“സങ്കടപ്പെടേണ്ട…ഇവിടെ ഒരച്ഛനും അമ്മയും എന്നുമുണ്ടാകും” വിങ്ങിപൊട്ടുന്ന കുറിപ്പുമായി പ്രിയ നടി മഞ്ജു വാര്യർ

അതുല്യ പ്രതിഭ നെടുമുടി വേണു വിടപറഞ്ഞത് ആരാധകരെയും സിനിമാലോകത്തെയും സങ്കടത്തിലാഴ്ത്തിയത് കുറച്ചൊന്നുമല്ല .. ഇന്ത്യൻ സിനിമയിലെ തന്നെ അതുല്യ പ്രതിഭാശാലികളിൽ ഒരാളാണ് നടൻ നെടുമുടി വേണുവും .. നായകനായും വില്ലനായും സഹനടനായും തിളങ്ങിയ താരം ഇതിനോടകം തന്നെ 500 ൽ അധികം ചിത്രങ്ങളിൽ വെത്യസ്തമായ നിരവധി കഥാപാത്രങ്ങളെ അവതരിപ്പിച്ചിട്ടുണ്ട് .. താരത്തിന്റെ വിയോഗം മലയാള സിനിമയ്ക്ക് തീരാ നഷ്ടം തന്നെയാണ് .. ഇപ്പോഴിതാ പ്രിയ നടൻ നെടുമുടി വേണുവിന്റെ വിയോഗത്തിൽ വിങ്ങിപൊട്ടുന്ന കുറിപ്പുമായി സോഷ്യൽ മീഡിയയിൽ എത്തിയിരിക്കുകയാണ് പ്രിയ നടി മഞ്ജു വാര്യർ .. പ്രിയ നടി മഞ്ജു വാര്യരുടെ ഫേസ്ബുക്ക് കുറിപ്പ് ഇങ്ങനെ ;

അച്ഛന്‍ മരിച്ചപ്പോള്‍ ഒരു കത്ത് വന്നു. ‘സങ്കടപ്പെടേണ്ട…ഇവിടെ ഒരച്ഛനും അമ്മയും എന്നുമുണ്ടാകും…’
വാത്സല്യം നിറഞ്ഞ വാക്കുകളില്‍ നെടുമുടി വേണു എന്ന മനുഷ്യന്‍ മിന്നാമിനുങ്ങുപോലെ പ്രകാശിക്കുന്നുണ്ടായിരുന്നു. എന്തുകൊണ്ടാണ് അദ്ദേഹത്തിന്റെ അച്ഛന്‍വേഷങ്ങള്‍ക്ക് നെഞ്ചില്‍ തൊടുന്ന, ഭംഗിയുള്ള പ്രകാശമുണ്ടാകുന്നത് എന്നറിയാന്‍ ഇപ്പോഴും ഞാന്‍ സൂക്ഷിച്ചുവച്ചിട്ടുള്ള കത്തിലെ വരികള്‍ മാത്രം മതി. ആ അച്ഛനാണ് ഇപ്പോള്‍ യാത്രപറഞ്ഞുപോകുന്നത്. ‘ദയ’ യില്‍ തുടങ്ങിയ ബന്ധമായിരുന്നു ഞങ്ങളുടേത്. പിന്നെ ‘ഉദാഹരണം സുജാത’, ‘ജാക്ക് ആൻഡ് ജിൽ’, ഏറ്റവും ഒടുവില്‍ ‘മരയ്ക്കാറും’ . ഒരുമിച്ചഭിനയിച്ച ചിത്രങ്ങള്‍ കുറവെങ്കിലും എന്നും വിളിപ്പുറത്തുണ്ടായിരുന്നു അദ്ദേഹം. എവിടെയോ വായിച്ച ഓര്‍മയില്‍ ഞാന്‍ ഇടയ്ക്ക് കളിയായി വിളിക്കുമായിരുന്നു..’കൊടുമുടി വേണു!!’ അത്രയും ഉയരത്തിലായിരുന്നു എന്നും അദ്ദേഹം. അഭിനയത്തിലും ജീവിതത്തിലും. പലതും പഠിപ്പിച്ച,തണലും തണുപ്പും തന്ന ഒരു പര്‍വതം. മനസുകൊണ്ട് എപ്പോഴും പ്രണമിക്കുമായിരുന്നു ആ ഔന്നത്യത്തെ. മരണമില്ലാത്ത ഓര്‍മയായി മനസിലുണ്ടാകും എന്നും….വേദനയോടെ വിട!

ഇതായിരുന്നു പ്രിയ നടി മഞ്ജു സോഷ്യൽ മീഡിയയിൽ കുറിച്ചത് .. നാടകരംഗത്തുനിന്നുമാണ് നെടുമുടി വേണു സിനിമാലോകത്തേക്ക് എത്തുന്നത് .. 1972 ൽ പുറത്തിറങ്ങിയ “ഒരു സുന്ദരിയുടെ കഥ” എന്ന ചിത്രത്തിലൂടെയായിരുന്നു നെടുമുടി വേണു അഭിനയലോകത്തേക്ക് എത്തുന്നത് .. പിന്നീട് നിരവധി ചിത്രങ്ങളിൽ വെത്യസ്തമായ നിരവദി കഥാപാത്രങ്ങളെ താരം അവതരിപ്പിക്കുകയും ശ്രെധ നേടുകയും ചെയ്തിരുന്നു .. 500 ൽ അധികം മലയാള ചിത്രങ്ങളിൽ വേഷമിട്ട താരം ഏഴോളം തമിഴ് ചിത്രങ്ങളിലും വേഷമിട്ടിട്ടുണ്ട് .ഞായറാഴ്ചമുതൽ തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലായിരുന്ന നെടുമുടി വേണുവിന്റെ ആരോഗ്യസ്ഥിതി മോശമാണെന്ന് റിപോർട്ടുകൾ പുറത്തുവന്നിരുന്നു ..