യത്യസ്ത രീതിയിൽ ആഘോഷിക്കാനും ചിത്രങ്ങൾ പങ്കിടാനും നസ്രിയ ശ്രദ്ധിക്കാറുണ്ട്. ഫഹദ് ഫാസിൽ സമൂഹ മാധ്യമങ്ങളിൽ സജീവമല്ല. നസ്രിയ പങ്കുവയ്ക്കുമ്പോൾ മാത്രമാണ് ഫഹദിന്റെ കുടുംബ ചിത്രങ്ങൾ പ്രേക്ഷകരും കാണുക. ഫഹദിന്റെ ചുരുക്കപ്പേരായ ഫാഫാ എന്നെഴുതിയ തൊപ്പി ധരിച്ചായിരുന്നു നസ്രിയ ഫഹദിന്റെ നാൽപതാം പിറന്നാൾ ആഘോഷിച്ചത്.
