Keralafox

സോഷ്യൽ മീഡിയ ഇന്ന് വളർന്ന് വികസിച്ചിരിക്കുന്നത് കൊണ്ട് തന്നെ ചെറിയ കാര്യങ്ങൾ പോലും വളരെ പെട്ടെന്ന് ആളുകളിലേക്ക് എത്തുന്നുണ്ട്. നിരവധി പേരുടെ ജീവിതകഥകൾ ഇതിനോടകം സൈബർലോകം ഏറ്റെടുത്ത് കഴിഞ്ഞതുമാണ്. ജീവിതത്തിൽ നമ്മൾ ആരും പ്രതീക്ഷിക്കുന്നത് പോലെ ആയിരിക്കില്ല പല കാര്യങ്ങളും വന്നുഭവിക്കുന്നത് എന്നതിൻറെ നേർസാക്ഷ്യമാണ് ഫേസ്ബുക്ക് പേജ് ആയ ഹ്യൂമൻസ് ഓഫ് ബോംബെയിൽ വന്ന് നിറയുന്നത്. ജീവിതത്തിൽ അഭിമുഖീകരിക്കേണ്ടി വന്ന നിരവധി പ്രതിസന്ധികളെയും പ്രയാസങ്ങളെയും പറ്റി പലരും തുറന്നു പറയുന്നുണ്ട്. ഇതൊക്കെ ഓരോരുത്തരും അനുഭവിച്ചറിഞ്ഞ കാര്യങ്ങളാണെന്ന് തന്നെ വായനക്കാരനെ പിടിച്ചിരുത്തുന്നു. അത്തരത്തിൽ ഇപ്പോൾ ഒരു യുവതി പങ്കുവെച്ചിരിക്കുന്ന പോസ്റ്റാണ് ആളുകൾ ഏറ്റെടുത്തിരിക്കുന്നത്. ജോലിസ്ഥലത്ത് വെച്ചാണ് ഞാൻ അയാളെ ആദ്യമായി പരിചയപ്പെടുന്നത്. അത് പിന്നീട് പ്രണയത്തിലേക്ക് വഴിമാറുകയും ഞങ്ങൾ ഒളിച്ചോടുകയും ചെയ്തു. വിവാഹം കഴിഞ്ഞ് ഒരു കുട്ടിയായി കഴിഞ്ഞപ്പോൾ ഒരു ദിവസം കൈക്കുഞ്ഞിനെയും എന്നെയും കൊണ്ട് അയാൾ ബോംബെയിലെ റെഡ് സ്ട്രീറ്റിലേക്ക് എത്തി.

അവിടെ ഒരു മുറിയിൽ വിശ്രമിക്കുവാൻ എന്നോട് പറഞ്ഞു. കുറെ നേരം കാത്തിരുന്ന ശേഷവും അയാളെ കാണാതായപ്പോൾ ഞാൻ പുറത്തേക്ക് ഇറങ്ങാൻ നോക്കി. അപ്പോൾ ഒരാൾ എന്നെ തടഞ്ഞു. എന്റെ ഭർത്താവ് എന്നെ നാല്പതിനായിരം രൂപയ്ക്ക് അവിടെ വിട്ടിട്ടു പോയി എന്നാണ് അയാൾ പറഞ്ഞത്. ഞാൻ കുറെ അധികം കരഞ്ഞു. രക്ഷപ്പെടാൻ എന്റെ കയ്യിൽ യാതൊരു മാർഗ്ഗവും ഇല്ലായിരുന്നു. കയ്യിൽ പണം ഉണ്ടെങ്കിൽ അടച്ചിട്ട് പൊക്കോളൂ എന്ന് പറഞ്ഞു. എൻറെ കയ്യിൽ എവിടെ നിന്നാണ് പണം. അങ്ങനെ ഞാൻ ഒൻപതാം ദിവസം ഒരു ഉപഭോക്താവിനെ കണ്ടെത്തി.അതല്ലാതെ എൻറെ മുന്നിൽ മറ്റൊരു മാർഗവും ഇല്ലായിരുന്നു. അങ്ങനെ ജീവിതം മുന്നോട്ടു പോവുകയായിരുന്നു. ഒരു വർഷത്തോളം ഞാൻ ജോലി ചെയ്ത് 25000 രൂപ നേടി. എൻറെ മക്കളെ പഠിപ്പിക്കണം എന്നതായിരുന്നു ആഗ്രഹം. എന്നാൽ മുറിയിൽ ആരുമില്ലാതെ ഇരുന്ന സമയത്ത് എന്റെ ഭർത്താവ് അവിടേക്ക് വന്ന് സമ്പാദ്യം എല്ലാം മോഷ്ടിച്ചു കൊണ്ടുപോയി.

എന്ത് ചെയ്യണം എന്നറിയാതെ ഞാൻ വീണ്ടും കുഴങ്ങി. അങ്ങനെ ജീവിതം മുന്നോട്ടു പോയിക്കൊണ്ടിരുന്ന സാഹചര്യത്തിൽ ഒരുപാട് സ്നേഹമുള്ള ഒരാളെ ഞാൻ പരിചയപ്പെടുവാൻ ഇടയായി. അയാൾ എന്നെ അവിടെ നിന്ന് രക്ഷിക്കാം എന്ന് പറഞ്ഞു. എന്നെ അയാൾ വിവാഹം ചെയ്തു. വിവാഹം കഴിഞ്ഞ് രണ്ടു കുട്ടികളായ ശേഷമാണ് ഞാൻ അയാൾക്ക് മറ്റൊരു ഭാര്യയും കുടുംബവും ഉണ്ടെന്ന കാര്യം പോലും അറിയുന്നത്. രണ്ട് വിവാഹത്തിൽ നിന്നായി മൂന്ന് മക്കളാണ് എനിക്കുണ്ടായത്. അവരെ പഠിപ്പിക്കണം എന്ന ആഗ്രഹം കൊണ്ട് പല സ്കൂളുകളിലും ഞാൻ കയറിയിറങ്ങിയെങ്കിലും വേശ്യയുടെ മക്കളെ പഠിപ്പിക്കാൻ ഇവിടെ പറ്റില്ല എന്നാണ് അധികവും ആളുകൾ പറഞ്ഞത്. അങ്ങനെ ഞാൻ ഒരു ജോലി അന്വേഷിച്ച് അത് കണ്ടെത്തി. എൻറെ മക്കൾക്ക് ഇന്ന് സ്വന്തമായി ഒരു വീട് നിർമ്മിച്ചു നൽകുവാനും അവരുടെ ഇഷ്ടത്തിനനുസരിച്ച് പഠിപ്പിച്ച് ജോലിയിൽ എത്തിക്കുവാനും എനിക്ക് കഴിഞ്ഞു. ഇന്ന് എൻറെ മക്കളും ഞാനും സന്തോഷത്തോടെ ജീവിക്കുന്നു എന്നാണ് യുവതി പങ്കുവെച്ച പോസ്റ്റ്.