എന്നും അപ്പയുടെ നിഴലിലാണ്, എൻ്റെ പ്രചോദനവും വഴിവിളക്കുമായിരുന്നു നിങ്ങൾ, അപ്പയുടെ മകളെന്നറിയപ്പെടുന്നത് എന്നും അഭിമാനമാണ്, ഒരുപാട് മിസ് ചെയ്യുന്നു; ഉമ്മൻചാണ്ടിയുടെ മകളുടെ ഹൃദയത്തിൽ തൊടുന്ന കുറിപ്പ്
ഉമ്മൻചാണ്ടിയെപ്പറ്റി പറയാത്ത ഒരു ദിവസം പോലും പുതുപ്പള്ളിക്കാർക്ക് ഉണ്ടാവില്ല. അദ്ദേഹത്തിന്റെ വിയോഗം ഇനിയും വിശ്വസിക്കാത്ത എത്രയോ പേരാണ് കേരളത്തിലുള്ളത്. അങ്ങനെയുള്ള അപ്പയുടെ മകളെന്ന് അറിയപ്പെടുന്നതിൽ അഭിമാനമെന്ന് മകൾ അച്ചു ഉമ്മന്റെ കുറിപ്പ്. ഉമ്മൻ ചാണ്ടിയോടൊപ്പം താൻ നിൽക്കുന്ന ചിത്രം പങ്കുവെച്ചാണ് മകൾ അപ്പയ്ക്കു വേണ്ടി എഴുതിയത്.
‘ഞാൻ എന്നും അപ്പയുടെ നിഴലിലാണ്. എന്റെ പ്രചോദനവും വഴിവിളക്കുമായിരുന്നു നിങ്ങൾ. ഈ അപ്പയുടെ മകളെന്നറിയപ്പെടുന്നത് അഭിമാനവുമാണ്. മുന്നോട്ട് പോകുമ്പോൾ, അതിരില്ലാത്ത സ്നേഹമാണ് ഹൃദയം നിറയെ. എന്നും നിങ്ങളെ മിസ്സ് ചെയ്യുന്നുണ്ടെങ്കിലും എന്നിൽ എപ്പോഴും അപ്പയുണ്ട്’. – എന്നാണ് മകൾ അപ്പയുടെ ഓർമയിൽ കുറിച്ചത്.
തങ്ങളുടെ പ്രിയ നേതാവിനെപ്പറ്റിയുള്ള ഓർമകൾ കമന്റുകളായി പലരും പോസ്റ്റിനു താഴെ എഴുതി. മരിച്ചിട്ടില്ലെന്നും ഞങ്ങളുടെ ഹൃദയത്തിൽ ഇപ്പോഴും ഉണ്ടെന്നുമാണ് ജനങ്ങൾ പറയുന്നത്. ഇങ്ങനെയുള്ളൊരു അച്ഛന്റെ മകളായി ജനിക്കാൻ കഴിഞ്ഞത് വലിയ ഭാഗ്യമാണെന്നും പലരും കമന്റ് ചെയ്തു. ഇതിനു മുൻപും പലപ്പോഴായി അച്ഛനെപ്പറ്റിയുള്ള ഓർമകളും വിശേഷങ്ങളും അച്ചു ഉമ്മൻ പങ്കുവച്ചിരുന്നു.