ഞാൻ തിരിച്ചെത്തിയിരിക്കുന്നു; വിവാദങ്ങൾക്കും കോലാഹലങ്ങൾക്കും ശേഷം ഫാഷൻ ലോകത്തേക്കുള്ള തിരിച്ചുവരവ് പ്രഖ്യാപിച്ച് അച്ചു ഉമ്മൻ
മുൻ മുഖ്യമന്ത്രി ഉമ്മൻ ചാണ്ടിയുടെ മരണ ശേഷം മകള്‍ അച്ചു ഉമ്മൻ ജനഹൃദയങ്ങളിൽ സ്ഥാനം പിടിച്ചുപറ്റിയിരുന്നു. പിന്നീട് വന്ന പുതുപ്പള്ളി ഉപതെരഞ്ഞെടുപ്പിലും അച്ചു ഉമ്മന്റെ മുഴങ്ങി. ഇപ്പോഴിതാ ഈ തിരക്കുകള്‍ ഒക്കെ ഒഴിഞ്ഞ് ഫാഷൻ ലോകത്തേക്കുള്ള തിരിച്ച് വരവ് പ്രഖ്യാപിച്ച് അച്ചു ഉമ്മൻ രംഗത്ത്. പുതിയ ചിത്രം പങ്കുവച്ചുകൊണ്ടാണ് അച്ചു ഇക്കാര്യം വ്യക്തമാക്കിയത്. ‘കണ്ടൻ്റ് ക്രിയേഷൻ ‘എന്ന കലയെ ആശ്ളേഷിച്ചുകൊണ്ട് താൻ തിരിച്ചെത്തിയിരിക്കുന്നുവെന്ന് കുറിച്ചുകൊണ്ടാണ് അച്ചു ഉമ്മൻ പുതിയ ചിത്രം പങ്കുവെച്ചിരിക്കുന്നത്.
പുതുപ്പള്ളി ഉപതെരഞ്ഞെടുപ്പിൽ അച്ചു ഉമ്മന്റെ വസ്ത്രത്തിന്‍റെയും ചെരിപ്പിന്‍റെയും ബാഗിന്‍റെയും വില ചൂണ്ടിക്കാട്ടി എല്‍ഡിഎഫ് അനുകൂലികള്‍ സൈബര്‍ ആക്രമണം നടത്തിയിരുന്നു. ഇതിനു പിന്നാലെ ചെറിയൊരു നേട്ടത്തിനുപോലും ഉമ്മന്‍ചാണ്ടിയുടെ പേര് ദുരുപയോഗിച്ചിട്ടില്ല. ഫാഷന്‍, യാത്ര, ലൈഫ് സ്‌റ്റൈല്‍ തുടങ്ങിയ വിഷയങ്ങളിലെ കണ്ടന്റ് ക്രിയേഷനാണ് തന്റെ ജോലിയെന്നും സൈബർ ആക്രമണത്തിൽ പ്രതികരിച്ച് അച്ചു ഉമ്മൻ പറഞ്ഞിരുന്നു.
ഇതുമായി ബന്ധപ്പെട്ട വിവാദങ്ങൾക്കും കോലാഹലങ്ങൾക്കും ശേഷമാണ് പുതിയ വേഷത്തിൽ സൈബർ ലോകത്തേക്കുള്ള അച്ചു ഉമ്മന്റെ തിരിച്ചുവരവ്. ഡാഷ് ആൻഡ് ഡോട്ട് എന്ന ഫാഷൻ ബ്രാൻഡിന്റെ സ്ലീവ്‌ലെസ് പാന്റ് സ്യൂട്ടാണ് ഇതിൽ അച്ചു ഉമ്മന്റെ വേഷം. മുത്തുകൾ പതിപ്പിച്ച ചുവന്ന ലെതർ ബാഗും കയ്യിലുണ്ട്.
