മകൾ മറിയത്തിന്റെ അഞ്ചാം പിറന്നാൾ ആഘോഷമാക്കി ദുൽഖർ സൽമാനും ഭാര്യ അമാലും; പേരകുട്ടിയുടെ ജന്മദിനത്തിന് മമ്മൂക്കയുടെ വക സർപ്രൈസും
ദുല്‍ഖര്‍ സല്‍മാന്റെ മകളും മമ്മൂട്ടിയുടെ കൊച്ചുമകളുമായ മറിയം അമീറ സല്‍മാന്റെ 5-ാം പിറന്നാള്‍ ആയിരുന്നു ഇന്നലെ കഴിഞ്ഞത്. കുഞ്ഞുമറിയത്തിന്റെ പിറന്നാളിന് മമ്മൂട്ടി ഇന്‍സ്റ്റഗ്രാമില്‍ പങ്കുവെച്ച ചിത്രവും ദുല്‍ഖര്‍ സല്‍മാന്‍ സമൂഹ മാധ്യമത്തില്‍ പങ്കുവെച്ച കുറിപ്പും വൈറലായിരിക്കുകയാണ്.
‘എന്റെ മാലാഖക്ക് ഇന്ന് 5 വയസ്’ എന്ന അടിക്കുറിപ്പോടെ മറിയത്തോടൊപ്പമുള്ള മനോഹരമായ ചിത്രമാണ് മമ്മൂട്ടി കൊച്ചുമകളുടെ പിറന്നാളിന് ഇന്‍സ്റ്റഗ്രാമില്‍ പങ്കുവെച്ചത്. ” എന്റെ ബേബിഡോളിന് 5/5/5 ജന്മദിനം! നീ വർഷം മുഴുവനും കാത്തിരുന്ന ആ ദിവസം ഇതാ വന്നിരിക്കുന്നു. അത് ഏറ്റവും സന്തോഷകരമായ ജന്മദിനമായിരിക്കട്ടെ.. നക്ഷത്രകൂട്ടം, നിലാവ്, മഴവില്ലുകൾ, മിന്നാമിനുങ്ങുകളുടെ തിളക്കം, പിക്‌സി മിസ്‌ചീഫ്, പൂമ്പാറ്റ ചിറകുകൾ ഇവയെല്ലാം കൊണ്ട് നീ നമ്മുടെ വീടിനെ ഒരു സാങ്കൽപ്പിക ലോകമാക്കുന്നു. ഞങ്ങൾ എല്ലാവരും കടൽക്കൊള്ളക്കാരും ലോസ്റ്റ് ബോയ്സും നീയാകുന്ന ടിങ്കർബെല്ലിന്റെ വെൻഡിഡാർലിംഗുമാണ്. നിനക്കൊപ്പം സ്നോമാനെ നിര്‍മ്മിക്കണം. ഞങ്ങളാരും ബ്രൂണോയെക്കുറിച്ച് സംസാരിക്കില്ല. നീ ഞങ്ങളുടെ വീട് ഒരു നെവര്‍ലന്‍റാക്കുന്നു. നിന്നൊടൊപ്പം പുതിയ ഒരു ലോകമാണ്” -എന്നാണ് ദുല്‍ഖര്‍ ഫേസ്ബുക്കില്‍ കുറിച്ചത്.
