എത്ര സ്നേഹമാണെന്ന് പറഞ്ഞാലും എനിക്കെൻ്റെ ഭർത്താവിനെ മറ്റൊരാൾക്ക്‌ വിട്ടുകൊടുക്കാൻ കഴിയില്ല, ആദ്യമൊക്കെ മഷൂറ കരയുമായിരുന്നു; മനസുതുറന്ന് സുഹാനയും ബഷീറും
മലയാളികളുടെ പ്രിയപ്പെട്ട കുടുംബമാണ് ബഷീർ ബഷിയുടേത്. സോഷ്യൽ മീഡിയയിൽ വളരെ വലിയ രീതിയിൽ തന്നെ ഇവർക്ക് ഫോള്ളോവെർസ് ഉണ്ട്. ബിഗ് ബോസ് ഒന്നാം സീസൺ മുതൽ പ്രേക്ഷകർ നെഞ്ചേറ്റിയതാണ് ബഷീർ ബഷിയെയും കുടുംബത്തെയും. അന്ന് മുതൽ ഇന്ന് വരെ തന്റെ വിശേഷങ്ങൾ ഒക്കെയും ബഷീർ ആരാധകരുമായി പങ്കിടാറുണ്ട്. തനിക്ക് രണ്ടു ഭാര്യമാർ ഉള്ള കാര്യവും ആദ്യ ഭാര്യയുടെ സമ്മതവും വാങ്ങി രണ്ടാം വിവാഹം ചെയ്തതിനെകുറിച്ചുമെല്ലാം പലകുറി ബഷീർ പങ്കിട്ടിട്ടുണ്ട്. അടുത്തിടെ കുടുംബസമേതം നൽകിയ അഭിമുഖവും വൈറലായിരുന്നു.
പ്രശ്നങ്ങൾ ഉണ്ടായാൽ അത് സോൾവ് ആക്കുന്നത് ഉറപ്പായും ബഷീർ ബഷി ആണെന്ന് പറയുകയാണ് സുഹാനയും മഷൂറയും. ജിഞ്ചർ മീഡിയക്ക് അഭിമുഖത്തിൽ ആണ് മൂന്നുപേരും മനസ്സ് തുറക്കുന്നത്. എനിക്കും, സുഹാനയ്ക്കും ഇടയിൽ ഇതുവരെ വിഷയങ്ങൾ ഒന്നും ഉണ്ടായിട്ടില്ല. പക്ഷേ, എനിക്കും ബേബിക്കും ഇടയിലും, സോനുവിനും ബേബിയ്ക്കും ഇടയിലും ഇടക്ക് ചെറിയ പിണക്കങ്ങൾ ഉണ്ടാകുമെന്നാണ് മഷൂറ പറയുന്നത്.
വിവാഹം കഴിഞ്ഞിട്ട് ഇത്രയും വർഷങ്ങൾ കഴിഞ്ഞിട്ടും ഇവർ തമ്മിൽ പരസ്പരം യാതൊരു വിഷയങ്ങളും ഉണ്ടായിട്ടില്ല. എനിയ്ക്ക് അത്ഭുതം ആണ്. ഏതൊരു കുടുംബത്തിലും സഹോദരങ്ങൾ തമ്മിൽ വരെ അടികൂടാറുണ്ട്. ഇവരുടെ കാര്യത്തിൽ എനിക്ക് അത്ഭുതം ആണ്. കാരണം ഞാനും എന്റെ സഹോദരങ്ങളും തമ്മിൽ ആഴ്ചയിൽ മിനിമം ഒരെണ്ണം എങ്കിലും ഉണ്ടാകാറുണ്ട്. ഇവരുടെ ബന്ധം അങ്ങനെ അല്ല. ബഷീർ പറഞ്ഞു.
നമ്മൾ രണ്ടുപേരുടെയും വൈബ് വ്യത്യസ്തം ആണ്. നല്ല വ്യത്യാസം ഉണ്ട്. ഫുഡിന്റെ കാര്യത്തിൽ ഒരുപോലെയാണ്. മറ്റൊരാളുടെ അടുത്ത് ഇല്ലാത്ത ഫ്രീഡം, ഒക്കെ മഷൂറയുടെ അടുത്ത് സുഹാന കാണിക്കാറുണ്ട്. ഇങ്ങനെ ഒരു സുഹാന ഉണ്ട് എന്ന് മറ്റൊരാൾക്കും അറിയില്ല. ആ പാർട്ട് മഷൂറയുടെ അടുത്ത് മാത്രം ആണ് സുഹാന കാണിച്ചിട്ടുള്ളത് എന്നും ബഷീർ പറയുന്നുണ്ട്.
പ്രസവത്തിനു പോലും പോകില്ല, ഇവൾക്ക് പൊക്കൂടെ ആ സുഹാനയെ ബഷീറിനൊപ്പം നില്ക്കാൻ അനുവദിച്ചുകൂടെ എന്നൊക്കെ ആയിരുന്നു കമന്റുകൾ. എന്നാൽ ഞങ്ങൾ വിടാഞ്ഞതാണ്. അവളെ അത്രയും ദിവസം നമ്മൾക്ക് കാണാതെ ഇരിക്കാൻ ആകില്ലായിരുന്നു എന്ന് പറയുന്നത് സുഹാനയാണ്. കമന്റ്സ് കേട്ടിട്ട് ആദ്യമൊക്കെ മഷൂറ കരയുമായിരുന്നു. ഞങ്ങൾ ആദ്യമൊക്കെ റിയാക്ഷൻ ചെയ്യാറുണ്ടായിരുന്നു. പക്ഷെ അതിന്റെ ആവശ്യം ഇല്ലെന്നു നമ്മൾക്ക് മനസിലായി- മൂന്നുപേരും ഒരേ സ്വരത്തിൽ പറയുന്നു.
സുഹാന ഇതൊക്കെ എങ്ങനെ സഹിക്കുന്നു, എങ്ങനെ കഴിയുന്നു എന്നൊക്കെയാണ് ആളുകൾ ചോദിക്കുന്നത്. കല്യാണം കഴിഞ്ഞു ഒരു കൊച്ചുമായി ഞാൻ എന്ത് പറയാൻ ആണ് ഇതിനൊക്കെ. ഞങ്ങൾ ഹാപ്പി ആയി ജീവിക്കുന്നു എന്നും സുഹാന പറയുന്നുണ്ട്. എന്നാൽ എത്ര സ്നേഹമാണെന്ന് പറഞ്ഞാലും എനിക്കെന്റെ ഭർത്താവിനെ മറ്റൊരാൾക്ക്‌ വിട്ടുകൊടുക്കാൻ കഴിയില്ല എന്നാണ് മിക്ക ആളുകളും വൈറൽ ഇന്റർവ്യൂ വീഡിയോയിൽ കമന്റുകൾ പങ്കിടുന്നത്.,
