തൻ്റെ പാർട്ണറെ പരിചയപ്പെടുത്തി ലച്ചു, റീഎൻട്രിക്കായി വിളിച്ചാൽ ബിബിയിലേക്ക് പോകാൻ റെഡിയെന്ന് താരം
ബിഗ് ബോസ് മലയാളം സീസൺ അഞ്ചിൽ നിന്നും ആരോഗ്യ പ്രശ്നത്താൽ പുറത്തു വരേണ്ടി വന്ന മത്സരാർഥിയാണ് ലച്ചു. തുടക്കം വലിയ ആക്റ്റീവ് ആയിരുന്നില്ലെങ്കിലും പിന്നീട് ഗെയിമിലേക്കിറങ്ങി നല്ല രീതിയിൽ പ്രകടനം കാഴ്ചവെക്കുന്നതിനിടെയാണ് അപ്രതീക്ഷിതമായി ഐശ്വര്യ സുരേഷ് എന്ന ലച്ചു ബിഗ് ബോസിന് പുറത്തേക്ക് പോയത്. എപ്പിസോഡുകൾ കാണുമ്പോൾ ബിഗ് ബോസ് വീട് മിസ് ചെയ്യുന്നുണ്ടെന്ന് ലച്ചു പറയുന്നു.
“ബിഗ് ബോസില് നിന്ന് എനിക്ക് ഇറങ്ങേണ്ടിവന്നു. എന്താന്നുവച്ചാല് എന്റെ ആരോഗ്യം ആകെ മോശമായിപ്പോയി. മൂന്ന് വട്ടം പിരീഡ്സ് വന്നു. വജൈന സ്വെല്ലിംഗ് വന്നു. ഒരാഴ്ച മൊത്തം ഛര്ദ്ദി ആയിരുന്നു. ട്രിപ്പ് തന്നിട്ടും വീണ്ടും ഛര്ദ്ദിച്ചുകൊണ്ടിരുന്നു. അതൊക്കെ കാരണം കൊണ്ട്, ആരോഗ്യ കാരണങ്ങളാല് ഞാന് ബിഗ് ബോസില് നിന്ന് വിട പറയുകയാണ്. വിട പറഞ്ഞു. നിങ്ങള് എല്ലാവരും തന്ന പിന്തുണയ്ക്ക് എല്ലാവര്ക്കും വലിയ നന്ദി. എന്റെ ആരോഗ്യകാര്യം ഞാന് ശ്രദ്ധിക്കും. ചികിത്സയൊക്കെ കൃത്യമായി എടുത്തിട്ട് ഞാന് വേഗം വരുന്നതായിരിക്കും”, എന്നാണ് പുറത്തിറങ്ങിയ ശേഷം ലെച്ചു ലൈവിൽ പറഞ്ഞത്.
റീ എൻട്രി കിട്ടിയാൽ എന്തായാലും പോകുമെന്നും നല്ല രീതിയിൽ പെർഫോം ചെയ്യണം എന്നാണ് ആഗ്രഹമെന്നും ലച്ചു പറഞ്ഞു. ബിഗ് ബോസിൽ നിന്നും പുറത്തായതിന് ശേഷം ആദ്യമായി കേരളത്തിൽ എത്തിയപ്പോഴായിരുന്നു ലെച്ചുവിൻ്റെ പ്രതികരണം. തൻ്റെ പാർടർ ശിവാജിയും ലച്ചുവിനൊപ്പം ഉണ്ടായിരുന്നു. ശിവജി സംവിധായകനും, ഫോട്ടോഗ്രാഫറും ആണെന്ന് ലച്ചു പറഞ്ഞു. വീടിൻ്റെ പുറത്തിറങ്ങിയപ്പോൾ ആണ് ഇത്തിരികൂടി എൻ്റെ ഗെയിം നല്ല രീതിയിൽ ആക്കാം എന്ന് തോന്നിയത്. ആരോഗ്യപ്രശ്നങ്ങൾ ഒന്നും ഇല്ലായിരുന്നു എങ്കിൽ കുറച്ചുനാൾ കൂടി സ്ട്രോങ്ങ് ആയി നിൽക്കാമായിരുന്നു എന്നും ലച്ചു പറഞ്ഞു. കടന്നുവന്ന വഴികളില് താന് നേരിട്ട അതിക്രമങ്ങളെക്കുറിച്ചും അതില് നിന്ന് നേരിടുന്ന ആരോഗ്യ പ്രശ്നങ്ങളെക്കുറിച്ചുമൊക്കെ ലച്ചു ബിഗ് ബോസില് വച്ച് പറഞ്ഞിരുന്നു.
തിങ്കളാഴ്ച നിശ്ചയം എന്ന ചിത്രത്തിലെ ക്ലൈമാക്സ് രംഗത്തിലൂടെ എത്തി വലിയ ബ്രേക്ക് നേടിയ താരമാണ് ലച്ചു. അഭിനേത്രി മാത്രമല്ല, മോഡലിംഗ് രംഗത്തും തന്റെ മികവ് തെളിയിച്ച ആളാണ് ലച്ചു. ദിസ് ഈസ് ലച്ചുഗ്രാം എന്ന ഇന്സ്റ്റഗ്രാം പേജില് ഏറെ ആക്റ്റീവ് ആയിട്ടുള്ള അവര്ക്ക് അവിടെ ബിഗ് ബോസ് പ്രവേശനത്തിന് മുന്പ് തന്നെ 73,000 ല് അധികം ഫോളോവേഴ്സ് ഉണ്ട്. ദക്ഷിണാഫ്രിക്കയിലെ ജോഹന്നാസ്ബര്ഗില് വളര്ന്ന ആളാണ് ഐശ്വര്യ. നടി, മോഡല് എന്നതിനൊപ്പം മികച്ച നര്ത്തകിയുമാണ്.