നിലയ്ക്കും റെയ്നും സ്നേഹിക്കാനും കൂടെ കളിക്കാനും കുഞ്ഞനിയനെത്തി, രണ്ടാമതും അമ്മയായ സന്തോഷം പങ്കുവെച്ച് പേളിയുടെ സഹോദരി റേച്ചൽ മാണി
കാത്തിരിപ്പിനൊടുവിലായി വീണ്ടും അമ്മയായിരിക്കുകയാണ് റേച്ചൽ മാണി. റയാന് കൂട്ടായി ഒരാൾ കൂടി എത്താൻ പോവുന്നുവെന്ന സന്തോഷം മുൻപ് അവർ പങ്കുവെച്ചിരുന്നു. ഞങ്ങളുടെ ജീവിതത്തിലെ പുതിയ സന്തോഷം കയ് റൂബൻ ബിജോയ്. അവൻ എടുക്കുന്ന ഓരോ ശ്വാസത്തിലും ഞങ്ങളുടെ ഹൃദയം സ്‌നേഹം കൊണ്ട് വീർപ്പുമുട്ടുകയാണ്. ആകാശം പോലെ അതിരുകളില്ലാത്തതാണ് അത്. സന്തോഷവും അത്ഭുതവും ചേർന്ന വലിയ സമ്മാനം. കയ് ഇതിനകം തന്നെ ഞങ്ങളുടെ ദിവസങ്ങളെ നിറചിരിയും സ്വപ്‌നങ്ങളും കൊണ്ട് നിറച്ചിരിക്കുകയാണെന്നുമായിരുന്നു റേച്ചൽ കുറിച്ചത്. കുഞ്ഞതിഥിക്കൊപ്പമുള്ള ചിത്രവും അവർ പോസ്റ്റ് ചെയ്തിട്ടുണ്ട്.
പേളി മാണിയായിരുന്നു പോസ്റ്റിന് താഴെ ആദ്യം കമന്റുമായെത്തിയത്. എന്റെ ഹൃദയം. ഞങ്ങളുടെ കുടുംബത്തിലേക്ക് കയ് നെ സ്വാഗതം ചെയ്യുന്നുവെന്നായിരുന്നു പേളി കുറിച്ചത്. ശ്രിനിഷ് അരവിന്ദും സ്‌നേഹം അറിയിച്ചെത്തിയിരുന്നു. നിരവധി പേരാണ് റേച്ചലിനും റൂബനും ആശംസ അറിയിച്ചെത്തിയിട്ടുള്ളത്.
കൊവിഡിന് ശേഷമാണ് കേരളത്തിൽ യുട്യൂബേഴ്സിന്റെ എണ്ണം ക്രമാതീതമായി ഉയർന്നത്. അതുകൊണ്ട് തന്നെ നല്ല കണ്ടന്റുകൾ തേടിപിടിച്ച് കാണാനാണ് സോഷ്യൽമീഡിയ ഉപയോഗിക്കുന്നവർ ശ്രദ്ധക്കാറുള്ളത്. അത്തരത്തിൽ വ്യത്യസ്തത കൊണ്ട് ആരാധകരെ സൃഷ്ടിച്ച യുട്യൂബറാണ് പേളി മാണി. വളരെ വർഷങ്ങളായി പേളി മാണിക്ക് യുട്യൂബ് ചാനലുണ്ട്.ഇരുപത് ലക്ഷത്തോളം സബ്സ്ക്രൈബേഴ്സുള്ള ചാനലിൽ ഇടുന്ന ഓരോ വീഡിയോയും നിമിഷ നേരങ്ങൾക്കുള്ളിലാണ് ലക്ഷക്കണക്കിന് കാഴ്ചക്കാരെ നേടുന്നത്. പേളിയുടെ ഒട്ടുമിക്ക വീ‍ഡിയോകളും നിസാര സമയത്തിനുള്ളിൽ വൺ മില്യൺ നേടിയവയാണ്.
ഭർത്താവ് ശ്രീനിഷും മകൾ നിലയും കൂടി ജീവിതത്തിലേക്ക് വന്നതോടെ പേളി കൂടുതലായും യുട്യൂബ് വീഡിയോകൾ ചെയ്യുന്നതിനാണ് പ്രാധാന്യം കൊടുക്കുന്നത്. രണ്ടാമതും ഗർഭിണിയായശേഷം ഷോകൾ ചെയ്യുന്നതിൽ നിന്നും യുട്യൂബ് വീഡിയോകൾ ചെയ്യുന്നതിൽ നിന്നുമെല്ലാം പേളി വിട്ടുനിൽക്കുകയായിരുന്നു. ആദ്യത്തെ മൂന്ന് മാസം വളരെ പ്രയാസം നിറഞ്ഞതായിരുന്നുവെന്ന് പേളി തന്നെ പറഞ്ഞിരുന്നു.
