Keralafox

ബിഗ് ബോസ് മലയാളം സീസൺ ഫോർ അതിൻ്റെ അവസാന ഘട്ടത്തിലേയ്ക്ക് പ്രവേശിക്കുമ്പോൾ വ്യത്യസ്തമായ ടാസ്ക്കുകളും, പ്രകടനങ്ങളുമായി മുന്നേറുകയാണ് ഷോയിലെ ഓരോ മത്സരാർത്ഥികളും. ബിഗ്‌ബോസിൽ ഏറ്റവും അവസാനം വൈൽഡ് കാർഡുമായി എത്തിയ വ്യക്തിയാണ് വിനയ് മാധവ്. നടി പാർവതിയുടെ സഹോദരൻ കൂടിയാണ് വിനയ് മാധവ്. ക്രൂയിസ് ലൈനേഴ്‌സിൽ ആറ് വർഷത്തിലേറേയായി ജോലി ചെയ്ത പരിചയം വിനയ് മാധവിനുണ്ട്. യുഎസ് ബേസ് ചെയ്ത ഓഷ്യാന എന്ന കമ്പനിയിലാണ് വിനയ് മാധവ് ജോലി ചെയ്തിട്ടുള്ളത്. അതിന് പിന്നാലെ നിരവധി ഹോട്ടലുകളുടെ ജനറൽ മാനേജറായും വിനയ് പ്രവർത്തിച്ചിട്ടുണ്ട്.

മമ്മൂട്ടി, ബെസ്റ്റ് ആക്ടർ ഷോയിൽ പങ്കെടുക്കാൻ അവസരം ലഭിച്ച വിനയ് നല്ലൊരു അവതാരകനായും പ്രവർത്തിച്ചിട്ടുണ്ട്. ഇവയ്‌ക്കെല്ലാം പുറമേ ഷെഫ് എന്ന നിലയിൽ സ്വന്തമായി യൂട്യൂബ് ചാനലും വിനയ് മാധവിന് സ്വന്തമായിട്ടുണ്ട്. ഷെഫ് എന്ന രീതിയിലാണ് മോഹൻലാൽ വിനയ് മാധവിനെ പ്രേക്ഷകർക്ക് ആരംഭത്തിൽ പരിചയയപ്പെടുത്തിയിരുന്നത്. എന്നാൽ അൻപത് ദിവസങ്ങ‌ളിലേയ്ക്ക് എത്താൻ വളരെ കുറഞ്ഞ ദിവസം മാത്രം ബാക്കി നിൽക്കെയാണ് വിനയ് ബി​ഗ് ബോസ് ഹൗസിലേയ്ക്ക് പ്രവേശിക്കുന്നത്. പിന്നീട് നാൽപത്തിയെട്ട് ദിവസത്തോളം വിനയ്ക്ക് ബിഗ് ബോസിൽ തുടരാൻ കഴിഞ്ഞു. പന്ത്രണ്ടാമത്തെ ആഴ്ചയിലാണ് വിനയ് ബിഗ് ബോസിൽ നിന്നും പുറത്തു പോകുന്നത്.

ഒരു കാര്യത്തിൽ അഭിപ്രായം പറയുന്നത് വിനയ് പലപ്പോഴും സ്വന്തമായിട്ടല്ലെന്നും, ആരുടെയെങ്കിലും പക്ഷം പിടിച്ചിട്ടാണെന്നും പ്രേക്ഷകരിൽ നിന്നും വലിയ രീതിയിലുള്ള വിമർശനങ്ങൾ ഉയർന്നിരുന്നു. ഈ ഒരു കാരണം നില നിൽക്കുന്ന സാഹചര്യത്തിലാണ് മതിയായ പിന്തുണ പ്രേക്ഷകരിൽ നിന്നും വിനയ്‌ക്ക് ലഭിക്കാതെ പോയത്. ‘ഫിനാലയ്ക്ക് ദിവസങ്ങൾ മാത്രം അവശേഷിക്കേ ബിഗ് ബോസിൽ നിന്നുള്ള പുറത്തു വരൽ വിഷമം വരുത്തിയതായി വിനയ് തന്നെ തുറന്ന് പറഞ്ഞിരുന്നു. പുറത്ത് നിന്ന് നോക്കി കാണുന്നത് പോലെയല്ല, ഇതിനകത്തെ ജീവിതമെന്നും, ഭയങ്കര സ്ട്രെസ് ഫുള്ളാണെന്നും വിനയ് പറഞ്ഞിരുന്നു. ഒരു സാധാരണ ജീവിതത്തിൽ നമ്മുക്ക് ഇതുപോലെ മുൻപോട്ട് പോകാൻ സാധിക്കില്ലെന്നും, ജീവിതത്തിലേയ്ക്കുള്ള വലിയൊരു പാഠമാണ് ഈ ഷോ എന്നായിരുന്നു വിനയ് പറഞ്ഞത്. ആറാഴ്ച നിർത്തിയ എല്ലാവരോടും തൻ്റെ നന്ദിയും വിനയ് കൂട്ടിച്ചേർത്തു.

താൻ ചെയ്തത് തെറ്റോ, ശരിയോ എന്നറിയില്ലെന്നും, പുറത്തു നിന്ന് എന്ത് പ്ലാൻ, നമ്മൾ ചെയ്താലും അതൊന്നും അകത്ത് നടക്കില്ലെന്നുമാണ് എവിക്ടായതിന് പിന്നാലെ വിനയ് പറഞ്ഞത്. ഇപ്പോഴിതാ മത്സരത്തിൽ നിന്നും തിരികെ നാട്ടിലെത്തിയതിന് ശേഷം വിനയ് – യെക്കുറിച്ച് ഭാര്യ അമൃത പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. ഫാൻസിൻ്റെ പിന്തുണ ഒന്നുമില്ലാതെ വിനയ് ഇത്രയും നാൾ ബിഗ് ബോസിൽ തുടർന്നത് വലിയ കാര്യമായി കാണുന്നെന്നും, ബിഗ് ബോസിനുള്ളിലെ അതെ സ്വഭാവം തന്നെയാണ് വിനയ്‌ക്ക് വീട്ടിലെന്നും, പെട്ടെന്ന് സന്തോഷവും, സ്നേഹവും പ്രകടിപ്പിക്കുന്ന സ്വാഭവമാണ് വിനയ്ക്കെന്നും അമൃത പറയുന്നു.

ലക്ഷ്മി ചേച്ചിയോട് വിനയ്‌ക്ക് ഒരു തരത്തിലുള്ള ദേഷ്യമില്ലെന്നും, വിനയ് ബിഗ് ബോസിൽ ദേഷ്യം കാണിക്കുന്നത് കാണുമ്പോൾ ആർക്കും അവനിൽ നിന്ന് അടി കിട്ടല്ലേ എന്നാണ് പ്രാർത്ഥിച്ചിരുന്നതെന്നും ഭാര്യ സൂചിപ്പിച്ചു. മത്സരാർത്ഥികൾ ഗെയിം കഴിഞ്ഞ് ഇറങ്ങുമ്പോൾ അവിടെ നടന്ന കാര്യങ്ങൾ അവിടെ തന്നെ ഉപേക്ഷിച്ചാണ് വീട്ടിലേയ്ക്ക് വരാറുള്ളതെന്നും അമൃത വ്യകതമാക്കുന്നു.