”രമയെ കുറിച്ച് പറയാന് എനിക്ക് 100 എപ്പിസോഡ് മതിയാവില്ല, എന്റെ രണ്ടു പെണ്മക്കളും ഡോക്ടര്മാരായി തീര്ന്നിട്ടുണ്ടെങ്കില് അതിന്റെ ക്രെഡിറ്റ് രമയ്ക്ക് മാത്രം അവകാശപ്പെട്ടതാണ്” ; ഭാര്യയെക്കുറിച്ച് അന്ന് ജഗദീഷ് പറഞ്ഞത്
തിരക്കുകളില് നിന്നെല്ലാം ഒഴിഞ്ഞ് നില്ക്കാന് ആഗ്രഹിച്ച വ്യക്തിയായിരുന്നു മലയാള ചലച്ചിത്ര നടന് ജഗദീഷിന്റെ ഭാര്യ ഡോ. പി രമ. ഫോട്ടോ പത്രത്തിലോ വാരികയിലോ അച്ചടിച്ച് വരുന്നത് പോലും രമയ്ക്ക് താല്പ്പര്യമില്ലായിരുന്നു. ഇതേക്കുറിച്ച് ജഗദീഷും പറഞ്ഞിട്ടുണ്ട്. മഴവില് മനോരമ സംപ്രേക്ഷണം ചെയ്ത ‘പണം തരും പടം’ എന്ന പരിപാടിക്കിടെയാണ് ജഗദീഷ് തന്റെ ഭാര്യയെക്കുറിച്ച് മനസ്സ് തുറന്നത്. രമയെക്കുറിച്ച് പറയാന് നൂറ് എപ്പിസോഡുകള് പോലും മതിയാകാതെ വരുമെന്നും വ്യത്യാസങ്ങള്ക്കിടയിലെ ഐക്യമാണ് ജീവിത വിജയത്തിന് പിന്നിലെന്നും അദ്ദേഹം അന്ന് പറഞ്ഞിരുന്നു.
ജഗദീഷിന്റെ വാക്കുകള്;
‘’സാധാരണ ഒരു ഫോട്ടോയുടെ മുന്നിലും വരാൻ താൽപര്യമില്ലാത്ത ആളാണ് രമ. മാഗസിനുകള് അഭിമുഖത്തിന് വരുമ്പോള്ഫോട്ടോ എടുക്കാന് രമ സമ്മതിക്കാറില്ല. എല്ലാവരുടെയും ഭാര്യമാര് ചാനലുകളിലൊക്കെ വരാറുണ്ട്.എന്തുകൊണ്ടാണ് ജഗദീഷിന്റെ ഭാര്യ വരാത്തതെന്ന് സാഹിത്യകാരന് സക്കറിയ ഒരിക്കല് എന്നോടു ചോദിച്ചു. എനിക്ക് ചാനലുകളില് പ്രത്യക്ഷപ്പെടാന് എത്രത്തോളം താത്പര്യമുണ്ടോ അല്ലെങ്കില് സിനിമാ പ്രസിദ്ധീകരണങ്ങളില് എന്റെ ഫോട്ടോ അച്ചടിച്ചു വരുന്നതില് എത്രത്തോളം താത്പര്യമുണ്ടോ അത്രത്തോളം താത്പര്യമില്ലാത്തയാളാണ് രമയെന്നായിരുന്നു ഞാൻ അദ്ദേഹത്തിനു കൊടുത്ത മറുപടി.ഞങ്ങള് രണ്ടു പേരും രണ്ടു രീതിയിലാണ് ചിന്തിക്കുന്നത്. ഞങ്ങളുടെ അഭിപ്രായ ഐക്യം വ്യത്യാസങ്ങള്ക്കിടയിലെ ഐക്യമാണ്. രമയെ കുറിച്ച് പറയാന് എനിക്ക് 100 എപ്പിസോഡ് മതിയാവില്ല. അത്രത്തോളം പറയാനുണ്ട്.ഒരു കാര്യം മാത്രം പറഞ്ഞുനിര്ത്താം. എന്റെ രണ്ടു പെണ്മക്കളും ഡോക്ടര്മാരായി തീര്ന്നിട്ടുണ്ടെങ്കില്അതിന്റെ ക്രെഡിറ്റ് രമയ്ക്ക് മാത്രം അവകാശപ്പെട്ടതാണ്”-ജഗദീഷ് പറഞ്ഞു.
പ്രമാദമായ അക്കു വധക്കേസും എടുത്തുപറയേണ്ടത്. സ്പിരിറ്റ് മാഫിയയുടെ കുടിപ്പകയെത്തുടര്ന്ന് യുവാവിനെക്കൊന്ന് റെയില്വേ ട്രാക്കില് തള്ളിയ കേസിൽ, കൊലപാതകമെന്ന് തെളിയിക്കാൻ പ്രോസിക്യൂഷനെ സഹായിച്ചതും ഡോ രമ. അക്കുവിന്റെ തല തകർന്നത് ട്രെയിൻ തട്ടിയല്ല, മറിച്ച് തല തകർത്ത് കൊന്നിട്ട് ശരീരം ട്രാക്കിൽ കൊണ്ടിട്ടതാണെന്ന് സ്ഥാപിക്കാൻ ഡോ രമയുടെ സൂക്ഷ്മമായ കണ്ടെത്തലുകൾക്കായി. ഏറ്റവും ഒടുവിൽ അഭയ കേസിൽ സി. സെഫി കന്യാചർമ്മം വെച്ചുപിടിച്ചെന്ന് കണ്ടെത്തിയതും ഡോ രമയുടെ ടീം.ഡോ. രമ രോഗം മൂർച്ഛിച്ചതോടെ, സർവീസ് തീരാൻ വർഷങ്ങൾ ബാക്കിനിൽക്കെ സ്വയം വിരമിക്കുകയായിരുന്നു. അഭയ കേസിൽ, വീട്ടിലെത്തിയാണ് ഡോക്ടറുടെ നിർണായക മൊഴി കോടതി രേഖപ്പെടുത്തിയത്.