നിരവധി പേരാണ് മറിയത്തിന് സമൂഹമാധ്യമങ്ങളിലൂടെ ആശംസകളുമായി എത്തിയത്. മമ്മൂട്ടിയുടേയും ദുല്‍ഖറിന്റെയും ആശംസകള്‍ നിരവധി പേര്‍ ചെയ്തിട്ടുമുണ്ട്.മറിയത്തിന് പിറന്നാളാശംസിച്ച് നസ്രിയ പങ്കുവച്ച കുറിപ്പും ഇതിനോടകം വൈറലായി മാറിയിട്ടുണ്ട്‌. ”ഹാപ്പി ബര്‍ത്ത് ഡേ മുമ്മൂ. നീ ഇനി ഇത്തിരി ചെറുതല്ല. നീ ഇനി നാച്ചു മാമിയുടെ മടിയിൽ ഇരിക്കില്ല. എന്നാൽ എനിക്കിത് ചോദിക്കാൻ ഇഷ്ടമാണ്. ഇനിയും നീ വന്ന് 2 മിനിറ്റ് ഇരുന്നോളൂ. നീ അഞ്ച് വയസുകാരിയായി വളരുന്നത് ഞാനും നിരീക്ഷിക്കുകയായിരുന്നു. നമ്മുടെ മാലാഖ കുഞ്ഞേ. എനിക്ക് നിന്നെ ജീവിതത്തിലേക്ക് തിരികെ കിട്ടി. ഞാനൊരു അടിപൊളി മാമി ഹാൻ ആണ്. അതുകൊണ്ട് മാതാപിതാക്കളുമായി വിഷമം ഉണ്ടാകുമ്പോൾ ആരുടെ അടുത്തേക്ക് ഓടണമെന്ന് നിങ്ങൾക്കറിയാം. പേരൻസുമായി എന്തെങ്കിലും പ്രശ്നമുണ്ടായാൽ എങ്ങോട്ടേക്ക് വരണമെന്ന് നിനക്കറിയാം അല്ലേ, ” എന്നുമായിരുന്നു നസ്രിയ നസീം കുറിച്ചത്
”ഷാനി മാമയുടെ രാജകുമാരിക്ക് ജന്മദിനാശംസകൾ. നീ വീടിന്റെ വെളിച്ചവും ഞങ്ങളുടെ എല്ലാ ഹൃദയങ്ങളുടെയും രാജകുമാരിയുമാണ്. നിങ്ങൾ കണ്ടുമുട്ടുന്ന എല്ലാവരിലും സന്തോഷവും ദയയും പ്രസരിപ്പിക്കുന്ന ഊർജ്ജത്തിന്റെ പന്താണ് നിങ്ങൾ. എന്റെ രാജകുമാരിക്ക് ഒരുപാട് സ്നേഹവും ആലിംഗനങ്ങളും ചുംബനങ്ങളും. നിങ്ങളുടെ പ്രിയപ്പെട്ട ഓംലെയിൽ നിന്ന് എന്നുമായിരുന്നു ഷാനി ഷകി
കുറിച്ചത്.
2017 മെയ് 5 ന് ആയിരുന്നു ദുല്‍ഖറിന്റേയും അമാലിന്റേയും മകളായി മറിയം അമീറ സല്‍മാന്‍ പിറന്നത്.അന്ന് ദുല്‍ഖല്‍ സല്‍മാന്‍ ഫേസ്ബുക്കില്‍ കുറിച്ചത് ഇങ്ങനെയായിരുന്നു;”ഒന്നിലേറെ കാരണങ്ങളാൽ ഇന്നെനിക്ക് മറക്കാനാകാത്ത ദിവസവമാണ്. എന്റെ ജീവിതം തന്നെ മാറിമറിഞ്ഞിരിക്കുന്നു.സ്വർഗത്തിൽ നിന്നും വലിയൊരു അനുഗ്രഹം ലഭിച്ചിരിക്കുന്നു. എന്റെ വളരെക്കാലത്തെ ആഗ്രഹം സഫലീകരിച്ചു. എനിക്ക് എന്റെ രാജകുമാരിയെ ലഭിച്ചു”.ദുൽഖറിനെപ്പോലെ മകള്‍ മറിയം അമീറ സൽമാനും സോഷ്യൽ ലോകത്ത് നിരവധി ആരാധകരുണ്ട്. മമ്മൂട്ടിയോടും ദുൽഖറിനോടുമുള്ള ഇഷ്ടം ആരാധകര്‍ മറിയത്തോടുമുണ്ട്. മറിയത്തിന്റെ പുതിയ ചിത്രങ്ങള്‍ക്കും വിശേഷങ്ങള്‍ക്കും ആകാംക്ഷയോടെ ആണ് പ്രേക്ഷകര്‍ കാത്തിരിക്കാറ്.
