സാധാരണക്കാരന്റെ പ്രശ്നങ്ങള് കേള്ക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു, വ്യക്തിപരമായി ഒട്ടേറെ അടുപ്പം ഉണ്ടായിരുന്നു; ഉമ്മന്ചാണ്ടിയുടെ വിയോഗത്തിൽ വേദനയോടെ മോഹന്ലാല്
അന്തരിച്ച മുന് മുഖ്യമന്ത്രിയും കോണ്ഗ്രസ് നേതാവുമായ ഉമ്മന്ചാണ്ടിക്ക് ആദരാഞ്ജലികള് നേര്ന്ന് മോഹന്ലാല്. പ്രഥമപരിഗണന എപ്പോഴും ജനങ്ങള്ക്ക് നല്കിയ പ്രിയപ്പെട്ട നേതാവും, സാധാരണക്കാരന്റെ പ്രശ്നങ്ങള് കേള്ക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു ഉമ്മന് ചാണ്ടിയെന്ന് മോഹന്ലാല് പറഞ്ഞു.
വ്യക്തിപരമായി ഒട്ടേറെ അടുപ്പമാണ് അദ്ദേഹവുമായി എക്കാലത്തും എനിക്കുണ്ടായിരുന്നത്. ദീര്ഘവീഷണവും ഇച്ഛാശക്തിയുമുള്ള, കര്മ്മധീരനായ അദ്ദേഹത്തെ കേരളം എക്കാലവും നെഞ്ചോടു ചേര്ത്തുപിടിച്ചു. നാടിന് ഒട്ടേറെ നേട്ടങ്ങളും പുരോഗതിയും സമ്മാനിച്ചിട്ടാണ് അദ്ദേഹം ഈ ലോകത്തോട് വിടപറഞ്ഞത് എന്നും മോഹന്ലാല് സോഷ്യല് മീഡിയയില് കുറിച്ചു.
മോഹന്ലാലിന്റെ വാക്കുകള്:
പ്രഥമപരിഗണന എപ്പോഴും ജനങ്ങള്ക്ക് നല്കിയ പ്രിയപ്പെട്ട നേതാവും, സാധാരണക്കാരന്റെ പ്രശ്നങ്ങള് കേള്ക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു, പ്രിയപ്പെട്ട ഉമ്മന് ചാണ്ടി സര്. വ്യക്തിപരമായി ഒട്ടേറെ അടുപ്പമാണ് അദ്ദേഹവുമായി എക്കാലത്തും എനിക്കുണ്ടായിരുന്നത്. ദീര്ഘവീഷണവും ഇച്ഛാശക്തിയുമുള്ള, കര്മ്മധീരനായ അദ്ദേഹത്തെ കേരളം എക്കാലവും നെഞ്ചോടു ചേര്ത്തുപിടിച്ചു. നാടിന് ഒട്ടേറെ നേട്ടങ്ങളും പുരോഗതിയും സമ്മാനിച്ചിട്ടാണ് അദ്ദേഹം ഈ ലോകത്തോട് വിടപറഞ്ഞത്. വേദനയോടെ ആദരാഞ്ജലികള്.
അര്ബുദത്തിന് ചികിത്സയിലിരിക്കെ ബെംഗളൂരുവിലെ ആശുപത്രിയില് ഇന്നു പുലര്ച്ചെ 4.25നായിരുന്നു ഉമ്മന് ചാണ്ടിയുടെ അന്ത്യം. അദ്ദേഹത്തിന്റെ മകന് ചാണ്ടി ഉമ്മനാണ് മരണ വാര്ത്ത സമൂഹമാധ്യമങ്ങളില് സ്ഥിരീകരിച്ചത്. സംസ്കാരം വ്യാഴാഴ്ച 2.30 ന് പുതുപ്പള്ളി സെന്റ് ജോര്ജ് ഓര്ത്തഡോക്സ് വലിയ പള്ളി സെമിത്തേരിയില്.