Keralafox

മലയാളം ബിഗ് ബോസ് സീസൺ ഫോറിൻ്റെ ഒന്നാം സ്ഥാനത്ത് എത്തിയത് ദിൽഷ പ്രസന്നനായിരുന്നു. ബിഗ് ബോസ് ചരിത്രത്തിൽ തന്നെ ആദ്യമായിട്ടാണ് ഒരു ലേഡി ബിഗ് ബോസ് പദവിയിലെത്തുന്നത്. അതുകൊണ്ടു തന്നെ ഇങ്ങനെയൊരു അംഗീകാരം സ്വന്തമാക്കിയ സാഹചര്യത്തിൽ താരത്തിന് പ്രത്യേക അഭിന്ദനം ലഭിച്ചിരുന്നു. അതേസമയം വിജയ് എന്ന നിലയിൽ അഭിനന്ദനം ലഭിച്ചത് പോലെ മറുവശത്ത് നിന്ന് വലിയ രീതിയിലുള്ള വിമർശനങ്ങളും അവർക്ക് ഏറ്റുവാങ്ങേണ്ടി വന്നിരുന്നു. അർഹതയുള്ള വ്യക്തിയ്‌ക്കല്ല ഇത്തവണ ട്രോഫി ലഭിച്ചതെന്നും, ദില്ഷായെക്കാളും മികച്ച മത്സരാർത്ഥികൾ ബിഗ് ബോസിൽ ഉണ്ടെന്നായിരുന്നു വിമർശകർ ഉന്നയിച്ച പ്രധാന ആരോപണം.

ബിഗ് ബോസിൽ തനിയ്ക്ക് വിജയ് ആവാൻ സാധിച്ചത് പ്രേക്ഷകരുടെ പിന്തുണയുള്ളതുകൊണ്ടാണെന്നും, എല്ലാവരും തൻ്റെ നന്ദിയും, സ്നേഹവും അറിയിക്കുന്നതായും ബിഗ് ബോസ് ഷോയിൽ നിന്നും പുറത്ത് വന്നതിന് പിന്നാലെ ലൈവിൽ വന്ന് താരം വ്യക്തമാക്കിയിരുന്നു. ഇപ്പോഴിതാ തൻ്റെ യൂട്യൂബ് ചാനല്‍ വഴി ആരാധകരുടെ ചോദ്യങ്ങള്‍ക്കും മറുപടി പറയുകയാണ് താരം. ബിഗ് ബോസിലെ തന്നെ വിജയായി തന്നെ പ്രഖ്യാപിച്ച സാഹചര്യത്തിൽ ചിരിക്കുന്ന ഒരു മുഖം പോലും തനിയ്ക്ക് ചുറ്റും ഉണ്ടായിരുന്നില്ലെന്നാണ് എന്ന് ദില്‍ഷ പറയുന്നത്. എന്നാൽ തന്നെ സ്നേഹിക്കുന്ന ഒരുപാട് പേർ ഉണ്ടായിരുന്നതായും, ഇപ്പോഴും അവർ തനിയ്‌ക്കൊപ്പം ഉള്ളതുകൊണ്ടാണ് വിജയിക്കാൻ സാധിച്ചതെന്നുമാണ് ദിൽഷ വ്യക്തമാക്കുന്നത്.

ബിഗ്ബോസ് കഴിഞ്ഞ് പുറത്തിറങ്ങിയത് മുതൽ നിരവധി വോയിസ് മെസ്സേജുകളും, കോളുകളും വരുന്നുണ്ടെന്നു, അവരെല്ലാവരും തന്നെ സ്നേഹിക്കുന്നുണ്ടെന്നും, അവരുടെ സ്നേഹം കാണുവാൻ തനിയ്ക്ക് സാധിക്കുന്നുണ്ടെന്നും, തനിയ്ക്ക് ഒരുപാട് സന്തോഷം തോന്നുന്ന നിമിഷങ്ങളാണ് ഇതെന്നും പ്രേക്ഷകരുടെ സ്നേഹമാണ് തന്നെ നെഗറ്റിവിറ്റിയില്‍ നിന്ന് രക്ഷിച്ചതെന്നും ദിൽഷ പറയുന്നു. ആദ്യമായിട്ട് ആയിരിക്കാം ഇത്ര വലിയൊരു ടൈറ്റില്‍ വിജയിയായിട്ട് ഒരുപാട് സന്തോഷിക്കേണ്ട സമയത്ത് ഒരു വ്യക്തി സങ്കടപ്പെടുന്നതെന്നും ദിൽഷ കൂട്ടിച്ചേർത്തു.

നൂറ് ദിവസത്തെ വാശിയേറിയ പോരാട്ടത്തിന് ഒടുവിൽ ഒരുപാട് പ്രതിസന്ധികളെ തരണം ചെയ്താണ് ദിൽഷ ബിഗ് ബോസ് ഷോയിലെ വിജയ് ആയത്. വ്യക്തിഗത ടാസ്ക്കുകളിലും മറ്റും മികച്ച പ്രകടനം കാഴ്ചവെക്കാൻ ദിൽഷയ്‌ക്ക് സാധിച്ചു. റോബിൻ, ബ്ലെസ്ലി എന്നീ മത്സരാർഥികളുടെ പിന്തുണയില്ലാതെ ദിൽഷയ്ക്ക് ഷോയിൽ നിൽക്കുവാനോ, തുടരുവാനോ സാധിക്കില്ല എന്ന് വിധിയെയുതിയവരെക്കൊണ്ട് തന്നെ ദിൽഷ തിരുത്തി പറയിപ്പിക്കുകയായിരുന്നു. യഥാർത്ഥത്തിൽ അതൊരു മധുര പ്രതികാരമായിരുന്നു.

അത്ര വലിയൊരു ട്രോഫി തൻ്റെ കൈയിൽ കിട്ടിയിട്ടും വല്ലാത്തൊരു അവസ്ഥയിലൂടെയാണ് കടന്നുപോയതെന്നും, സന്തോഷ്മുള്ള ഒരു മുഖം പോലും അവിടെ ഉണ്ടായിരുന്നില്ലെന്നും, ആരും ഒന്ന് കൈയടിക്കുക പോലും ചെയ്തില്ലെന്നും അത് കണ്ടപ്പോൾ തനിയ്ക്ക് നല്ല സങ്കടം തോന്നിയെന്നും, ഇത്രയും നല്ലൊരു നിമിഷത്തില്‍ ഒരുപാട് സന്തോഷിക്കേണ്ട സമയത്ത് തനിയ്ക്ക് സന്തോഷത്തിന് പകരം സങ്കടമായിരുന്നുവെന്നും ദില്‍ഷ സൂചിപ്പിച്ചു.